Perth

Quest articol chì l'è scrivud in lombard, con la Noeuva Ortografia Lombarda

Disambiguazión – Se te see dree a cercà la cità scozzesa, varda Perth (Regn Unid).

Perth (IPA [ˈpʰɜːθ]) a l'è la capitala del Stat federad de l'Australia Ocidental. A l'è la quarta cità pussee popolosa d'Australia dop de Sydney, Melbourne e Brisbane e la pussee popolosa de la costa ocidentala del Paes con 2.1 milion (80% del stat) in de la Greater Perth,^[1] el so nom a l'è un omagg a la cità de Perth in Scozzia.

Geografia fisega

Territori

Perth la se spantega longh el fium Swan, ciamad inscì per i nativ cign negher del Willem de Vlamingh, capitan de una spedizzion olandesa; a ovest la gh'ha l'Ocean Indian e a est i antighe Darling Ranges.

Skyline de Perth in del 2019

Storia

El sit indova incoeu la gh'è Perth a l'è stad abitad per miara de agn di grup de la tribù Nyoongar. In del dicember del 1696 tre nav comandade del Willem de Vlamingh - el Nijptangh, el Geelvinck e l'Het Weseltje - s'inn fermad denanz de Rottnest Island. El 5 de sgenar del 1697 un grup el riva in su la terra-ferma, arent a quella che incoeu l'è Cottesloe Beach e la va vers est in direzzion del fium Swan vesin a Freshwater Bay. Perth la vegn fondada in del 1829 'me colonia in sul fium Swan, ma la cress adasi in fina al 1850, quand che i presoner inn stad portad chì per havé pussee de manodopera. Però el desvilup de Perth a l'è stad inferior a quell di olter cità de l'est, in fina a la descoverta de l'or in di agn 90 del Vot-cent che la fa andà su la popolazzion de quater voeulte pussee in domà un deceni.