Musee de la Basilega de Sant Ustorgg
|
Quest articol chì l'è scrivud in lombard, con la Noeuva Ortografia Lombarda |
| Musee de la Basilega de Sant Ustorgg | |
|---|---|
| (IT) Museo della Basilica di Sant'Eustorgio | |
 | |
| Sit | |
| Stat |  |
| Località | Milan |
| Adressa | Piazza Sant'Eustorgio, 3 - Milano, Piazza Sant'Eustorgio 3, 20123 Milano e Piazza Sant'Eustorgio 3, 20122 Milano |
| Coordinade | 45°27′13.31″N 9°10′51.75″E / 45.453697°N 9.181042°E |
| Carateristeghe | |
| Visitator | 13 725 (2022) |
| Sitt web | |
El Musee de la Basilega de Sant Ustorgg el gh'ha dent el patrimoni coltural de la gesa, e el so cioster el gh'ha dent anca el Musee de la Diocesi ambrosiana, spartid in ses sezzion, oltra al cimiteri paleocristian.
I du musee poden vesser visitad insema cont un biliet unegh.
Collezzion
[Modifega | modifica 'l sorgent]La prima sezzion a l'è in del portegh del cioster e gh'è dent di rest archeologegh de la necropoli cristiana trovad in di scav di agn '50 e '60, compagn de preje de mort e di laster de marmor. In sui mur a gh'è anca un stema vescontee antigh e gh'è anca vari reliquiari.
Gh'è poeu l'area archeologega, indova che gh'è i rest de la necropoli descoverta in di scav di prim agn '60. Se va inanz poeu in la veggia sala capitolar, indova che gh'è varie statue, la pussee importanta quella del Sant Ugeni, e in la veggia sagrestia, indova che inn regolt reliquiari, ex voto e oget liturgegh del XIV al XVII secol.
Se va poeu inanz in di do capelle del Soree, in stil gotegh e conligade de un corridor, la prima, del San Franzesch, l'è stada fada su de la fameja Arlun e la guarna un fresch anonem del Gesù che ghe compariss al San Domenegh de Guzman, la segonda, del San Paol, l'è stada fada su de la fameja Sach e la gh'ha dent una Madona del lacc, de la scoeula Borromeja, e un San Paol menad in cel del Daniell Cresp.
Infin a gh'è la Capella Portinari, fada per el nobel toscan Pigello Portinari, che 'l s'è fad meter sota lilinscì e che gh'ha dad sepoltura anca al san Peder Martir, che l'è stad mitud sota lilinscì del 1737. Oltra a la soa arca, se troeuven vari fresch del Sant, di quater gran Dotor de la Gesa (Sant Ironem, Sant Ambroeus, San Gustin e San Grigoeu Magn), cont anca di so statue, che representen sia i Dotor che i miracoi del Sant.
Galleria de foto
[Modifega | modifica 'l sorgent]-
El stema vescontee quand che se va dent -
Stendard de la Madona -
La statua del Sant Eugeni -
La sala del Convent, indova che gh'è la statua del Sant Eugeni -
Reliquiari cont el did de 'n sant -
Vista general di reliquiari -
Detaj di reliquiari -
Detaj di reliquiari -
Scolture metalleghe de vescov
Bibliografia
[Modifega | modifica 'l sorgent]- G.A. Dell'Acqua (a cura di), La basilica di Sant'Eustorgio in Milano, Milano 1984
- Erminia Giacomini Miari, Paola Mariani, Musei religiosi in Italia, Editore Touring, Milano 2005, pp. 141 - 142 ISBN 9788836536535
Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Musee de la Basilega de Sant Ustorgg
