Personagg de Lamù

Quest articol chì l'è scrivuu in lombard, grafia milanesa.

Archivi:Lamù personaggi.jpg

El grup complett de la serie, con denanz l’Ataru e la Lamù, ind la conclusión del quanti film

Elench di personagg principàj present ind l’anime e in del manga Lamù del Rumiko Takahashi.

Protagonista

Ataru Moroboshi

Per savenn pussee, varda l'articol Ataru Moroboshi.

L’Ataru Moroboshi a l’è ‘l protagonista de la serie, second quell che l'autrìs l'hà deciaràa in divèrsi intervìst. A l’è 'n bagàj proppi dislippàd, per via d'una serie de avvenimént capitàa in occorrenza de la soa nascita: l’Ataru l’è nassùu el venerdì 13 de aprìl, (el dì de Butsumetsu), in d'ona nòtt de luna piena. Questa data chì l’è considerada assosènn deslippada in la cultura giapponesa ma anca in quella occidentál:

• El Venerdì 13 el ven consideràa, in di paés occidentai (soratutt quèj d’origin anglosasson), 'na data assosénn dislippada;
• El numer 4 (cont el qual se indica el mes de april) a l’è oggett d' ona superstizion in di paes asiatich per via de la soa pronunzia (el gh’ha o de fatt on son compàgn o istèss de quel de la paròla "mòrt");
• El Butsumetsu, vun di dì a fa su el rokuyō, a l’è consideràa assosènn deslippàa perchè l’è el dì che la ven ricordada la mòrt del Buddha.

A ‘sti circostánz chì ghe se giónten adrée quej succèss a la mader partorienta in del cors del tragitt de la ca’ a l’ospedál, che insèma fann su on campionari de azión che vègnen considerad come tira-disgrazzi: per evità de incontrà on gatt negher che l’intraversa la strada l’è passada sòta ‘na scala e l’hà ciappàa denter on carrell pòrta-mangià e la n’hà và stravacca el saa; el carell l'è poeu andàa denter in d'un negòzzi de spègg e 'l n'hà ròtt on quaidun.

El sò nòmm in giappones el ven tradòtt come vess ciappàa d’ona stèlla che l’è ‘dree a borlà giò, questa chì l'è ona situazión che la descrìv i avvenimént senza fondamént e menagràmm che ghe càpiten e che la fa pensà a la soa relazión con la Lamù. L’Ataru, ancaben che l’ammètta minga, l'è perdùu adrée a la Lamù: el prefersìss andà adrée a comportàss 'me conquistadór e corrégh adrée a di alter tosànn pustòst che ligàss stabilmént a l’aliena, acaben che l'è tant affezzionàa.

A l’è ‘n studént del liceo e ‘n socchée de professión; el passa i sò giornàd a fagh di schèrz stùpid ai sò compàgn de class e a suttà a fa di tentatìv per fagh pérd el coo a tucc i tusànn che ghe capiten sòttman. A l’è assosènn stùpid, imprùdent, baradór, egoista e zoccón, ma in fond el gh’hà on coeur d’òr.

In del cors de la soa giornada, despèss el gh’hà de combàtt contra 'l Ten (che 'l le voeur trasformàll in zéner perchè a le considera tròpp stùpid e indègn come marìi per la soa cusina Lamù) e contra 'l Shutaro (che ‘l le considera on rivàl in amór e ‘l voeur coppàll con la soa katana). A l’inviada lù el morosa con la Shinobu, soa amisa di temp che l'era fioeu; el rivà de la Lamù el comporta la fin de quèsta relazión chì.

In fond al coeur l’è innamoràa de la Shinobu Miyake, nondemén el ne subìss la lontananza e di vòlt el sò refùd, per via del sò contègn lascìv. In del primm episòdi el sò l’era 'n amór acclamàa, de fàtt lù el voreva sposàla tant che ‘l mena a voltra el sò desidér inanta che l’è ‘dree a ciappà la Lamù restada coi tètt de foeura o, compàgn che ‘l se ved in del’episòdi 11, el se mètt adrée a sfidà i fùlmin de l'aliena adrée a tutt el tragitt cont el fin de incontrà la Shinobu e brasciala su. Pussée tard però el se destàcca de la tósa, e intratanta anca la la fà compagn de lù, e ‘l par che ‘l sentimént el se sìa finìi foeura. Comunque l'anime el gh’hà denter di sègn che marchen che ‘l sentimént, impunemánch sopìi, el gh’è anmò. La ven mostrada 'na quai circostanza, per esempi quand che l’era gelós de la Shinobu putóst che de la Lamù (episòd 39 e 46) o i avvenimént al luna park (episòdi 138): compàgn per esempi del moment che l'è 'dree a córr con la Shinobu per schivà un’enòrme gióstra che l’è ‘drée per crollà, cont el ris’c che la borla giò anca in sui alter, comprésa la Lamù. O anmò quand che ‘l fa on sògn indoe el ghe diss a la Shinobu che ‘l voeur tornà a parlàgh insèma, e dessorapù sposala (episòdi 210).

Lamù

Per savenn pussee, varda l'articol Lamù (personagg).

La Lamù a l’è voeuna di protagonista de la serie, insèma a l’Ataru Moroboshi. A l’è un' aliena, fieoula del gran capp di Òni e l’è bòna de sgolà e de emètt di descàregh elèttrich. La Lamù l’è tanto bèlla e ‘l sò vestìi tìpich l’è fàa su de di bikini tigràa e de di stivàj fina al genoeugg, tigràa anca lór . I sò cavèj hinn de divèrsi de colór iridescént, che hinn stàa disegnàa in del’anime d’on colór verd per fà i ròbb pussée sempliz ai disegnadór. In sul coo, aprèss ai tempi, la gh’hà du cornètt che rappresenten el yin. Sibén che la sìa nò on vampiro la gh’hà du dent canin e la gh’hà in òdi l’aj.

A l’è innamorada de l’Ataru, che ‘l le ciama "Tesorùcc" ("Darling" ind la versión original giapponesa). De sòlit l'è quiètta, ma la se inrabìss facilmént soratùtt quand che l’Ataru el ghe và adrée ai alter dònn: in quel caso chì la fa vedè sùbit la soa rabbia provocada de la gelosia slanzand i sò descàregh elèttrich contra del bagàj, piccàndoll con furia e sgagnándoll. A l’è nò ona brava coeuga, e istèss de tucc i Òni la magna senza problèma di mangià piccantissim. Divèrsi vòlt la provà a offrìgh i sò pietànz a l’Ataru senza pensà che i vess uman poden mangià nò compàgn di Òni.

Despèss la Lamù la ven ciamada principessa di Òni, soprattùtt di ammiradór occidentàj. In realtà né el manga né la serie a la television se riferissen mai a on tìtol nobiliár, anca se i gran vicc del sò pader ripètt ai alter Òni e a la comunità aliena i faghen pensàa che lù el sìa ona persòna assosènn importanta.

Umani

Shinobu Miyake

Per savenn pussee, varda l'articol Shinobu Miyake.

A l’inviada la Shinobu l’era la morosa semi-fissa de l’Ataru e 'na soa amisa quand che l'era ona fioeulina. El fatto che l’Ataru el seguitava a fagh el fil a di alter dònn e ‘l rivà de la Lamù l’hà fa finì la relazion infra i du bagaj. Quand che la Shutaro la riva al liceo Tomobiki le la comenza a vardagh adree e a provà a conquistàll, ma el fioeu di Mendo el ghe varda adrée domà a la Lamù. Dòpo on poo de temp lee la perd l’interèss anca per lù e la para refrattaria a l’amór, anca perché de spèss l'è vardada adrée di bagàj on tant strani. La riess a realizzà el sò sògn quand che la conóss l’Inaba, on bagaj che ‘l lavora per ona strana organizzazion trans-dimensionál.

La Shinobu a l’è dolza e romantica ma quand che la se inrabìss la diventa violenta e la manda foeura ona fòrza sovrumana che la ghe permètt de slanzà lontán di oggètt pesantìssim compagn di tàvol e armadi; ‘na vòlta cha la s’è sfogada la torna a vèss la sòlita tosa quiètta e delicada conossuda de tucc. El nòmm Shinobu, in giapponése, el voeur dì resist, portà pazienza, sopportà.

Kosuke Shirai

El Kosuke Shirai (白井 コースケ, Shirai Kōsuke^?) a l’è el primm amis de l’Ataru e sò compagn de class. A l’è soratùtt on personagg secondari de la serie, anca se de spèss a l’è tiràa denter in di disavventùr de la class de l’Ataru. Anca se di vòlt el para che ‘l gh’abìa ona còtta per la Lamù, el gh'hà la morósa, e de nòrma el sò mestee l’è quell de fà de "vos" per el rèst de la class. A l'è presónt domà in del manga e in de l’OAV quèll di desdòtt, inveci in de l’anime la soa part l’è sotituida de quella di ammiradór de la Lamù.

