Cumulonimbus incus

De Wikipedia
Salta a la navigazzion Và a cercà
Lumbard ucidental Quest articol chì l'è scrivuu in lombard, grafia milanesa.

1leftarrow.pngVos principala: Cumulonemb.

Cumulunimbus incus

El Cumulonimbus incus a l'è ona sòrta de cumulonemb che 'l gha di crescènz compagn che in di cumul e la soa scima la gh'ha la forma d'on'incudin. A l'è tipich del svilupp complètt de on temporal. [1]

Cirri fals[Modifega | modifica 'l sorgent]

In su la sommitàa de la nivola ind la soa fase madura poden comparì i cirri fals, che a differenza di cirri che compagnen on front cald hinn pussée dens e desponnùu d'ona manera men regolàr.[2]

Scannelladur e stratificazion[Modifega | modifica 'l sorgent]

De sorapù la presenza de scannelladur e stratificazion l'è el sègn de l'advezion de aria calda in quòta, donca de ona inversadura tèrmica, ch'a l'è 'na situazion nò favorevol per i temporaj.[3]

Formazion accessòri[Modifega | modifica 'l sorgent]

Coa del fluss in entrada[Modifega | modifica 'l sorgent]

Coa del fluss in entrada.

La coa del fluss in entrada a l'è ona nivola a coa ind la zòna de contàtt tra la corrent ascendenta e 'l fluss in sortida. La se forma quand che gh'è ona corrent ascendenta fòrta e ona tromba d'aria la podarìss ingeneràss pròppi ind la zòna de contàtt tra la coa del fluss in entrada e 'l cumulonemb.[4]

Sbassada[Modifega | modifica 'l sorgent]

Sbassada de on cumulonebm in assenza de precipitazion

La sbassada a l'è 'na formazion taccada sòta la base de on cumulonemb indoe gh'è la corrent ascendenta. S'a l'è irregolar alora el voeur dì che l'aria calda e quèlla frèccia hinn adrèe a mes'ciass d'ona manera minga regolar, se inveci l'è taccàa de bon in su la base del cumulonemb, alora a gh'è ona corrent ascendenta fòrta e compàtta, s'a l'è circolàr el voer dì che la corrent ascendenta l'è adrée a pirlà con ris'c de borineri, se inveci l'è nò complètta, piegàda, slongàda e fa su a tochèj, alora la corrent ascendenta la sarà débol. Se inveci l'è bassa, gròssa, larga e circolar a gh'è el ris'c de evoluzion ind ona super-cèllula con borineri

La situazion pussée pericolosa a l'è quand che gh'è la sbassada, gh'hinn di fulmen senza precipitazion oppur domà con on quaj granèll de tempèsta e vent calmo. In quèll caso chì a gh'è na corrent ascendenta esplosiva con ris'c de borineri d'improvvis.[5]

Nivola a borlon[Modifega | modifica 'l sorgent]

Exquisite-kfind.png Per savenn pussee, varda l'articol Nivola a borlon.

Nivola a mensola[Modifega | modifica 'l sorgent]

Exquisite-kfind.png Per savenn pussee, varda l'articol Nivola a mensola.

Vos correlaa[Modifega | modifica 'l sorgent]

Riferiment[Modifega | modifica 'l sorgent]

  1. Gabriele Formentini (2009). Temporali e e Tornado (in italian). Alpha Test, 24. ISBN 978-88-483-0992-9. 
  2. Gabriele Formentini (2009). Temporali e e Tornado (in italian). Alpha Test, 29. ISBN 978-88-483-0992-9. 
  3. Gabriele Formentini (2009). Temporali e e Tornado (in italian). Alpha Test, 30-31. ISBN 978-88-483-0992-9. 
  4. Gabriele Formentini (2009). Temporali e e Tornado (in italian). Alpha Test, 36-37. ISBN 978-88-483-0992-9. 
  5. Gabriele Formentini (2009). Temporali e e Tornado (in italian). Alpha Test, 33-35. ISBN 978-88-483-0992-9.