The Los Sri Lanka Parakramabahu Brothers featuring Elio e le Storie Tese
| The Los Sri Lanka Parakramabahu Brothes featuring Elio e le Storie Tese | |||||
|---|---|---|---|---|---|
| Album in Studi | |||||
| Surtii | 1990 | ||||
| Gener | rock | ||||
| Furmaa | CD | ||||
| Dürada | 33:27 min. | ||||
| Cà discugrafiga | Psycho/CBS | ||||
| crunulugia di album de Elio e le Storie Tese | |||||
|
|||||
The Los Sri Lanka Parakramabahu Brothers featuring Elio e le Storie Tese l'è el segond disch dij Elio e le Storie Tese, distribuii in del 1990. I The Los Sri Lanka Parakramabahu Brothers eren in realtaa duu Cingales che mondaven el studi indove el grupp el registrava i CD. I fan del grupp conossen 'sto CD comè "Il disco pacco di Natale" òpur comè "The Red Album".
Lista dij canzon del disch
[Modifega | modifica 'l sorgent]- Introducing the Real Pulun Vage Sudu Raula Digay - 1.00
- Pulun Vage Sudu Raula Digay - 1.08
- Outroducing the Real Pulun Vage Sudu Raula Digay - 0.27
- Agnello Medley - 2.35
- Parakramabahu Rajatuma (live in concertino) - 3.06
- Natale in Casa Wizzent - 5.54
- Silos (live in concertino) - 4.21
- Raccomando - 2.12
- Giocatore mondiale - 7.05
- Born to be Abramo (Saturday Night Strange) - 5.35
Origin del CD
[Modifega | modifica 'l sorgent]In del 1990 i Elio e le Storie Tese, diventaa assee famos per l'album de l'ann passaa, aveven ciappaa part al Controfestival, on festival contra quèll de Sanremo. Per l'occasion, aveven faa on mugg de parodij dij canzon comè quella de Vattene Amore de l'Amedeo Minghi e de la Mietta, ò quèlla de Arriva Cristina de la Cristina D'Avena (che l'era diventada Arriva Clistere). Inoltra, aveven publicaa on maxi-singol ciamaa Sveliatevi!, che'l gh'aveva dent ona canzon, Born to be Abramo, che l'era on mes'ciament di canzon de gesa e de la discomusic. Ma aveven minga domandaa i diritt d'autor, donca el maxi-singol l'è staa ritiraa dòpo pòcch settiman e i cover hann poduu minga vess publicaa (anca se hinn staa cantaa anmò a lungh). Per "vendicàss" alora i Elio e le Storie Tese hann deciduu alora de fà on disch che i canzon sarissen staa orribil e cantaa per la pussee part in tamil. A bon cunt, el CD el gh'ha avuu success, anca perchè di canzon comè Giocatore mondiale ò Agnello medley mostraven on bon nivell musegal.
Curiositaa
[Modifega | modifica 'l sorgent]- Giocatore mondiale l'era la canzon d'averdura del programma radiofònigh de la Gialappa's Band Quasi Gol, faa in occasion del Campionaa Mondial de Fòlber de Italia '90. Ghe canta anca el Pierangelo Bertoli.
- On tòcch de Pulun Vage Sudu Raula Digay se sent anca in Il Vitello dai Piedi di Balsa, canzon del CD di Elio e le Storie Tese Italyan, Rum Casusu Çikti (1992).
- Natale a Casa Wizzent l'è tuta parlada, l'è minga ona canzon. Wizzent el vegn de Wisent, che l'è el nòmm todesch del bisont europeo.
- Born to be Abramo (Saturday Night Strange) l'è el remix de ste dò canzon, che eren present in del CD-singol Sveliatevi!.
- Sia Parakramabahu Rajatuma che Silos eren canzon del CD precedent.
- El Christian Meyer l'è present cont el soranòmm de Abuabua.
- Alter musicist present in del disch hinn el Curt Cress (batterij in Giocatore Mondiale), el Fidelio Rossi (violin in Silos) e l'Orso Maria Goretti aj percussion in Agnello Medley.