Ammirador de la Lamù

I ammiradór de la Lamù hinn quatter compagn de class de l’Ataru innamoràa de la Lamù: Megane, Perma, Kakugari e Chibi. Infra tutt domà el Megane — el capp del grupp — a l’è de vèra innamoràa de la Lamù, i alter ghe vann domà adrée ai decisión del bagàj ma n'hinn minga convint. La sóa part l’è quèlla de controllà che l’Ataru el faga minga soffrì la Lamù: se vun di quatter el ved la tosa malicònica o giò de corda el grupp el reagìss cont el pestà de bon al giovin Moroboshi condideràa come ‘l responsàbil de la situazión. In del manga i quatter personagg vègnen a voltra domà in di primm capitoi e fànn ‘na part marginal; in de l’anime e in di film tràa foeura de la serie ciappen inveci ona part pussée importanta e ancasì acquisissen on profond significàa psicològich.

El Megane a l’è el personagg pussée incantévol del grupp. A l’è ùnegh che l'è innamoràa de vera de la Lamù e ‘l vorarìss morosà con la tosa inscambi de l’Ataru, che considerad de lù come 'n rivàl. El Megane a l’è on filòsof e on intellettuál, ma l'è anca infesciàa, sognadór e fanàtich. Vun di sò passatémp a l’è quèll de cimentàss come regista de film indoe la Lamù l’è la protagonista. La Megane a l’è on otaku appassionàa de fantascienza e de la guèrra: i mus de la soa stanza a hinn tappezzàd de fotografìj e di manifèst de la Lamù, la gh’hàa ancasì ona fila de modellìtt e di pòster che con su di astronavi e di robó di anime e ‘n quàj manifèst del nazismo. La soa part in de l’anime la diventa semper pussée importanta, fina a diventà a bon cunt una vos che la cunta su i aveniment, in del film Lamù - Beautiful Dreamer indoe i avvenimént a hinn cuntàa su del sò punto de vista. In giapponés megane el voeur dì "oggiai": a l'è on soranòmm del personàgg (che ‘l ghe n’hann su on para) e che ‘l podarìss vèss tradòtt anca cont on irònich "quattroeùgg". Comunque el ver nòmm del personagg l’è Satoshi. I alter componént del gruppa hinn manch important del Megane: el Perma ("permanént") a l’è ‘l personagg pussée caratterizzàa del grupp. A l'è alt e màgher, el gh’hà on caràtter pussée lìber e quiètt: de lor quatter l’è ùnegh che ‘l gh’hà la morosa e per quèst el contravvén a la lìnea de la "fedeltà totàl a la Lamù" impòsta del Megane. El Kakugari ("taj a la mòda") a l’è ‘n bagaj putòst robùst e fòrt e l’è on grand amìs del Chibi ("[[Chibi|puresìn]", "animál pussée pìccol del normál"), e l'ùltim componént del grupp, che però el picca de spèss. ‘Sti trii chì hinn fedelissim al Megan e raraMènt en discuten i órdin.

El Megane l’è dobbiàa in giapponés del Shigeru Chiba e in italián del Fabrizio Mazzotta (ep. 2), el Vittorio Guerrieri (ep. 6, 13-14, 33-34), el Giovanni Petrucci (ep. 9-10), el Massimiliano Manfredi (ep. 15-16, 21-28), el Mino Caprio (ep. 17-18), el Fabrizio Manfredi (ep. 35-52), el Stefano Onofri (ep. 53-109), el Stefano Mondini (ep. 110-152) e el Gabriele Lopez (ep. 153-217). El pèrma l’è dobbiàa in giapponés de l’Akira Murayama e in italián de la Monica Cadueri (ep. 2), el Fabrizio Mazzotta (ep. 4), el Fabrizio Manfredi (ep. 9-10, 33-34, 67-109), el Corrado Conforti (ep. 15-16, 23-24, 41-42, 48-57, 60-62), el Stefano Onofri (ep. 17-18), el Rory Manfredi (ep. 25-28, 59, 65) el Massimiliano Manfredi (ep. 35-40, 45-47), el Giorgio Locuratolo (ep. 110-152) e ‘l George Castiglia (ep. 153-217). El Kakugari a l’è dobbiàa in giapponés del Shinji Nomura e in italián de l’Oreste Baldini (ep. 2-6), el Fabrizio Mazzotta (ep. 9-16, 19-20, 23-109), el Fabrizio Manfredi (ep. 17-18, 21-22), el Massimo Corizza (ep. 110-152) e el Mirko Mazzanti (ep. 153-217). El Chibi l’è dobbiàa in giapponése de l’Issei Futamata e in italián del Fabrizio Mazzotta (ep. 6), el Fabrizio Manfredi (ep. 9-10), el Stefano Onofri (ep. 13-16, 37-55), el Christian Fassetta (ep. 25-28, 59-65), el Rory Manfredi (ep. 67-109), el Massimo Corizza (ep. 110-152) e del Luca Ferrante (ep. 153-217).

Famiglia Fujinami

Ryūnosuke Fujinami

Per savenn pussee, varda l'articol Ryūnosuke Fujinami.

La Ryūnosuke l’è ona tosa levada sù del sò pader compaàgn d'on mas’c. Per via de la soa educazión la sa minga mostràss come ona dòna e fa vedè la soa femminilità, che inveci lee la gh’hà de scond fassandoss i tètt; i rar vòlt che la proeuva a ‘vègh el contègn de ‘na tosa l’è estremmamént infesciada e la risulta pòcch credìbil. I attenzión de l’Ataru— l'ùnegh che ‘l riess a considerala come ona tosa — peggiòren domà la soa situazion. El sò stèss nòmm, Ryūnosuke, de sòlit l’è maschìl e minga giùst per una dòna.De spèss l’è minga in accòrd cont el pader, che ‘l voeur considerala come ona tosa e ‘l ghe impònn de vestìss a la manera tipica di mas'c. Despèss i lit frequént cont el genidór ingéneren di violént combattimént, in del cors di quàj lor du fann foeura tutt quèll che se troeuva arént ai sò sconter. La Ryūnosuke l’è assosènn fòrta e bòna de scombàtt perché la suttà a allenàss ai arti marziai che l’hà praticàa fina de fioeulina.

Scior Fujinami

Per savenn pussee, varda l'articol Signor Fujinami.

El scior Fujinami a l’è on tizzi putòst stravagánt. Gestór d’on ristoránt taccàa a la riva, el desidera avègh on fioeu mas’c de cédegh l’attività. Quand che la miée del Masako la mètt al mond ona fèmmina lù ‘l la leva su compàgn d'on mas’c e ‘l ghe dà on nòmm tipicamént maschìl: Ryūnosuke.'Na vòlta restàa deperlù— degià che la miée l'el bandòna dòpo on zich de temp de la nascia de la fioeula — el và adrée in del sò progètt de levà su la Ryūnosuke compàgn che la fùdèss on màsc e ‘l la sottopònn a di dur allenamént fìsich. A l’è l’è assosènn crapón quand che el nega l’evidenza, e ‘l và adrée a sostegnì che la Ryūnosuke l’è ‘n mas’c. El sò comportament el fa inrabì la Ryūnosuke, che la desidera vèss considerada come ona tosa: i sò lit furiós finìssen de spèss come ona lit violenta.

Famiglia di Sakurambo

Sakurambo

Per savenn pussee, varda l'articol Sakurambo.

A l’è on vègg mònegh buddista, caratterizzàa del vegnì a voltra a l’imprevista in su la scèna de manera de fa stremì i spettadór. El gh’hà on appetìtt foeura de misura, e l’è sémper pront a qualsìasi ròba per scroccàgh del mangià al primm malcapitàa.Convint che l’Ataru el sìa l’òmm pussée deslippàa del mond, a l’è semper prónt a mèttess adrée a protég el bagài del sò destìn. El Sakurambo el gh’hà di enormi podè soranturàj e l’è bon de pareggià di pozión magic potént, ma i sò intervént peggiòren domà la situazión. Bass de statùra e de l’aspètt ch ‘l pias pròppi pòcch , di vòlt el se divertìss a giogàgh di schèrz ai alter personàgg a tappascià con di scanz che rappresenten i gamb di alter persònn simulándonn la presenza.

Dotorèssa Sakura

Per savenn pussee, varda l'articol Sakura (Lamù).

A l’è la bèlla nevoda del Sakurambo, dottorèssa del Liceo Tomobiki, sacerdòta shintoista e esorcìsta potenta. de spèss la taccà lit cont el barba per via de la soa condòtta stravaganta e per la soa fed religiosa (el buddhismo, professàa del Sakurambo, el gh’hà di tratt istèss del shintoismo ma el s’imprèsta a di interpretazión divèrsi di medésim aspètt). Diversamént del barba a l’è alta, snèlla e attraenta. El sò aspètto fisich el ghe pias a tucc i mas’c de la scoeula, che de spèss ghe toeuven el fiàa, ma la Sakura la ghe pensa nò innanz de ciappà i sò pretendént a pesciàd o de colpìj oggètt per tegnìj lontán. Del Sakurambo l’ha inveci ciapàd l’appetìt insagollàbil, che ‘l ghe permètt de magnà di quantità de mangià che se pò minga cred senza ingrassà.

La Sakura l’è la morosa del con Tsubane Ozuno; i rar inconter intra sti du chì vegnen semper desturbàa de la presenza de l’Ataru o de dì alter personàgg de la serie.

