Lengua volapük

De Wikipedia
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.

La Lengua volapük l'è ona lengua artificial fada in tra el 1879 e 'l 1880 dal prevet todesch Johann Martin Schleyer. L'ha cuntaa de vess staa ciamaa in soeugn dal Dio de fà ona lengua internazionala.

Paronozia[Mudifega | mudìfica 'l sorgènt]

lettera IPA
a [a]
ä [ɛ]
b [b]
c [tʃ] o [dʒ]
d [d]
e [e]
f [f]
lettera IPA
g [g]
h [h]
i [i]
j [ʃ] o [ʒ]
k [k]
l [l]
m [m]
lettera IPA
n [n]
o [o]
ö [ø]
p [p]
r [r]
s [s] o [z]
t [t]
lettera IPA
u [u]
ü [y]
v [v]
x [ks] o [gz]
y [j]
z [ts] o [dz]

Grammatega[Mudifega | mudìfica 'l sorgènt]

La grammatega l'è fondada in sui lengov indoeuropej, ma gh'è ona granda agglutinazion, che normalment in di lengov indoeuropej a l'è sostituida con la flession. Comé in todesch, el nomm el pò vess declinaa in quater cas: genitiv, dativ, nominativ, accusativ.

Chi a vedom la declinazion de la parola "vol", ossia mond.

singolar plural
nominativ vol vols
genitiv vola volas
dativ vole voles
accusativ voli volis

Di radis lessicai se pòden fà nomm, verb, aggettiv e tutt i olter element de la grammatega.

El verb[Mudifega | mudìfica 'l sorgènt]

El verb el gh'ha vott temp e 'l porta informazion in sul temp, el mod e la persona e anca di olter ròbb.

Lessegh[Mudifega | mudìfica 'l sorgènt]

El lessegh l'è cattaa da on poo de lengov de tutt el mond, ma soratutt de l'ingles e on poo de franzes e todesch. I paroll vegnen modifegaa sossenn per somejà minga a l'original. I paroll cont pussee de ona sillaba vegnen accentaa semper in su l'ultima sillaba, pròppi per slontanà la parolla da la lengua de origin.

Per esempi la parolla "Volapük" la vegn de "Vola" (genitiv de "Vol", ossia mond, de l'ingles "world") e "pük" (lengua, de l'ingles "speech").

Storia[Mudifega | mudìfica 'l sorgènt]

La lengua a l'è stada inventada del Schleyer, prevet todesch che l'ha cuntaa su de vess staa ciamaa in soeugn del Dio per fàlla. La giamò bassa diffusion del Volapük a l'è stada fermada del rivà del Esperanto cont el sò primm liber in del 1887.

In del 1920 la lengua, cont el consens di pocch parlant restaa, l'ha avuu 'na revision.

In del 2007, grazia a di bot, la Wikipedia in Volapük a l'è deventada la Wikipedia quella de 15 in del mond, cont pussee de 100'000 vos. L'amministrator l'ha deciaraa de fàll per volzà l'interess in questa lengua.

Esempi de lengua[Mudifega | mudìfica 'l sorgènt]

El Pader Noster:

O Fat obas, kel binol in süls,
paisaludomöz nem ola!
Kömomöd monargän ola!
Jenomöz vil olik, äs in sül, i su tal!
Bodi obsik vädeliki govolös obes adelo!
E pardolös obes debis obsik,
äs id obs aipardobs debeles obas.
E no obis nindukolös in tendadi;
sod aidalivolös obis de bas.
Jenosöd!