Marcall cont el Cason
(Rimandad de Marcall con Cason)
| Marcall cont el Cason Comun | |||||
|---|---|---|---|---|---|
| |||||
 | |||||
| Dats aministrativ | |||||
| Stat | Itàlia | ||||
| Rejon | Lombardia | ||||
| Provinça | Provincia de Milan | ||||
| Politega | |||||
| Sindeg | |||||
| Orgen lejislativ | Consili comunal | ||||
| Territore | |||||
| Coordinade | 45°29′53.45″N 8°52′34.86″E / 45.49818°N 8.87635°E | ||||
| OSM | 45106 | ||||
| Voltituden | 147 m s.l.m | ||||
| Superfix | 8,21 km² | ||||
| Abitants | 6 222 ab. (1º genar 2023) | ||||
| Densitaa | 757.86 ab./km² | ||||
| Confin | Boffalòra, Magenta, Ossòna, Sastevan, Barnaa e Mesar | ||||
| Fus orari | UTC+01:00 e UTC+02:00 | ||||
| Varie | |||||
| Prefiss | 02 | ||||
| Codex postal | 20010 | ||||
| Sigla autom. | MI | ||||
| Codex ISTAT | 015134 | ||||
| Codex catastal | E921 | ||||
| Cl. climatega | |||||
| Cl. sismega | |||||
| Localizazion | |||||
.svg) | |||||
| Sit istituzional | |||||
Marcall cont el Cason (pronuncia local: [ma'rkal 'kunt əl ka'zoɳ]; Marcallo con Casone) l'è on comun de la Provincia de Milan che 'l cunta 6 240 abitant. Marcall la se troeuva a òvest de Milan, vers el fiumm Tisin e donca vers el Piemont.
Marcall l'è gemellaa cont el comun frances de Bubry e con quell irlandes de Macroom.
Stòria
[Modifega | modifica 'l sorgent]El comun l'è compòst de quatter center:
- Marcall: i testimonianz stòrich sora i origin de Marcall hinn pròppi pòcch. Trai document pussee vegg in di quai troeuvom on riferiment precis a Marcall, regòrdom on diplòma de l'Enrich III del 1054 e 'l Liber Notitiæ Sanctorum Mediolanensis de Goffred de Busser (1280), indove l'è citada la gesa de Marcall. El 15 dicember 1651 Marcall l'è vegnuda indipendent, con l'avè pagaa 1890 lir milanes a la Camera Real per liberàss del vassallagg; ma on secol pussee tard el paes l'ha lassaa perd la soa libertà e l'è diventaa on feud del Ludovich Vitai. A partì del XIX secol fina a l'unidà italiana, Marcall la gaseva part de la Provincia de Pavia.
- Menedragh: comun fina al XIX secol, la comprendeva i sitt ciamaa Cason, Barch, Asmont e Cassina Noeuva. In de l'epoca napoleòniga Menedragh la faseva part del dipartiment de l'Olòna. In del 1859 l'ha ciappaa el nòmm de Cason. Al dì d'incoeu l'è voeuna di dò frazion reconossuu del comun de Marcall.
- Barch: l'è on borgh de origin longobarda. Al center la gh'è ona gesetta del XIII secol dedicada a San Michel Arcangiol, protettor di Longobard. 'Sto borgh piscinin l'ha viduu nass on illuster prelaa: el 18 april 1874 gh'è nassuu Monsignor Paolo Castiglioni, che l'è staa, duranta la soa carrera, president del Tribunal Ecclesiastich, vescov titolar de Famagosta e ausiliar de la diòcesi ambrosiana. L'ha participaa anca al conclave che l'ha vist elegg el Pio XII. Quand che l'è mòrt, el 19 marz 1943, l'ha voruu vess interraa pròppi a Barch, paes cont el qual l'ha semper tegnuu di legamm fòrt.
- la Marchesina ([marki'zina])
Evoluzion demografega
[Modifega | modifica 'l sorgent]L'andament del numer di abitant del comun de Marcall cont el Cason l'è mostraa in la tabella chi de sotta:
Abitant censid