Tsubame Ozuno

El Tsubame Ozuno (ツバメ, Tsubame^?) l’è smorosàa con la Sakura. De aspètt fìsich dèbol e piscinìn, a l’è al’oppòst de la Sakura che— benché snèlla e alta — la gh'hà ona discrèta fòrza fisica. El se lassa influenzà assée facilmènt e ‘l par assée ingènov perché despèss el riéss minga a comprénd el significàa di discórsi che ‘l Sakurambo e la Sakura ghe fànn. El Tsubame l s’è specializzàa ind la magia negra europea e, de spèss , el ricòrda di móster compàgn del Frankenstein e del Dracula. Impunemànch i studi approfondìi el par che ‘l sìa minga tròpp bravo in di art màgic: quasi semper el Tsubamel el pèrd el contròll di móster di quàj el parlaa, tant che de spèss la fin di sò magìj l’è disastrosa.

Ona trovada ricorrenta in del manga e in de l’anime a l’è quèlla che la revarda i sò incónter galá con la Sakura: ògni vòlta che i du morós rèsten in deperlór e hinn adree per basàss a vegnen semper interròtt de la Lamù, l’Ataru, el Shinobu, el Shutaro e ‘l Ten.

El nom Tsubame el voeur dì rondena in giapponés; l’istèssa paròla la pò ciapà anca el significàa de giovina gimacca che la se fa mantegnì.

Liceo Tomobiki

Prèside

El Preside (校長先生, Kouchou-sensei^?) l’è ‘l prèside del liceo Tomobiki. Ind la primma soa compàrsa in de l’anime el ven rappresentàa in manera assée divèrsa del personagg de manga sia per el sò aspètt fisich sìa per el caratter: una persòna distanta de mèzza età stempiada fin a la part de sora del coo. El pòrta i barbìs e ‘l gh’hà su on par de oggiai cont i lent molt piscinin ma spèss. In di episodi adrée el ven sostituìd del prèside rappresentàa in del manga: la pelada l’è granda, i barbìs descomparen e i lent di oggiai diventen molt pussée grand.

El sò caràtter l’è quètt e generalmént el riess a restà impassìbil anca denanz di situazión pussée confùs. De spèss el ven raprresentàa in del sò offizi, intanta che 'l ciappà el tè insèma al sò grand amìs, l’Kotatsu Neko, senza curàss del contègn di sò studént. El prèside el s'inrabìss domà quand ch' a vegnen profanàd di specifich nòrm del regolamént de l’istitùtt (compàgn che ‘l corr per i corridor) o quand che i azión di studént ménen a la distruzión de la scoeula. Ind ‘na quai stòria a l’è l’organizzatór di fèst stravagànt o di avvenimènt presentàa ai studént come di momént importánt per imprénd, ma in realtà cont el fin de realizzà i sò sògn de fioeu. I studént, de sòlit, fann tutt el possìbil per evità de partecipà a sti avveimént chì che ténden a trasformàss in di momént de confusión. .

Onsen Mark

L' Onsen Mark (温泉マーク, Onsen Māku^?) a l’è vun di insegnánt de la class 2-4 del liceo Tomobiki, frequentada de l’Ataru, de la Lamù e di alter protagonista de la serie. A l’è ‘n òmm de mèzza età con domà la passión per l’insegnamént, smorfiàa perché i sò lezión a hinn semper desturbàd di studént. Del so pont de vista l’Ataru Moroboshi el rappresenta tucc i mal del mond e quèst l' autorizza a vosàgh adrée o a castigàll ògni quàj vòlta che ‘n quajvin el destùrba la lezión.

Ind l’anime el pòst de insegnánt de la class 2-4, innanz che de l’Onsen Mark, el ven quattàa d’on professór che 'l sò el nòmm fornìi e poeu del Sanjuro Kuribayashi. Chesschì, per aspètt fisich e caràtter, a l’è pressappòch l’istèss del Onsen Mark. Dòpo d'ona comparsa transitòria el professór Kuribayashi el descompàr e ‘l passa el sò mestée de insegnànt principàl de la class de Ataru a l' Onsen Mark. L'è doppiàa in italián del Pino Ferrara, l’Enzo Garinei ep.59, el Mino Caprio ep.60-65; el Giorgio Locuratolo e l’Angelo Nicotra in di ep.87-129; elMassimo Bitossi ep.130-195; el Maurizio Scattorin Film; el Marco Pagani OAV

Professor Hanawa

El Professor Hanawa (花和先生, Hanawa Sensei^?) a l’è vun di insegnánt de la class frequentada de l’Ataru e de la Lamù. A l’è ‘n òmm giòvin, idealista e pién de bon intenzion. El gh’hà tanta fidùcia in di sò student, e divèrsi vòlt l’hà semper decidùd de difend la soa class impunemànch la condòtta inqualificàbil di bagàj.

On sò gran difètt l’è el vèss curt de cervèll, tant de cred nò a quèll che ‘l ved. In del cors de la sòria el ven a voltra l’è quand che la Lamù la comenza frequentà el liceo Tomobiki; l’Hanawa el voeur minga cred che la tosa la sia on’aliena anca quand che 'l la ved ‘drée a sgorà e ‘l preferìss cred che la sia assosènn bòna de saltà. Per via del quèll aspètt chì del sò caràtter i studént el sfrutten e l’ignòren.

Professor Sanjuro Kuribayashi

El Sanjuro Kuribayashi (, Kuribayashi Sanjuro^?) l’è vun di insegnánt del liceo Tomobiki. El personàgg l’è presént domà in de l’anime e ‘l va in scèna on poo de temp dòpo del prenzippi de la stòria, quand che el Preside ‘l l’hà assónt per fa ritornà l’ordìn in la class 2-4 che lù ‘l la definìss come ‘l cancher de la scoeula.

El Kuribayashi el se mostra sùbit séver e particolarmént offensìv con la class, in particolár con l’Ataru che definid de lù come vun di student peggiór. L'asti in di confront del giovin Moroboshi el ven pussée evidént quand che ‘l professór el conóss la Lamù e ‘l se ne incaprìzzia (el savi Sakurambo el riva a definìi come on lolicon). La debolèzza del professór la ven viene sfruttada cont abilità de l’Ataru per descredità l’insegnànt che ‘l ghe stà adòss. Con l'ajutt de la Lamù el fa in manera che sìa i compàgn de classe e che ‘l Preside veden el professór che l’è adree per basà la tosa: la brutta figura subida l'indù a sbassà i maner offensìv del Kuribyashi che, dòpo d’on quaj episòdi, el sortìss de la scèna passand al Onsen Mark el dovè de educà la class 2-4.

El Kuribayashi, in vun di episòdi de l'anime, l’ha deciarà de avègh ona miée e di fioeù ma i sò familiár hinn mai stàa mostràa. El personàgg el gh’ha on aspètt dur ma malincònich e ‘l se ispira al samurai Sanjuro, protagonista de du film de succèss de l’Akira Kurosawa: La sfida del samurai e Sanjuro.

Genitori di Ataru

I genidór de l’Ataru hinn la rappresentazión de la tipica famiglia giapponésa partenenta alla piccola borghesia. El pader de l’Ataru el fa la soa part tradizionál de resgiô, che ‘l sgòbba e ‘l ghe piàs passà el so temp lìber in pas. La mader de l’Ataru a l’è la classica dòna de ca', ‘drée a tegnì in órdin la ca', maneggià i danée guadagnà del marìi, spendei con bon sens. I lor nòmm ver i se conossen nò, in del cors de la stòria i alter personàgg je ciamen domà "Scior Moroboshi" o "Sciora Moroboshi". De nòrma ciapen ‘na part secondaria in di stòri: in de l’anime a hinn stad creàa du episodi noeuv indoe i genidór de l’Ataru a hinn i protagonista.

Pader de l’Ataru

El padre di Ataru (あたるの父, Ataru no chichi^?) a l’è ‘l clàssich salaryman, on impiegàa obligàa a di dur orari in sul lavorà per cattà su i danée de sostegnì la famiglia. In di momént de pas, che ‘l passa in ca’ el ven rappresentà intanta che ‘l gh’hà su on yukata còmod inscambi del vestìi che ‘l dopera in sul lavorà. In di primm episodi de l’anime se troeuven despèss dò battùd sora de lù. Dòpo di avveniént turborént che capiten ind la ca’, provocàa de l’Ataru o di òspit strani che vànn adrée a la Lamù, l'abitazión la subìss di dagn notévoi o la ven distrùtta. L'òmm el reagìss con disperazzion, lamentandoss del fàtto che l’hà nanamò finìi de pagà la casa e che ‘l prèstit ‘l le tormentarà anmò per on mucc de temp. Dòpo de la colézion o de la zena, al pàder de l’Ataru el gh’è pias a leg el giornál, anca per tràss foeura di ciàccer de la miée o de quèll che l'è 'dree a succéd in ca’. Se ‘n quajvun ghe le strèppa via o ghe le toeu via de man, lù, de li adrée en trà foeura una altra còpia del yukata, ghe fa nagòtt e ‘l taccà anmò a leg.

