Claudio Bisio

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Wikiquote-logo.svg
«È sagace e divertente: Bisio!
Sveglia in me l'adolescente!
Io l'ascolto e sono salvo: Bisio!
È un cabarettista calvo...
e decisamente bravo!»
(Essa Gace, Eddie Vertente, in Patè d'Animo, 1991)
Claudio Bisio in del 2009

El Claudio Bisio (Novi Ligure, 19 de marz del 1957) l'è on comegh, ator, presentador e doppiador italian. L'è cognossuu per vess staa el presentador de Zelig del 1997 al 2012, per avè recitaa in tanti comedi e per el sò aspett, con la soa crappa senza cavei.

Biografia e carriera[<small>Mudifega</small> | mudìfica 'l sorgènt]

A l'è nassuu in de la Provincia de Lissandria, ma el s'è trasferii a Milan con la soa fameja quand che l'eva amò pinin.
Quand che l'era gioven, l'è staa on member de Avanguardia Operaia, e intrattant l'ha scominciaa a studià 'me ator al Piccolo de Milan. L'ha lavoraa anca cont el Giorgio Albertazzi.
A partì de la metà di Agn Vottanta l'ha scominciaa a toeu part a film (per esempi quei dirigiuu del Gabriele Salvatores) e a fà su spetacoi comegh e a esibìss in locai milanes compagn del Zelig.
In del 1991 l'ha publicaa on singol, Rapput (scrivuu insemma a l'amis Rocco Tanica), che l'è staa quell pussee venduu e scoltaa de l'estaa de quell ann. On quai mes dopo l'è sortii el sò primm (e unegh) album, Patè d'Animo.
In del 1992 l'ha tolt part al film Mediterraneo, che l'ha vinciuu el premi Oscar 'me mejor cine forest.
In del 1997 (e fina al 2012) el scomincia la conduzion de Zelig in su Mediaset, oltra a toeu part a Mai Dire Gol. Lilinscì, tra i vari personagg, el vestiss i pagn del procurador sportiv Micio e del Dott. Imbruglia.
Intrattant el suta a toeu part a film e 'l tacca su la soa carriera de doppiador, cont el dà la vos al bradipo Sid in de la version italiana de L'Era Glaciale (The Ice Age).
In de l'estaa del 2006 el va in gir insemma ai Elio e le Storie Tese cont ona tournée ciamada Coèsi se vi pare.
L'ha scrivuu anca vari liber de rid e al dì d'incoeu l'è vun di pussee important e pagaa ator cinematografegh italian (soratutt comedi, ma anca in roeul dramategh). L'è sposaa, el gh'ha duu fioeu e 'l tegna al Milan.

Ligamm de foeura[<small>Mudifega</small> | mudìfica 'l sorgènt]