Lengua agglutinanta

Quest articol chì l'è scrivuu in lombard, grafia milanesa.

Ona lengua agglutinanta l'è ona lengua indova i paroll hinn faa con l'union di morfema. Questa classificazion chi l'è stada inventada dal Wilhelm von Humboldt del 1836.

Caratteristegh

In di lengov agglutinant i paroll de bas hinn domà di radis, e poeu se gionten di prefiss e di suffiss per mett di informazion comé 'l gener, el numer, el temp e di olter ròbb. In di lengov agglutinant i affiss se fonden mia insema ai olter. I lengov agglutinant gh'hinn in d'on poo de famej lenguistegh, e anca in d'ona quaj lengua artificiala.

On esempi de lengua agglutinanta sossenn l'è 'l finlandes, indova se dis:

• kirja = liber
• kirjani = el mé liber
• kirjassa = in del liber
• kirjassani = in del mé liber
• kirjassanikin = anca in del mé liber

I lengov agglutinant hinn asquas semper regolar sossenn, ad esempi el giappones el gh'ha domà tri verb irregolar, el turch domà vun.

Esempi de lengov agglutinant

Esempi de lengov agglutinant:

• El navajo
• El giappones
• El corean
• I lengov dravidegh
• L'Esperanto
• El Quenya
• El swahili
• El malay
• El sumer