Silenziós e timid, el gh’ha 'na scarsa considerazión di lù medésim e in di momént pussée difficil el scond a la svelta la faccia de drée al giornál. El vorarìss vèss pussée consideràa di sò fioeu e de la soa miée, de già che l’è lùnega peròna che la lavora e la cata su i danée de che gh’è besògn per mantegnì tucc. Compagn che la miée el tend a consideràa la soa "noeura" Lamù mèj del fioeu: tutt e du i gh’avarissen vorùu avègh 'na fioeula, e ‘l contègn giaván e lascìv de l'Ataru domà en accéntua domà el distacch in di sò confront. De sòlit el fa on part marginál ind la serie; ma in de l’episòdi orginál 177 La stèlla che l’è adree a borlà giò a l’è el protagonista de la storia e ‘l ven rappresentàa come on òmm che, impunemànch i sò sògn e ambizión, a l’è felìs de la vita che ‘l fa. A l’è doppiàa in giapponés del Ken'ichi Ogata e in italián de l’Ettore Conti (ep. 1-66), del Pino Ferrara (ep. 24), del Franco Latini (ep. 67-78) e del Marcello Prando (ep. 79-109), de l’ Angelo Nicotra (ep. 110-152) e de l’Giorgio Locuratolo (ep. 153-217).

Mader de l’Ataru

La mader de l'Ataru (あたるの母, Ataru no haha^?) la fa el clàssich mestée de la dòna de ca’ e la resgiòra, che l’amministra con saviézza i danée guadagnàa del marìi. Polèmica e minga contenta, la se preòccupa de quel che i visìn pénsen de lee. De sòlit la ven rappresentada intanta che l’è ‘drée a fa i mestée de ca’ o che la va a provvéd. Quasi semper la gh’hà adòss on pìccol scossaa per boregass nò la sòca; ’na quai vòlta la ten in man el cortèll che ‘l doperava intanta che l'era 'dree a pareggià el mangià vers l'intorlocurór. Al prezippi de la stòria de spèss la ghe diss a l’Ataru la fras «Dovevi nò mèttet al mond!» quand che ‘l el bagài el càosa di problèma a lee o la soa famiglia. El fà de tovajànn del fioeu ‘l ghe fà avègh vergogna de fàss vedè denanz del pubblich. L’infèsc che ‘l fioeu el ghe càosa el diventa pussèe evident in del cors di sòlit riceviment di genidór organizzàa de la scoeula, ai quai el fa la possibil per partecipagh minga per diventà nò el zimbèll di genidór di alter student.

De spèss la sògna de vèss portada via d’on bagai giovin e bèll, e slontanass insema a lù de la vita infeliz che la fa. A l’inviada de la stòria, dòpo de avè incontraà el Rei, l’era adree per andà via de ca’ e rinonzià a l’ultimm momént al sò propòsit. La sciora Moroboshi, comunque, l’ama tant el marìi e l’è gelosa se i alter dònn ghe varden adrée. In del temp de la stòria, se ved che tanti aspètt del caràtter de l’Ataru hinn stàa redità de lee: la sciora Moroboshi, anca lee, de spèss la se compòrta de egoista, la tend a tacà la colpa ai alter e l’alza la vos fin quasi a vosà. La mader de l’Ataru la fa ‘na part marginàl ind la serie; in dr l’episòdi originàl 78 Le casalinghe (i dònn de ca') l’è la protagonista de una stòria foeura de la realtà e assosènn complicada, indoe che lee, a la fenitiva, la gh'hà de difend la Tèrra d'na invasión aliena. La dòna — restada in deperlée perché el marìi l’è stàa mazzàa di alién e l’Ataru, scappàa con la Lamù in sul pianétta de origin de la tosa— la resgiorarà on grupp de scampàa che ‘l tenta de ruzà indrée l’assaltameént alién. A l’è doppiada in giapponés del e in italián de la Serena Spaziani (ep. 1-66), la Gabriella Andreini (ep. 67-109), la Renata Biserni (ep. 110-152) e la Paola Del Bosco (ep. 153-217).

Famiglia Mendo

I grand de la famiglia Mendo (pader, mader e papagránd del Shutaro e Ryoko) hinn di personagg strani e balzànn — compagn che i bagàj — impunemànch la soa posizión sociál che la ghe imponarìss on contègn decorós in ògni situazión.

El scior Mendo, de l’aspètt fisich compàgn del fioeù Shutaro foeura che per i barbìs, el gh’ha on caràttere estremmamént cerós: el ghe pias fágh di scherz i — anche pesánt e grottèsch — ai alter e l’è diffìcil che ‘l faga on discórs seri.

La sciora Mendo, inveci, l’è sempr ’in órdin e séria. La refuda qualsessìa forma de tecnologìa, per moeùvess la dopera on carrètt tiràa di boeù e la comunica cont i alter cicciorandogh ai servidór che poeu ghe dìsen i sò paròll a l’interlocutór.

El papagránd el gh’hà l’istèss caratter del scior Mendo; el sò passatémp preferid l’è quel de organizzà di veli mortuài anca se l’è san come ‘l coràll. La soa faccia l’è quasi semper sconduda d’una màschera che la rappresenta on pòlip, sìmbol de la casana di Mendo. El sò personàgg compàgn de quèll del Prèside, l’è rappresentàa in manera divèrsa in de l’anime rispètt al manga. In di primm episòdi de la serie a la television l’òmm l’è de drée a ona tenda che, adasi adasi, la ven tirada su e in manera de fà vedè la faccia. Dòpo d’on quàj episodi l’òmm el gh’hà sempr'adòss la mascrea del pòlip.

Shutaro Mendo

Per savenn pussee, varda l'articol Shutaro Mendo.

A l’è ‘l fioeù de la famiglia Mendo, destinàa a diventà el presidént de la Mendo Conglomerate: la granda azienda de famiglia superefficienta e cont un’organizazzión compagn di soldàa. El se innamora de la Lamù come che la ved, ma lee le 'l ruza indree degià che la pensa de vèss giamò la miée de l’Ataru. El refùd de Lamù l’ingenera in lu ona fòrta invidia e rabbia in di confront del gióvin Moroboshi, che ‘l le considera come on nemìs cattivìssim.

El Shutaro el soffrìss de claustrofobia e ‘l gh’hà pagura del del scur; quand che 'l se troueva ind un ambianet saràa e scur l ven ciapàd d’ona violenta crisi de pànich, condemanch che 'l vegna vardà de ‘na bèlla tosa. El Shutaro l’è on samurai, inscì ‘me tucc i mas’c de la soa famiglia. A l’è molto brabo con la katana che ‘l gh'hà semper adrée e de spess el la dopera per tegnì in ball i sò avversari.

El sò personagg el ven a voltra on zich dòpo del prenzippi de la stòria, e giamò di primm momént a vegnen marcad i prenzippi moràj del gióvin Mendo. La ven subit a voltra on contraposizion tra lù e l’Ataru del pont de vista caràtter, ma a ‘ndà innanz con la stòria l’è fàcil verificà che tucc e du se i compòrten in manera compagna: domà la situazzion economica pussée bòna e i maner gentìl e galánt i desferenzien el Shutaro de l’Ataru.

El cura ben i pòlip de la famiglia Mendo — el cred che la prosperità di pòlip l’influenza quèlla de la famiglia — e l’è molto orgoliós del sò ascendent in sui dònn e del sò aspètt. El Shutaro l’è bon de andà debón in malinconia quand che ‘l ven battù in bellèzza o popolaritàa compagn che ‘l succed quand che l’incontra el Rei.

Ryoko Mendo

Per savenn pussee, varda l'articol Ryoko Mendo.

A l’è la sorèlla minora del Shutaro. El para che 'l sò ùnegh spass el sìa quèll de realizzà di situazzión per fà in manera de stremì el fradèll o fáll soffrì. De spèss el sò lavorà l’è facilitad di intervént de l’Ataru, che ‘l prófitta de l'occasión per danneggià el rivál.

El Ryoko el gh’ha l’indifferenza de la mader e la vèna góliardica del pader. A l’è prategh de riti e prategh magìch Vudù e ai dopera de spèss contra del Shutaro. De spèss, i sò schèrz i tiren denter tuta la città de Tomobiki e fann pussée de dagn de quei che lee medésima la se spettava. Putóst sadica, fin de fioeula la se divertiss a tormentà el fradelìn e ‘l Tobimaro Mizunokoji; i sò azzion i hann fa diventà el Tobimaro malfidónt in di confront di dònn, tan che 'l gh’hà pagura de lor.

De spèss la ven rappresentada intanta che la maneggia, con granda disinvoltura, di esplosìv e di armi de foeugh. De sòlit l’è contornada de ‘na missòlta di kuroko, o ben i sò servitór fedél, ai quai ghe comanda i ròbb pussée strani come per esempi che lor ghe faghen de cavalcadura a lee. La tira su ‘na pianta de scìres cannìbali e bon de sentì come 'n piccol animal, e la ghe dà de mangià per mèzz di tentacoi di pòlip curàa del Shutaro.

Famiglia Mizunokouji

I Mizunokouji hinn la seconda famiglia pussée ricca del Giappone, proprietari d’una granda impresa che la prodùss di attrezzadùr sportìv. I gh’hànn ‘na fòrta rivalità vèrs i Mendo, la qual l'esist d’una fila de generazión. Per giustà la relazión fra i dò famili i hann organizzàa el matrimòni tra ‘l fioeù Shutaro Mendo e la dolza Asuka Mizunokouji.

