Olivier Messiaen

De Wikipedia
Salta a la navigazzion Và a cercà
Lombard Quest articol chì l'è scrivud in lombard, con la Noeuva Ortografia Lombarda

L'Olivier Messiaen (Avignon, 10 dicember 1908Clichy, 27 avril 1992) a l'è stad un composidor, pianista e organista frances. A l'è stad el maester del Boulez e del Stockhausen e del 1947 l'ha tegnud per vint agn di cors de analisi musegal al Conservatori de Paris.

Vita[Modifega | modifica 'l sorgent]

Nassud a Avignon del Pierre Messiaen, professor de ingles e voltador del Shakespeare, e de la Cécile Sauvage, poeta simbolista, el passa passa l'infanzia a Grenoble. In del 1919 la familia la se sposta a Nantes, indova che l'Olivier el taca i so studi mesegai: pianofort e armonia cont el Jehan de Gibon. A vundes agn a l'è in del Conservatori de Paris, in fina ai so vintvun agn. In del 1829, che l'era an'mò allev del Dukas, el scriv i Préludes per pianofort, cont un riferiment al stil del Debussy. A vint-du agn a l'è titolar di orghen de la Trinità de Paris. In del 1934 el sposa la Claire Delbos e el gh'ha el fioeul Pasca. In del 1936 el fonda el grup "Jeune France" cont el Jolivet, el Baudrier e el Lesur, per andà contra al stil neo-classegh de l'Ecole de Paris difesa del Stravinskij. El partecipa a la guerra e in del sgiugn del 1940 el vegn fad presoner e al camp Görlitz, in Slesia, el scriv el Quartuor pour le fin du temps, per violin, clarinet, vioronzell e pianofort. Tornad in patria in del 1942 a l'è nominad professor de armonia al conservatori e el scriv in tra i olter composizzion i Vingt regards sur l'Enfant Jésus per pianofort in del 1944. In del 1947 el Claude Delvincourt, diretor del conservatori, el fà su per lu la Classe d'esthétique et d'analyse, important fess per tucc i compositor che vegnaran dop. Insema a la Turangalîla-Symphonie (1946-1948) el Messiaen el scriv i Quatre études de rythme per pianofort, in tra i quai el Mode de valeurs et d'intensités, indova el composidor el costruiss el prim esempi de universalism modal, che el dervarà la strada a l'allev Pierre Boulez per l'universalism serial.

Bibliografia[Modifega | modifica 'l sorgent]

  • Storia della musica, Baroni, Fubini, Santi, Vinay
  • Enciclopedia della musica, Ricordi