Italyan, Rum Casusu Çikti

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Italyan, Rum Casusu Çikti
Album in Studi
Surtii 1992
Gener rock
Furmaa CD
Dürada 62:18 min.
Cà discugrafiga Hukapan/Sony Music
crunulugia di album de Elio e le Storie Tese
The Los Sri Lanka Parakramabahu Brothers featuring Elio e le Storie Tese
(1990)
Esco dal mio corpo e ho molta paura
(1993)

Italyan, Rum Casusu Çikti a l'è on CD del grupp milanes Elio e le Storie Tese sortii in del 1992. El cunta i partecipazion del Claudio Bisio, del Vittorio Cosma, del Diego Abatantuono, del Riccardo Fogli, de l'Oliver Skardy (cantant del grupp venezian di Pitura Freska), del Mystère de Voix Bulgares (còr de vôs bulgher) e de The Chieftains (grupp folk irlandes). L'è 'l primm album del grupp in del qual gh'è anca el Luca Mangoni.

El nòmm Italyan, Rum Casusu Çikty in turch el voeur dì "L'è vegnuu foeura che 'l Talian l'era ona spia Greca". El disch el ciappa quest titol de on fatt de crònaca de quell period, in del qual l'era staa coinvòlt eìl'impaginador de l'album. Quest chì, de fatt, in vacanza in de la part turca de Cipro, l'è staa creduu ona spia greca e per quest imprisonaa di autoritaa locaj per on quaj de temp, finna a quand i còss s'hinn minga ciarii.

Lista di canzon[<small>Mudifega</small> | mudìfica 'l sorgènt]

  1. Rum Casusu 0:21
  2. Servi della gleba? 0:17
  3. Servi della gleba 4:38
  4. Arriva Elio 0:56
  5. Uomini col borsello (ragazza che limoni sola) 5:19
  6. Il vitello dai piedi di balsa 3:09
  7. Cartoni animati giapponesi 4:20
  8. Cinquecento 1:34
  9. Supergiovane 8:24
  10. Essere donna oggi 7:00
  11. Pork & Cindy 5:09
  12. Pippero® 4:45
  13. Il vitello dai piedi di balsa reprise 1:31
  14. Urna 4:55
  15. Arrivederci 1:48
  16. La vendetta del fantasma formaggino 8:06

Particolaritaa di vari canzon[<small>Mudifega</small> | mudìfica 'l sorgènt]

  • Rum Casusu l'è on tòcch del film Rocky V (1990) che 'l contegn la fras Se la mucca fa mu, perché il merlo non fa me? che la gh'è anca drent a la canzon Abitudinario.
  • Servi della Gleba? l'è on'introduzion al grupp cantada del Mystère de Voix Bulgares. La vera introduzion a la canzon dòpo se sent, sòtta l'aspett de ona ghost-track, a la fin de La vendetta del fantasma formaggino.
  • Servi della Gleba la parla del servilisem che mostren di òmen che voeuren fàss notà de la dònna amada e che per quest de sòlit se troeuven senza soddisfazion.
  • Arriva Elio l'è voeuna di canzon che la vegniva doperada per dervì i vegg concert (insemma a Ùnanimi e a No, Gianni no per esempi).
  • Uomini col borsello (ragazza che limoni sola) l'è cantada cont el Riccardo Fogli e l'Oliver Skardy di Pitura Freska (che 'l canta la pròpria part in Venezian). L'introduzion l'è sonada del grupp irlandes The Chieftains e la stòria de Giorgio e Piero l'è cuntada del Victor (Vittorio Cosma).
  • Il vitello dai piedi di balsa l'è cantada con l'Enrico Ruggeri e l'è la primma canzon con la participazion del Mangoni. L'è la stòria de quatter vitej che viven in d'on mond incantaa e cont i pee de different materiaj (balsa, cobalt, spugna, tònn). On dì, el vitell cont i pee de balsa el va a dì a quell cont i pee de cobalt che quell cont i pee tonnaa el dis di ròbb fals sul sò cunt. Ma 'l vitell cont i pee de cobalt (Ruggeri) ghe respond che lù el sa che quella chì l'è tutta ona bosia (grazie a ona microspia), e che per quest el vitell cont i pee de balsa el gh'ha de vess punii. A la fin, quasi per infierì sul protagonista, el riva on orsett òmosessual per fàgh compania.
  • In Cartoni Animati Giapponesi se sent el còr de vos bulgar e ona serie de campionament de canzon del Marco Masini.
  • Cinquecento (dedicada, come 'l dis el Vittorio Cosma duranta la canzon, a la FIAT 500) l'è cantada del ghitarista Cesareo; la soa vos l'è stada accelerada sul naster (operazion giamò attuada in Cateto), inscì che 'l someja che lù el gh'abbia avuu de cantà con granda difficoltaa per ciappà anca i nòt pussee sempliz.
  • Supergiovane ("Super Giovin") el gh'ha come argoment i azion de Supergiovane (Interpretaa del Mangoni), on supereròe che l'aiutta i adolescent contra i tram di adult e del governo. Traj vari citazion la se sent quella de ona veggia pubblicità de l'analcòlich Crodino.
  • Essere donna oggi: canzon dedicada aj problema di dònn del dì d'incoeu e del sò relazionàss cont i mas'c, pròppi a causa di quij sò problema chì (per esempi, i mestruazion).
  • Pork e Cindy: altra canzon del vegg repertòri, l'è la stòria de on òmm (Pork) che la sfrutta ona dònna (Cindy) e che intrattant el guida ona Ford gialda del 1956.
  • Pippero: destinaa a vess voeuna di canzon pussee famos de l'òpera eliatega, a l'è la descrizion de on noeuv ball importaa de la Bulgaria (el Pippero).
  • Il vitello dai piedi di balsa reprise: introdòtta de ona discussion cont el Claudio Bisio, che se domandava se la canzon del vitell la finiva pròppi inscì, con l'"inconter" con l'Orsett Fenòcc, quella canzon chì la seguta la stòria: el vitell cont i pee de balsa el cunta come. dòpo quell inconter, la soa vida la sia cambiada per el mej.
  • Urna: present giamò a partì del 1985 in del repertòri di Elii, quella canzon chì la parla de la quistion di urn cinerari e la messeda, oltra aj musegh originaj del grupp, citazion tòlt di Sepolcher del poeta Ugo Foscolo e la siglia italiana del carton Ufo Robot. In origin la canzon a l'era cont on stil pussee fusion, menter in del CD a l'è stada pubblicada in d'ona version hard rock. Per la version tradizional se gh'avrà de spettà el 1998, con l'album Peerla.
  • Arrivederci: canzon cantada con l'istessa musega de Arriva Elio, pòsta a conclusion di vegg concert.
  • La vendetta del fantasma formaggino

Legamm de foeura[<small>Mudifega</small> | mudìfica 'l sorgènt]