El scior Mizunokouji — che ‘l sò nomm ‘l le conoss nissun — a l’è ‘n òmm che ‘l tend a vèss minga notà e ‘l gh’hà nissuna influenza in sui dinàmich de la vita famigliár. L'aspètt anónim del sò caràtter el ven marcàa grazie a la rappresentazión grafica del personàgg: de spèss la soa faccia la ven disegnada per mezz d’on quai ideograma compàgn de quèj che fann fiolìtt per schèrz in di sò disègn.

La sciora Mizunokouji, a l’oppòst del marìi, a l’è ‘na dòna de pols e autoritaria e fisicament molto fòrta. Quasi semper la gh’hà ‘n sorrìs minga espressìv stampàa su in faccia; i sò grand oeugg stellàa— ona parodia di manga sportiv, soprattùtt quèj ispirad al beisbóll molto de mòda in Giappón — se ritroeuven in di fioeù Asuka e Tobimaro. La sua preoccupazión pussée granda l’è quèlla de frenà 'l fatto che l’Asuka la ghe voeura ben al fradèll Tobimaro, che l'el considera compagn d’on morós. Compàgn che per el marìi, anca ‘l sò nom ver l'è vegnùu mai a voltra.

Infra i member de la famiglia gh’è— domà in del manga — l'àsin Tsubasa, el mèzz di traspòrt preferìi del Tobimaro. L'àsin el para assosènn pussée fòrt e àbil del padrón tan che de spèss el l’obbliga ‘l Tobimaro a tirà el carr al sò post, e ‘l gh’ha ‘na mira migliora de quèlla del bagài quand che 'l ciappà on bersali con l’arch e i frècc. In ‘na quai scèna l’è ‘dree a giogà a dama insèma al scior Mizunokouji.

Tobimaro Mizunokouji

El Tobimaro Mizunokouji (水乃小路飛麿, Mizunokōji Tobimaro^?), che 'l gh'hà dersètt ann, a l’è ‘l pussèe grant di Mizunokouji. De spèss, in del cors de la stòria el ven ciamàa cont i diminutìv Ton o Ton-chan. Lui e ‘l Shutaro i éren amis fin de fioeu, ma quèst l’hà minga impedì ch'intra de lor la nasèss ona rivalità fòrta soratutt in del beisball (disciplina indoe nessun de lor du l’è tropp bon). El Tobimaro el gh’hà ‘n contègn de "guerriér" in di confront del spòrt; quèll fatto chì ‘l le ruza a allenàss de bon per divèrsi ann che ‘l passa sempr'in deperlù. I risultàa del sò lavorà dur, però , a hinn estremmamemént scarsi perchè ‘l bagai l’è molto imbastìi in qualsessìa ròbba che ‘l proeuva a fà. De spèss el stà in deperlù in su di altur o di albor e intanta el médita. A l'è sòlit a rampega i àlbor per mezz d’ona longa scala a cavicc. Una situazion ricorrenta l’è quella indoe ‘l Tobimaro, ciapàa del panich l’è bloccàa in su la scima 'doe per de pù gh'è rivàa con difficoltà perché la scala l’è borlada giò in terra oppur un quajvun – de sòlit el Ryoko o i kuroko - l'ha portada via. I sò unegh abilità fisich paren la capacitàa de mandà giò i ball de giogà al beisbóll e poeu spudaj foeura quand che ‘l veour e ‘l fàtto che ‘l riessa a scampà a di ferid diversamént per di alter persònn.

El Tobimaro, poch rispettàa o adirittura sottomèss de tucc (compres i sò guardi personai e l’àsin Tsubasa), è stàa la primma vittima di scherz senza coeur organizzàa de la Ryoko. La tosa, cont el sfruttà lo soa innocenza, fin da fioeula la si divertiva a inventà di stòri d'amor col Tobimaro senza che le el le savèss. El Shutaro, indispettìi de vedè el Tobimaro de fianch de la sorèlla, el reagiva ai paròll del Ryoko con di sconter dur contra 'l rivál. Un alter rapport molto diffìcil l’è quel intra ‘l Tobimaro e l’Asuka. La tosa l’è ingénoa e l’ha sviluppàa ona attrazióne amorósa minga giusta; el Tobimaro el gh’ha el mester diffìcil de protég la sorélla di perìcoi del mond de foeura e convìncela che l’attrazión che la sent in di sò confrónt l’è minga normal vèrs un fradèll.

El Tobimaro, compagn che la mama e la sorèlla, el gh’ha di oeugg cont i popoeu a forma de stèlla .

Asuka Mizunokouji

L’Asuka l’è la sorélla minóra del Tobimaro. A l’è una tosa bellissima che, come de tradizión de la famiglia Mizunokouji, l’è stada tegnuda lontán di òmen fin del moment che l’è nassuda. La regola la fà nissuna eccezión nanca per i famigliar: nanca el pader e ‘l Tobimaro l’hann vista innanz che lee la compiss i quìndes agn, moment in del qual la mader la gh’hà permettud de parlàgh ai omen.

Intanta che l’era isolada, l’Asuka, assistida di sò servitór, la s’è missa adree a allenàss de bon. A furia de allenàss l’hà sviluppà ona fòrza fisica incredìbil; intanta la mancanza de contatt cont el gener maschil l’hà fada diventà estremmamént timida e rtmorada in di confront di òmen. El primm bagai che l’Asuka l’ha incontràa, ‘na volta sortida del sò isolament obluigad, l’è stàa l’Ataru. El contegn del giovon Moroboshi l’hà sconvolt l’Asuka, che , dopo de quel’inconter chì, l’hà sviluppà un autentich terrór di òmen: quand che la ved on bagài la se taca a scappà via fasend foeura tutt quell che l’incontra adree a la soa strada per svoltanass el pussée a la svelta possibil.

L’Asuka l’è assosenn confusa sora i ligamm de famiglia e sora i part a segonda del sess. L’hà sviluppàa on amór morbós vèrs el fradèll Tobimaro, l'ùnegh òmm che ‘l ghe fa minga pagura. Anca ‘l Shutaro, come "fradèll" (de Ryoko), l’è on òmm del qual l’Asuka la se fida. Con la Ryūnosuke la gh’hà un rappòrt on tant complicàa: la primma vòlta che la ved, degià che la cred 'me on bagai, la ghe se innamora dopo che avè conossùu el sò caratter assosenn gentil. L’Asuka la desquatta la verità domà quand che la brazza su la Ryūnosuke, vist che l’aveva scambiàa la fassa che la tosa la portava per scónd i tètt con quella che de sòlit el gh'aveva adoss el Tobimaro.

L’Asuka l’è offizialmént la morosa del Shutaro, adree al matrimòni combinàa organizzàa di genidór di du bagai per smorzà la rivalitàa infra i famili Mendo e Mizunokouji. La soa relazión, però, l’è putòst complicada: l’Asuka la tend semper a scappà via del Shutaro. inveci lù l’hà accettàa nò l’idèa del matrimòni combinàa. El giovin Mendo l’è molto attiràa de la bellèzza fisica de l’Asuka, ma fòrza fisica de la tosa foeura del sò contròll — ona soa brasciada l’è bòna de caosàgh di rottùr de òss e di dagn ai òrghen intèrni— a le ruza a stà lontán de lee. .

Alien

Ten

Per savenn pussee, varda l'articol Ten (Lamù).

El Ten (テン, Ten^?) a l'è il cusin pìccol de la Lamù. In del manga l’Ataru e i alter bagaj del Liceo Tomobiki a el ciamen el Jariten, e cont el sgiontà al sò nomm el prefìss Jari (balossètt). A l’è un fiolin de pressappòch trì ann, pestìfer e intelligent, e poeu l’è anca bon de de sgorà (ancaben adasi adasi) e de spuà el foeugh. El gh’ha on còrna in mezz al coo, sìmbol del yang, e compagn che la Lamù el gh’hà di canin molto evident, el gh’hà su un costùmm tigrad e 'l òdia l'aj .

El Ten el riva in su la Terra per conóss el marìi de la Lamù, ma quand che l’incontra Ataru ‘l le considera indègn de stagh visin a la cusina; donca el bagaìn el se mett adrée a provà a convinc la Lamù a lassà l’Ataru e a tornà indrée al so pianètta. Quand che ‘l Ten l’è in comagnia de bèj tosánn el cerca de brasciàj e stagh insèma, e ‘l se compòrta compàgn de l’Ataru. Rispètt a lu el gh’ha ‘l vantàgg de avègh on aspètt innocént, de bravo fiolìn: i tosánn i ghe veden nissuna malizia in di sò azzion e se divertissen a brasciàll.

In del film Lamù: Un ragazzo, una ragazza (Lamù: on bagai, ona tosa) tràa foeura de l’ùltim volùmm del manga, el fa vedè per la primma vòlta che 'l ghe ben a l’Ataru.

Ran

Per savenn pussee, varda l'articol Ran (Lamù).

A l’è voeuna di amìs de fiolina de la Lamù e a l’iestèss temp ‘na soa granda rivál.

