Mandad esclusiv
|
Quest articol chì l'è scrivud in lombard, con la Noeuva Ortografia Lombarda |
Un mandad esclusiv a l'è la pretesa de un governo de havégh autorità sora un territori che però un alter Stat sovran ghe esercita la soa sovranità de facto in manera stabil. El concet el gh'ha havud particolar rilevanza in la guerra freggia, quand che vari Stat eren partid in su bas ideologeghe.
Trii di esempi pussee famos inn la Germania, con la Germania Ovest che fina a l'introduzzion de la Ostpolitik la retegniva de havégh un mandad esclusiv in su tut el Paes e anca l'Est che 'l retegniva l'Ovest un stat fantocc fad su de la NATO, la Corea, con la Corea del Nord e quella del Sud che anca incoeu retegnen de havégh la sovranità in su tuta la Penisola, e la China, con la pupart del Paes controllad de la Republega Popolar de la China e Taiwan controllad de la Republega de China, cont i du Stat che retegnen de havégh el dirit de governà tuta la China intrega, cont una politega ciamada de Una China.
Bibliografia[Modifega | modifica 'l sorgent]
- Rigger, Shelley (2002). Politics in Taiwan: Voting for Reform.