Australia Ocidental

De Wikipedia
Lombard Quest articol chì l'è scrivud in lombard, con la Noeuva Ortografia Lombarda
L'Australia Ocidental in de l'Australia.

L'Australia Ocidental[1] (Western Australia in ingles) a l'è un Stat federad de l'Australia con capitala Perth. A l'è el quart Stat pussee popolos de l'Australia dopo del Noeuv Galles del Sud, del Victoria e del Queensland, con circa 2.76 milion de persone,[2] e el pussee grand de tucc, cont una superfis de circa un terz del mainland australian, de 2.645.615 km². La pupart de la popolazzion la viv in de la capitala o arent, i olter bande del Stat a inn poch abitade.

Storia[Modifega | modifica 'l sorgent]

I indigen australian hann abitad questa zona de miara de agn, inn rivad del nord circa 40,000-60,000 agn indree. I indigen eren assee spantegad in de la banda de l'Australia Ocidental quand che i esplorador europee hann tacad a rivà al principi del secol XVII.

I prim europee a rivà in de l'Australia Ocidental eren de la spedizzion olandesa Dirk Hartog, che l'ha visitad la costa in del 1616. La prima colonia l'è vegnuda cont el Magior Edmund Lockyer el 26 de december 1826 de una spedizzion del governo colonial del Noeuv Galles del Sud.[3] El Lockyer el s'è fermad in su la costa sud, a King George III Sound, incoeu Albany el 21 de Sgenar 1827.[3] Poeu la vegnarà fondada la Colonia del fium Swan in del 1829, con anca el sit de la capitala de incoeu, Perth. York, inscambi, a l'è stada la prima cità in del de denter del stat, 97 km a est de Perth, l'è stada fondada el 16 de setember 1831.[4]

Geografia fisega[Modifega | modifica 'l sorgent]

El Stat el confina con Ocean Indian nord e a ovest, con l'Ocean Pacifegh a sud, cont el Territoti del Nord a nord-est, e con l'Australia Meridional a sud-est. A l'è de sorapu la segonda partizzion statala pussee granda del mond, dedree domà de la Republega de Sakha in Russia.

El Stat a l'è per la pupart caraterizad de altipian che superen minga i 600 meter de altezza (Carnarvon Range, Stirling Range); el Mont Meharry a l'è el pont pussee volt cont i so 1.251 meter. I pianure se spanteghen per tuta la banda de la costa e riven poeu ai altipian. El territori a l'è in prevalenza sabios e succ con poche piante foeura che in de la part sud-ocidentala, ciamada Swanland indova che la viv la pupart de la popolazzion.

Note[Modifega | modifica 'l sorgent]

  1. Anca cognossuda 'me "Australia Ocidentala" o "Australia de l'Ovest".
  2. National, state and territory population – December 2021. Australian Bureau of Statistics (28 June 2022). Recuveraa el 1 July 2022.
  3. 3,0 3,1 King George's Sound Settlement. State Records Authority of New South Wales.
  4. (1911) "The Creation of the Several Colonies", Official Year Book of the Commonwealth of Australia. Melbourne: Commonwealth Bureau of Census and Statistics, 16. 

Alter proget[Modifega | modifica 'l sorgent]