La gh’hà di cavèj longh violètt e l’è rivada in su la Tèrra per vendicàss de la Lamù: la Ran ‘l la considera responsàbil per avègh portà via el Reì (del qual lee l’era innamorada) e adèss la voeur provà a sedù l’Ataru

De nòrma la gh’hà on caràtter molto dolz e educàa, ma se 'n quajvun el tenta de andàgh contra o ‘l se inrabìss— fatto de spèss che ‘l càpita quand che s’è ‘drée a organizzà on inconter cont el Rei— el ghe ven on fottón e la tira foeura i sò longh dent canìn inscì de parì anmò pussée aggressiva. El ghe pias avègh adòss di vestìi de chiffon, di vòlt quand che la stà in ca' la gh’hà su on bikini violètt. La sta de ca’ in d'un’astronave parcheggiada in d'un parch taccàa a la ca’ di Moroboshi. La Ran la va al liceo Tomobiki, 'doe l’è iscritta a la class 2-7 (l’Ataru e la Lamù a hinn ind la 2-4).

El personàgg de la Ran l’è ispiraàa a una figura mitologica giapponesa, i Preta. La Ran el gh’hà l'abilità de scisciàgh via la giovinèzza ai bagai che basad de lee in sui làver, e la voeur drovà questa soa qualità anca contra l’Ataru. Ancasì l’è ‘na coeuga molto apprezzada e la pratica ‘na versión aliena de magìa negra.

In del doppiàgg italián d’on quai episodi de la primma serie el sò nom Al ven raportàa come Lan, degià che in giapponés el son di letter "R" e "L" el po’ vesser scambià vun con l’alter.

Benten

Per savenn pussee, varda l'articol Benten.

La Benten (弁天, Benten^?) l’è ‘n’amisa de fiolina de la Lamù. El sò nom el deriva de la Benzaiten, voeuna infra i Sètt Divinità de la Fortuna veneràd in Giappón; anca l’aspètt de la tosa e ‘l so caratter hinn compagn de quell de la déa. L’ha conossud la Lamù, la Ran e la Oyuki a la scoeula elementár (frequentaven l’istèssa class) e l’hà fàa su con lor un grup molto unìi.

Ancabén la gh’abìa minga de podè soranaturàj, la Benten la gh’hà on spiret semper pront a dà battàglia e ‘l ghe pias el ciapà part al sconter tradizionál infra i Fukujin e i Oni che ‘l se ten tucc i ann in occorrenza del Setsubun, ‘doe la pò scombatt contra la Lamù e ‘l Ten. La gh’hà ‘na mòto spaziál potenta, la ghe pias e la drova molto de spèss— in de l'animea hinn frequent i scènn isdoe la compar a l’imprevista con la soa mòto — de la qual l’è molto gelósa: la permet de toccala a nissun e la se infuria se la subìss on dagn ancaben piscinin.

Oyuki

Per savenn pussee, varda l'articol Oyuki.

L’Oyuki (おユキ, Oyuki^?) a l’è la regina del pianètta frècc Nettùn e voeuna di primm amìs de la Lamù.

La gh’hà el podè de controllà el giazz, la nev, el frècc e l’è bòna de dervì di passàgg per spostàss a la svèlta a (de spèss je drova per partì de Nettùn e andà in de la Lamù in su la Tèrra. De sòlit la gh’hà su ‘n kimono bianch longh e elegánt, pussée raramént un costùmm intregh avèrt in sul denanz.

L’Oyuki la gh’hà on contègn nòbil, l'è molto gentìl, galánta e educaa. La parla semper a bass vos e la se dimostra pussée savia del grup de amìs alién. A dispètt del sò aspètt gentìl la gh'hà on anim assosènn vendicatìv: la ghe pensa minga tant innanz de fa scuntà di castìgh sevér a chì che l’òsa fagh on tòrt ancaben la se mantègna semper calma. L’Oyuki è l'unega persòna de la quàl la Ran (de sòlit sgalisa e prepotenta) la gh’hà pagura.

Rei

Per savenn pussee, varda l'articol Rei (Lamù).

El Rei (レイ, Rei^?) a l’è ‘n Oni molto atraènt, ma questa chì la para che la sìa l’ùnega caratteristica positiva de quèll personàgg chì. El bagài l’è putòst stupid e 'l par che ‘l sò ùnegh interèss el sìa quèll de mangià: a l’è bon de mangià di quantità enòrmi in pòch temp, e questa chì l’è l’ùnega manera de quiettáll quand che l’è inrabìi El Rei l’è bon de trasformass in d'on Ushitora (a la lèttera "vacca tigher"), 'na creadura strana otegnuda d’un ìbrid infra on tòr e ‘na tigher. De spèss la trasformazión in ushitora la càpida quand che ’l bagài a l’è inrabìd.

Innamoràa de la Lamù, el morosa con lee e de conseguenza el Ran (a soa vòlta infatoada de lù) el se irabìss. La stòria con la Lamù la s’è interròtta in manera brusca quand che lee l’hà lassàa perchè ‘l gh’aveva l’ossessión del mangià, ma soratutt, per via de la soa imbecillitàa. Quest però l’hà quietàa nò la Ran, la quàl, ‘dree a cercà vendètta, la s’è trasferida in su la Terra per cercà la Lamù.

In del doppiagg italian d’on quàj episódi de la primma serie el sò nòmm, de spèss l’è raportàa come Lei, perchè in giappones el son di leter "R" e "L" el pò vèss dopràa vun inscambi de l’alter.

Principèssa Kurama

Per savenn pussee, varda l'articol Kurama (Lamù).

La Kurama l’è la principèssa caprizziósa di tengu.

La gh’hà el taj d’una bela tosa coi cavei curt e negher, cont un ùnegh elemént balzán: dò alèt de scorbat de fianch del coo.

La riva in su la Tèrra in d’una càpsula spazzial ‘doe la stà indormenta perché, cont el fin de andagh adree a la tradizzion del sò pianètta, la gh’hà de trovà ‘n òmm che 'l la desseda cont un basìn e dagh l’inviada insèma a lù a la discendenza di tengu.

La Kurama la voraria ciapà ‘n òmm attraént e virtuós, e quand che la descovrìss che l’è stàa l’Ataru a basala su la và su tutt i furi e la tenta de sottrass al destin di avegh 'n fioeu con lù.

Ginger, Sugar e Pepper

La Ginger, la Sugar e la Pepper a hinn trè tosanètt alién che frequenten l’istèssa scoeula media indoe la Lamù e i sò amìs gh'hann studiàa. I tosanètt hinn i component d'ona sukeban e ambìssen a diventà i malnàt pussée de vèghen paùra de la galassia, e ciàpen el post occupàa in precedénza de la Lamù, la Benten e l’Oyuki quand che studiàven a la scoeula media. La Ginger, la Sugar e la Pepper résien con "chi che fann flanella" (“tardone” in lengua italiana) — come definissen la Lamù e i alter — per tentà de bàttei e dimostràss pussée fòrt. I desfid, però, se conclùden semper con di risultàa disastrós per i trè tosanètt: i tosanètt inn semper battùd o adrittura ignoràd de la Lamù e di sò amìs. In del film de animazión Maison Ikkoku - Capitolo finale — trà foeura del manga Maison Ikkoku, semper de la Takahashi — a gh’è 'n riferiment a la Sugar, la Ginger e la Pepper degià che i sò nòmm i ghe végnen dàa ai trìi cagnoeù nassùu de la relazión intra ‘l McEnroe (el can del Shun Mitaka) e la Salad (la cagnoeùla de l’Asuna Kujō).

Ginger

La Ginger (conossuda anca come la "Ginger la déa") a l’è quella pussée piscinina del grup. Bionda e cont i cavèi curt, la gh’hà on para de orègg guzz compagn che chi d’un felin in sul coo. La Ginger la gh’hà el podè de riessì a mostrass mòrta, la dopra quèlla tattica chì per gabbà i sò avversari che, preoccupàd per i sò condizzion, vegnen assaltà de lee o di alter do tosànn. A l'è doppiada in giappones de la Chika Sakamoto e in italian de la Susanna Fassetta (ep. 110-152) e de l’Isabella Guida (ep. 153-217).

Sugar

La Sugar (conossuda anca come la "Sugar set color") la gh’hà l'abilità di confóndess con l’ambient che ‘l gh’è intorna compàgn d’una bandiroeula. De solit, però, el vantagg de vesser invisibil el ven anulàa perchè la tosa la se pòrta adree di oggètt che resten visibel e che permètten de reconóssela facilment. L’è la diretris del trio. L’è doppada in giapones de la Chika Sakamoto e in italian de la Renata Biserni (ep. 110-152) e la Emanuela D'Amico (ep. 153-217).

Pepper

La Pepper (conossuda anca come "Pepper serpent velenos") l’è la tosa pussee alta e slanzada di trìi giovin malnàt. La gh’hà di cavèi negher longh, e l’è bona de liberàss facilment de la brancada di aversari. La cambia la pell compagn d’un serpent. El malcapitàa che l’era riessìi a bloccàla el se'treovà troeuva infra i man ona sorta de "vestìi" compagn de la Pepper intanta che lee la pò colpill e scappà via per salvass. L'è doppiada in giapones del Rumiko Ukai e in italian de la Renata Biserni (ep. 110-152) e la Clorinda Venturiello (ep. 153-217).

