Diego Abatantuono

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.

El Diego Abatantuono (Milan, 20 de magg del 1955) a l'è on ator e comegh italian.
Fioeu d'on pujes e de ona lombarda, l'è cressuu al Lorentegg.
L'ha scominciaa la soa cariera artistega al Derby (indè che la lavorava la soa mamm), e 'l finiss dent al Gruppo Repellente mettuu in pee de l'Enzo Jannacci e del Beppe Viola, e che 'l gh'aveva 'me member anca Massimo Boldi, Mauro Di Francesco, Giorgio Faletti, Ernst Thole e Giorgio Porcaro. Insemma a quell chì a l'ha inventaa el personagg del terrunciello (l'imigraa del sud che 'l vegn a Milan), che 'l ghe da on sucess inscì grand che ben prest el finiss anca al cinema.
Dopo 'na serie de sucess (per esempi Eccezzziunale... veramente, del 1982), el sò personagg el stufiss, e per quest l'Abatantuono le bandona (anca se le tirarà foeura in tanti ocasion).
In del 1986 el Pupi Avati el descovriss el sò talent anca 'me ator dramategh, e le fa recità in del sò Regalo di Natale. De quell moment, l'Abatantuono el recitarà sia in roeui comegh e dramategh.
L'Abatantuono l'ha lavoraa anca con regista compagn de Carlo Mazzacurati, Cristina Comencini, Ettore Scola, Giuseppe Bertolucci e soratutt Gabriele Salvatores, che l'ha dirigiuu in d'on mucc de film.

Vos corelaa[Modifega | mudìfica 'l sorgènt]