Pader Noster

De Wikipedia
Va a: navegá, truvá
Lombard Occidental Quel articul chì l'è scrivüü in Lumbard ucidental, cun l'urtugrafia ünificada.


El Pader Noster a l'è prubabilment l'uraziun püssee cugnussüda del Cristianesim. Segund i vangej, quand che i discepuj de Gesü gh'aveven ciamaa cum'a l'è che duveven pregà, lü'l gh'ha mustraa questa uraziun. Al se pö truaa in (Mt 6,9-13) e, püssee cürt, in (Lc 11,2-4). El Pader Noster al se dis in de la Messa.

El Pader Noster in different dialett del lumbard[Mudifega | mudìfica 'l sorgènt]

Milanes[Mudifega | mudìfica 'l sorgènt]

El Paternoster in Milanes (Grafia Classega)
Pader nòster, che te seet in ciel
che 'l sia faa sant el tò nòmm
che 'l vegna el tò regn,
che 'l sia faa 'l tò vorè,
come in ciel, inscì anca in su la terra.
Dann incoeu el nòster pan de tucc i dì,
e perdonon i nòster peccaa,
inscì come anca num ghe perdonom a quij che n'hann faa on tòrt.
E menon minga in de la tentazion,
ma liberon del maa, e che 'l sia inscì.

Paves[Mudifega | mudìfica 'l sorgènt]

Padar Noster che t'see int i ciel
ca'l sia santificà 'l to nom
ca 'l vena 'l to regn
ca sia faja la to vuluntà
insì in ciel tant 'me in tera

Brianzöö[Mudifega | mudìfica 'l sorgènt]

El Paternoster in Brianzoeu
Pader nòster, che te seet in ciel
al sia santificaa ol tò nòmm,
al vegna ol tò regn,
la sia fàda la toa volontà,
comé in ciel, inscee in terra.
Dacc incoeu ol nòster pan quotidian,
scòrdes di nòster debitt,
inscee comé anca nomm se scòrdom di quei di noster debidor.
Facc minga borlà in de la tentazion,
ma libera nomm dal maa, e che 'l sia inscee.


Bergamasch[Mudifega | mudìfica 'l sorgènt]

El Paternoster in Bergamasch
Pader nòst che te sé in cél
a'l sìes santificàt ol tò nòm,
a'l végne 'l tò régn,
la sìes facia la tò olontà
cóme in cél, isé 'n tèra.

Daga 'ncö ol nòst pà de töcc i dé
e pàghega i nòscc débecc
cóme nóter m' ghi paga ai nòscc debitùr
faga mìa börlà in tentassiù,
ma sàlvega del mal. Amen.

Lumbard uriental[Mudifega | mudìfica 'l sorgènt]

El Paternoster in Lombard oriental' (ortografia SL)

Pader nost qe te seet in cel,
qe el to nom al sies santificad,
qe el to regn al vegne,
qe la to volontaa la sies faita
su indel cel compagn qe in su la terra.
Da-m incœ el nost pan de tœts i dé
E perdono-m i nosts pecats
come nolter ge i perdonom a qei qe i m’ha fait tort,
e meto-m miga a la prœva,
ma deslibero-m del mal. Amen.