Genidor de la Lamù

El Pader (ラムの父, Ramu no Chichi^?) e la mader de la Lamù (ラムの母, Ramu no Haha^?) hinn i genidor de la Lamù. I lor nòm vegnen mai comunicàa e quand che i alter personagg i parlen de lor je ciamen domà "scior" e "sciora". Compagn che tucc i oni i gh’hann di caratterìstich particolar: per esempi i gh’hann semper su di vestid verd, di canin guzz e un par de corni piscinin in sul coo.

El pader de la Lamù a l’è 'n grand Oni, e 'l para terrìbil, e 'l se intromètt de fùria con gran spuèll: el fa pagura ancaben la soa violenza l’è domà verbál. La mader de la Lamù l’è ona dòna bella che la se esprim domà in la lengua di oni: in del manga i sò dialogh a hinn rapresentàa per mèzz di disegn in sui tésser del mahjong, inveci in de l’anime l’emèt domà di son che unicamént la Lamù, el Ten e ‘l marìi hinn bón de intend .

Tucc e du a hinn bon de sgorà; in de l’anime la mader de la Lamù l’è bòna de mandà foeura di descàregh elèttrich compagn de la fioeula, e questa chì l'è ona abilità che l’è minga puù presenta in del manga. Sempr’in de l’anime l’è stada sgiontada una scèna indoe l’Ataru el proeuva a sedù la "sòcera".

La madre de la Ran

La mader de la Ran l’è un'aliena de ca', la ven a voltra domà in d’un quai ricród de fiolina de la Ran medésima e de la Lamù. A l'è giovina, alta, magra, con i cavèj compàgn che quei de la fioeula, ma i cavèj inn bordó e i oeugg scur, e la gh’hà su domà un bikini negher succìnt. Quand che la Ran l’era ona fiólina, la viveva con lee in su l’istess pianètta de la Lamù. La madre de la Ran (che ‘l sò nòmm vér l’è minga conossùu) la se comportava in manera aggressiva e molto sevéra in di confront de la fioeula e despèss la ghe vosava adrée e la castigava de bon (a sculatala su divèrsi vòlt) quand che la se casciava in di guai. Come se ‘l fudèss nò assee, la mader la paragonàva semper la Ran a la Lamù, considerada de lee un modèll de andagh adree e ona fiolina cerósa. In realtà, l’era pròpi la Lamù la reson principal di guai indoe i dò fiolìnn i éren sòlit a casciàss, ma l’era la Ran che immancabilmént la se tacava adrée la colpa de tusscòss. La soa situazión in del temp che la stòria l'è cuntada su l’è conossuda de nissun, dato che la compar domà in di ricord di dò fiolìne.

La mader del Ten

La mader del Ten l’è un pompiér intergalàttich, molto premurosa e affettuosa cont el fioeu. Sorella de la mader de la Lamù, de spèss l’è lontana del Ten per via del sò lavorà, al qual ghe se met adrée con molta passion. La dòna l’hà svilupàa un deformazión professional ch’a la mena a incagnìss contra di incendiari ch’je giudica come i peggiór criminaj che gh’è in gir. La mader del Ten la sa minga che ‘l fieou l’è bón de spuà el foeugh, e ‘l fieoù (spaventàa di ricòrd di raccónt de la mader, che la ghe cuntava su tortùr che lee la ghe faseva ai incendiari dòpo de avèj brancàa) el fa el possibil per fà in manera de fagh minga savè de questa soa abilità.

In l’anime l’è stada sgiontada 'na scèna — minga presenta in del manga — indoe l’Ataru el proeuva a sedù la mader del Ten.

Kintaro

El Kintaro (金太郎, Kintaro^?) a l’è 'n fiolìn alién del carater putòst irascìbil e violént. Dòpo d’un quai scrizz el diventa amìs del Ten. El sò personàgg el compár domà in d’on quaivùn di primm episòdi de l’ànime; in del manga el gh’hà inveci un’importanza pussée marginál.

El Kintaro el se moeùv in gròppa a un órs bon de sgorà e ‘l gh’hà semper adrée on segurìn che ‘l fà parì anmò pussée violént. El tàj del fiolìn l’è quasi l’istèss de quèll del personagg del folclór giappones che ‘l gh’hà el sò nòmm; el Kintaro el se ìrrita quand che i persònn i ghe ricòrden che ‘l somèja del personàgg mitològich.

Dappya

A hinn di personàgg present in del prim raccónt scrivùu de la Takahashi, Kattena Yatsura, che intèrpreten di camei piscinìt in Lamù. I Dappya a hinn di moster piscinìt — l'è fàcil che sìen de natura aliena— de l’aspet compagn d’on pess ross grottèsch: i gh’hann di oeugg négher grand e gh’hann semper su 'n scafànder. Denter in di episòdi i Dappya comparen per pòcch temp (per esempi come di crónista del telegiornal o per commentà i avenimént), ma in d’on quai cas fann el mestèe di compàrsi in di avenimént che vegnen cuntàa su. El so nòmm el deriva d’ona caratteristica de la soa manera de parlà: ind la stòria originál finissén semper i sò frasi con la paròla "dappya!" (che la voeur dì "anca nunn").

Alter personagg

Inaba

A l’è ‘n bagai stravangánt che ‘l gh’hà semper su on vestìi de conili (che l'è la soa montùra per le lavorà). El sò personagg, in de l'anime, el compár in de l'OAV Cosa accadrà nel futuro di Lamù? (Cossa el succedarà in del futur de la Lamù) — indoe l’è el protagonista de la stòria che la ven cuntada sù — e in del film Lamù: Un ragazzo, una ragazza (Lamù, on bagài, ona tósa) inveci in del manga el compar pussée de spèss. L’Inaba el lavora per on’organizzazión che l’òpera in del subspazzi; el sò mestée l’è quèll de costruì di pòrt che rappresènten i vari futùr possibil per i òmen .

In del cors d’on pausa in sul lavorà, intanta che l’è in su la Tèrra, l’Inaba el conóss la Shinobu e ‘l se innamóra sùbit de lee. La tósa vardàda adrée del gióvin, dòpo una serie de avventùr che tirarann dent anca l’Ataru e la Lamù, accettarà de sortìgh insèma. In séguit, inscì come l’è cuntàa su in del manga, la relazión infra i du bagàj la diventarà semper pussée strètta fina al pont che formarann una cobbia fissa compagn che l’Ataru e la Lamù.

El nòmm del personàgg e i sò vestìi hinn vegnùu d’una fiaba giapponesa che la gh’hà come protagonista on conili; Inaba l’era voeuna di provìnc pussée antigh del Giappón, che ‘l sò territòri l’è al dì d’incoeù denter in la Prefettura de Tottori.

Kotatsu Neko

El Kotatsu Neko (コタツネコ, Kotatsu Neko^?), pussée conossùu come Gatt Kotatsu, l’è un gatt gigantèsch che l’adòra i kotatsu — la sorgént principál de riscaldamént di abitazión giapponés fina a l’introduzión di impiánt modèrni. El personàgg l’è la reincarnazión del spiret d’on gatt mòrt per via del frècc in del period Edo, du sècoj inanz del prenzippi de la stòria, e ‘l voreva vendicàss contra chi ‘l aveva desfesciàa. Amalastant i promèss e la soa grandèzza rilevanta el gatt el se dimostra molto quièt e dòcil. A l’è sòlit a passà i giornàd sòta ‘l kotatsu in compagnìa del prèside del licéo Tomobiki. A l’è un amicón del Ten (ch’ a l’ha adottàa), inveci el gh’hà on zich de asti in di confrónt de l’Ataru perché l’hà cercàa de portàgh via ‘l kotatsu. El Gatt Kotatsu l’è fornìi d’ona fòrza fìsica incredìbel; el caràttere pacifich, però, le menaa a doprà la soa fòrza fisica domà per reagì contra de chì che ghe voeur portà via el sò kotatsu al quàl el ghe voeur ben o per difender i persònn considera de lù come di so amìs quand che se troeuven in difficoltà.

In de l'anime el Gatto Kotatsu, ancabén l’è minga vun di personàgg principai, in d’un quai episòdi el fa la part del protagonìsta; infra ‘sti chì se segnàlen el 126 Panico in città (“Panich in città”, 146 La leggenda del kotatsu e 152 Ran e il Gatto Kotatsu (“El Ran e ‘l Gatt Kotatsu”). Pussée de spèss, soratùtt in la segonda e la tèrza part di episòdi, el Gatto Kotatsu l’è el protagonista di scènn (de spèss divertént) miss dent in ciascheduna di pontàd. L’è doppiàa in italián del Francesco Gabrielli (ep. 153-217).

Shingo

El Shingo l’è on bagài nassùu e cressùu in d’un bosch elèttrich — vun di progèt balzán de la famiglia Mendo — in del qual l'è semper stàa de fiánch del papagránd. El Shingo l’è l'ùnegh personàgg de la serie che l’è al sicùr di descàregh elèttrich slanzàa de la Lamù, de la qual el se invaghìss.

