Paolo Maldini

De Wikipedia
Va a: navegá, truvá
Lumbard ucidental Quest articol chì l'è scritt in milanes, ortografia classega.
El Paolo Maldini in del 2008

Paolo Maldini (Milan, 26 giugn 1968), l'è on ex-giugador de ballon, difensor.

Biografia[Mudifega | mudìfica 'l sorgènt]

L'è 'l fioeu de'l Cesare Maldini, on alter gran difensor de'l Milan. L'haa ligaa tutta la sò carrera al Milan, la squadra de la so città, indoe el giuga del 1978, quand che l'ha faa el primm provin. A l'è staa drovaa come terzin senister e come difensor central; anca se di volt l'haa giugaa anca come terzin dester. L'ha esordii in Serie A el 20 Genar 1985, contra l'Udinese, quand che'l gh'aveva domà sedes agn. L'è diventaa subit titular in de la squadra, e l'è staa ciamaa in de la nazional Under 21 giamò in del 1986; poeu l'ha esordii anca in de la nazional maggior in del 1988. Del 1997 l'è anca capitan del Milan, a causa del ritir de 'n alter grand defensor de la squadra: el Franco Baresi. El 16 febrar 2008 contra 'l Parma l'ha giugaa la millesima partida de la sò vitta; el 16 magg del 2009 l'ha giugaa la noeuvcentesima partida cont la maja del Milan e'l 31 magg 2009 l'ha giugaa la sò ultema partida, e quand che l'è andaa foeura del camp l'ha ricevuu 'na standing ovation de tutt el stadi.

Contestazion[Mudifega | mudìfica 'l sorgènt]

Quand che l'haa giugaa la sò ultima partida al stadi G. Meazza tutt el stadi el s'è volzaa su a batt i man. Purtropp on quei tifos de la curva l'ha contestaa el Paolo, che quei agn primma l'aveva criticaa el comportament de la curva vers la squadra.

Titoj[Mudifega | mudìfica 'l sorgènt]

El Paolo l'è vun di giugador che l'haa vingiù pussee titoj in de la storia del fotbal.

I pussee important hinn:

  • 7 campionaa italian ('87-'88,'91-'92,'92-'93,'93-'94,'95-'96,'98-'99,'03-'04)
  • 5 supercop italiann ('88,'92,'93,'94,'04)
  • 1 copa italia ('02-'03)
  • 5 cop di campion ('88-'89,'89-'90,'93-'94,'02-'03,'06-'07)
  • 5 supercop europej ('89,'90,'94,'03,'07)
  • 2 cop intercontinentalj ('89'90)
  • 1 mundial per club ('07)