Stat fantocc

De Wikipedia
Salta a la navigazzion Và a cercà
Lombard Quest articol chì l'è scrivud in lombard, con la Noeuva Ortografia Lombarda

Per Stat fantocc se intend un Stat che l'è nominalment sovran ma che, de facto, el dipend del tut, a nivell militar, politegh e economegh, de 'na Potenza forastera e di so orden, inscì de liberà quella potenza li de ogni responsabilità legal, ma de dàgh el controll prategh del territori, despess frut de 'n invasion o del collaborazzionism.

El se destingh de un Stat liad perchè l'ha scernud no volontariament la lianza e gh'è no un tratad che 'l stabiliss i limit e de 'n Stat satellit perchè, se el satellit el dipend de 'na potenza pussee granda, a l'è no del tut controllada de lee e, de solet, l'è recognossud domà de la potenza che l'ha fad su e di so liad 'me Stat sovran, a diferenza de 'n Protetorad che l'è recognossud de la comunità internazzionala 'me Stat sota la protezzion de 'n oltra potenza, e donca inn no recognossud del dirit internazzional.

Incoeu inn retegnud di Stat fantocc l'Abcasia, l'Ossezzia del Sud, la Transnistria e i Republeghe popolar de Doneck e Lugansk, che dependen de la Russia, l'Artsakh, che 'l dipend de l'Armenia, e 'l Ziper Nord, che 'l dipend de la Turchia. El governo del Maroch el ritegn el governo del Sahara Ocidental un fantocc del governo de l'Algeria.

Di esempi passad, inveci, inn la Republega Sociala Italiana, el Protetorad de Boemia e Moravia, la Republega Slovaca 1939–1945), el Stat Independent de Croazzia, la Norvegia de Quisling e 'l Stat Ellenich, controllad de la Germania Nazista, el Zanzibar, controllad del Regn Unid, el Manchukuo, la Segonda Republega Filipina e 'l Stat de Birmania, controllad del Giapon, e la Republega Democratega Finlandesa, la Republega Popolar Tuvana e la Republega de l'Estrem Orient, controllad de l'Union sovietega.

Riferiment[Modifega | modifica 'l sorgent]

Vos corelade[Modifega | modifica 'l sorgent]