El Shingo e ‘l papagránd a inn stàa catàa foeura per fà el mestee del còrp personàj di mémber de la famiglia Mendo: el Shingo per Shutaro, e ‘l papagránd per il pader del Shutaro. El risultàa, però, l’è on tant spoetizzánt: el papagrand el diventa donca el giardinée de la tegnuda di Mendo intanta che ‘l Shingo, amalastant el ghe sìa stàa insegnàa ‘l mestée del Ninjutsu, el ricev del Shutaro l'incàrich di protég la sorèlla Ryoko. Adrée al sò noeuv incàrich el Shingo el finiss con l’innamoràss de la Ryoko, che l’accètta che lù el ghe faga el fil domà per indispettì el fradèll.

Nagisa Shiowatari

El Nagisa l’è un personàgg molto sìmil de quèll del Ryunosuke o ben l'è on bagài che ‘l se vestìss e ‘l se compòrta come ‘na dòna. In quèll cas chì, però, l’è stàa minga obbligàa del pader: al Nagisa, ancabén el gh’abìa nò di tendénz de oregiàtt, el ghe piàs de mètt su di vestìi de dòna e ‘l sfutta la soa passión per provà a tirà visin i cliént per el ristoránt gestìi del pader miss in su la riva. El signor Fujinami e ‘l pader de la Nagisa a hinn di amigón, e quand che i sò fioeulìtt hinn nassùd s’a hinn miss d’acòrd de organizzà on matrimòni combinàa infra ‘l Nagisa e la Ryunosuke.

El Nagisa e ‘l pader, in realtà, a hinn di fantasma: tucc e du a hinn mòrt dòpo d’un indigestión de gelàa al risc de mar intanta che séren ‘dree a rafinà la ricètta per propònnela ai sò cliént. Grazie al podè magic d’ona lacrima de risc gigánta el Nagisa el se presenta de noeuv con l’aspètt d’on vèss umán; quèst el ghe permèt de stàgh de fiànch a la Ryunosuke (e ‘l se n’innamora sùbit). La Ryunosuke, a soa vòlta, la se affeziona al Nagisa anca se la rèsta malfidénta; in lù, lee la troeuva l’amór grazie el mar e la soa granda fòrza fisica, di caratteristich che le la crecava in del sò òmm ideál.

Kitsune

El Kitsune a l’è un personàgg che ‘l se ipira al spiret che ’lgh’hà l’istèss nom presènt in la Mitologia giapponesa. A l’è 'n fiolìn de golpa, che 'l gh’hà el podè de cambià quand che la voeur el sò aspètt e de ciapà l’apparenza de alter persònn. El sò podè, però, l’è minga tant bon e in di sò trasformazzion el Kitsune el mantén sémper l'aspètt e 'na vos de fiolìn de golpa e anca i orègg e la coa de la golpa i rèsten semper ben visìbel: chi che ‘l veden a le smàscheren a la svèlta o i fann finta de restà lì per la soa traformazzión.

El Kitsune, al moment del sò rivà in su la tèrra, el se troeuva tiràa dent in d’ona lit infra di can e quand che l'è adree per vèss foeura e ‘l ven salvàa grazzie a l’intervént del Shinobu che ‘l slontana i assaltadór. Dòpo de quell inconter chì el Kitsune el ghe mètt adòss i oeugg e i sentimént a la Shinobu, e de spèss el cerca de trovala per confessàgh el sò amór. El par che ‘l Kitsune el conóssa nagòtt del mond modèrno, el se lassa influenzà di credénz popolár e l’è convint che i fotografìj sien bon de impresonà i persònn.

Tritone

El Tritone (三全音, Tritone^?) l’è ‘n buff móster marìn che 'l ven a voltra domà in d’un quai episòdi, de sòlit collogà a la fenitiva di vacánz estìv. El viv in sul fond di piscìnn o di parch acquatich e ‘l gh’hà un carater assosen malincònich: in di sò comparsi l’è sòlit a commoeùvess intanta che ‘l varda el sol al moment del tramont o al penser che ’l temp de l’està – cont el so bontémp - el sia ‘dree per finì. El tritone el ven adottà d’on fiolìn e ‘l s’inamóra d’ona pessina róssa impassibil che la se troeuva in la stessa vasca indoe el stà lù.

Soban

A l’è ‘n studént del licéo Butsumetsu, scoeula rival del licéo Tomobiki frequentàa di protagonista de la stòria. El Soban l’è ‘l capp d’ona banda de teppista e’l gh’hà on aspèt grottèsch. L’è molto alt e fòrt de spall, el gh’hà ona boca grandissima con di làver de fa spavént, el coo quasi del tutt senza cavèj e di oeugg piscinìtt scondud d’un par d’oggiarin scur. A l’è minga tant intendéver, tant che de spèss anca i sò tirapee l’ìnciten a comportàss in manera pussée adatta ai circostánz. El Soban è s’è innamoràa de la Shinobu: un’episòdi divertént che ‘l se trouva de spèss in de l’anime l’è quand che lù el corr a la svelta vèrs de lee criand "Shinobu, te ami!", e poeu el se troeuva s’giaccà a granda distanza de la tosa che la refuda semper el Soba che ‘l ghe stà adree.

El Soban la scombattùu contra la Lamù, che l’era ‘dree a difénd l’Anna, ona tosa tormentada del so grupp de teppista. La desfida l’è stada vinciùda de la Lamù, ma domà dopo de ’na battaglia.

Torajima

El Torajima a l’è on gatt tigràa gigantèsch che ‘l viv sora i tècc di edifizzi del rión de l’abitazion di Moroboshi. El gh’hà una binda in su l’oeugg dester, el gh'ha una granda fòrza fìsica e ‘l gh’hà un caràtter arrogánt. El Torajima è ‘l primm nemìs del Ten e ògni quàj volta che l’incontra el fiolìn el ghe salta adòss con violénza. El Ten el se difend di attàcch del Torajima con l’unega arma sòttman: el foeugh che l’è bon de slanzà foeura de la bócca.

Elle

La Elle l’è l'antagonista principal del primm film Lamù - Only You, è la gióvina regina del pianètta Elle e la gh’hà l’abitudin stravadanta de congelà tutt i òmen che ghe piàsen.

Da giovina, in gita in su la Terra, el gh’hà fàa el fil l’Ataru e lee l'è divanetada la soa morosa. Tornada indree in sul sò pianètta, l’hà spettàa 11 ann innanz de incontràll de noeuv e sposàss insèma.

Bellissima e coi cavèj curt roeusa, la voreva sposà l’Ataru innanz che la Lamù la provàss a fermala, però questa chì l’era la fin che la voreva riservà a l’Ataru, ma grazzie a la Lamù e i sò amis, a la fin di fin l'Ataru la ven salvàa.

El se dequatta che l’Ataru l’avéva imbrojàa l’Elle, cont el fagh cred de avè trapestàa la soa ombrìa, e quest, segond ‘na tradizzion del pianètta ‘doe l’è nassuda, el corispond a ‘na promessa de morosamént.

Mujaki

El Mujaki l’è l'antagonista principàl del second film de Lamù - Beautiful Dreamer, l’è ‘n foinètt che ‘l realìzza i sògn di persònn, però stuf di sògn di cattìv l’è in sul pont de tràss indree, quand che l’incontra la Lamù in d’un acquari e donca, ciapà del sò bell fà, l' esaudìss el sò desideri.

El gh’gà ‘n tapiro bon de mangià foeura i sògn realizzà del sò padrón.

Mujaki e ‘l so tapìro hinn compàrs per la prima vòlta (in forma diversa) in de l’episòdi 42.

Ruu

El Ruu l’è l'antagonista principal del tèrz film de Lamù - Remember My Love ("Regorda el me amor"), a l’è ‘n bagai del futur che l’hà trovàa ona sfera magica che la gh’hà dent la maledizzion contra la Lamù, ma lù ‘l sà minga, e grazie a lee l’acquisìss di enormi podè, compres quèll del tornà indree in del temp, questa abilità chì la ghe permètt de incontrà la Lamù de fioeula.

È un bagai molto isolàa (i sò genidor hinn sémper stà lontan de ca’) e ’l sent on quaicoss per la Lamù. Per via de la sfera magica (maledètta de la Strìa del Grán Róver) el Ruu el voeur separà Lamù de Ataru a la definitiva. A l’è ‘n pronevùd a la longa del’aliéna.

Rupa

Rupa l’è l'antagonista principàl in del manga originàl in la serie o ben quint film de Lamù - Boy meets girl: Un ragazzo, una ragazza (“On bagai, ona tosa”); a l’è ‘l prìncip del mond del scur. La Lamù (quando che l’era piscinina) la gh’è stada promèssa come sposa del sò papagránd adree al salvament del bisnòno de la Lamù e costù, desgià che ‘l gh’aveva minga de danè e ‘l gh’hà promètùu al Rupa la soa prima fioeula come sposa.

Carla

Carla: fin de fioeula l’era innamorada del Rupa, ma quand che costù el ghe fa vedè la foto de la soa promèssa sposa, lee la se inrabìss e la cambia carater a trasformàss de gentil e dolza a testarda e violenta, ma impunemanch, a la fin el Rupa el ghe voeur maridàlla. Lee la compar domà in del manga original de la serie e in del quint film Lamù - Boy meets girl: Un ragazzo, una ragazza (“On bagai, ona tosa”).