Ave Maria

De Wikipedia
Lombard Quest articol chì l'è scrivud in lombard, con la Noeuva Ortografia Lombarda
Quader del Nonzià del Signor

L'Ave Maria a l'è 'n orazzion cristiana dedicada a la Madona, doperada sgiamò - anca se in forma pussee curta - del secol quell de quater in la liturgia. L'è fada su de trè part:

  1. La prima, el salut de l'angiol, 'me se lensg in Luca 1,28
  2. La segonda, el salut de la Lisabeta quand che la va a trovà
  3. La domanda de intercession

A l'è al center de la devozzion mariana e del Rosari e l'ha anca ispirad varie oeuvere musegai. A l'è, in forme diferente per via del passà per i varie tradizzion, dida di catolegh, di ortodoss, de part di anglican e, senza la domanda de intercession, di luteran.

Version lombarde[Modifega | modifica 'l sorgent]

Tolte del liber Ave Maria sive Maria ab Angelo variis linguis salutata del 1882.

Milanes[Modifega | modifica 'l sorgent]

Che Dio ve salva, o Maria, pienna de grassia, el Signor l'è con vù, benedetta vù in tra i dònn e benedett el voster divin figliuolo Giesù.
Santa Maria, mader del Signor, preha per nùm pecator, adess e in l'ora de la nostra mort.
Amen

Viva Maria, vù sii piena de grazia, el Signor l'è propi con vu, vu sii la pussé benedetta tra tut i donn, e bendet comè l'è el frutt dii vost viscer Gesu.
Santa Maria, mamma del Signor, preghé per num peccatorass, e per adess, e per cuell moment ch'em de morì
Inscì, inscì.

Bergamasch[Modifega | modifica 'l sorgent]

'V salüde, o Maria, piena de grasia, 'l Signùr l'è con vu, vu si benedeta fra töte le done, e benedett l'è 'l frött del venter vost Gesu.
Santa Maria, mader del Signùr. preghé per noter pecadùr. adess, e nel ura de la nostra mort.
E xe sia.

Bressan[Modifega | modifica 'l sorgent]

Me ve salüde, o Maria, piena de grasia, el Signour l'è con vo, vo si benedida tra töte le fomne, e benedit le 'l fröt del vost venter Gesu.
Santa Maria, mader del Signour, preghé per no pecadour, adess, e nell'oeura della nostra mort.
Iss'el sie.

Ai Maria, piena de grascia, el Signur l'è con te, te ta se la benedetta tra le done, e bendèt el frött del to venter Gesù
Santa Maria, mader de Dio, prega per nò peccadùr, adess, e nell'ura della nostra mort.
Amen

Riferiment[Modifega | modifica 'l sorgent]

Alter proget[Modifega | modifica 'l sorgent]