Elio Samaga Hukapan Kariyana Turu

De Wikipedia
Lumbard ucidental Quest articol chì l'è scrivuu in lombard, grafia milanesa.
Elio Samaga Hukapan Kariyana Turu
Album in Studi
Surtii 1989
Registraa Psycho Studio de Milan, in di dì 6, 7, 8, 11, 13 settember 1989
Gener rock
Furmaa CD
Dürada 49 min : 10 sec
Cà discugrafiga Psycho/CBS
crunulugia di album de Elio e le Storie Tese
nissun
The Los Sri Lanka Parakramabahu Brothers featuring Elio e le Storie Tese
(1990)

Elio Samaga Hukapan Kariyana Turu l'è on CD del 1989 e l'è el primm disch del grupp milanes Elio e le Storie Tese. In quèst CD hinn contegnuu ona bona part di canzon del period di esibizion in di vari locai de Milàn, comè el Zelig ò el Magia. Gh'è anca la presenza del Claudio Bisio, che l'è on lor amis, de la Paola Tovaglia (1965-1994), condutris de on programa per bagaj de Rete4, sòtta el fals nòmm de Peev Agliato e di Memphis Horns, che eren duu musicist american.

Al temp i Elio e le Storie Tese gh'aveven minga on baterista offizial, donca ai percussion aveven ciamaa on baterista todesch ciamaa Curt Cress. El Cress l'ha sonaa anca in di alter disch del grupp.

El disch l'è staa on gran success, che l'ha venduu pussee de centmila còpi. El nomm el voeur dì formalment "sborrom e scorensgiom con l'Elio in ligria", ma a l'è pussee probabel che 'l voeur dì "ciola con l'Elio finna a sborrà".

Canzon del disch[Modifega | modifica 'l sorgent]

  1. Adolescenti a colloquio. Improvvisamente, Tremoto: introduzion del disch. Di bagaj (i member del grupp cont i vôs modificaa) parlen tra lor e vun voeur fà sentì ai alter on CD che l'ha apena ciappaa.
  2. John Holmes (una vita per il cinema): canzon dedicada al famos ator pornografegh John Holmes (1944-1988).
  3. Domande bizzarre: el Claudio Bisio, fasendo finta de vess on speaker de la radio, l'intervista el grupp.
  4. Nubi di ieri sul nostro domani odierno (abitudinario): canzon sora i abituden pussee inconfessabil di òmen.
  5. According to the Memphis Horns: brev moment in del qual i Memphis Horns sonen i lor strument.
  6. Carro: canzon che la cita Back to the USSR di Beatles e anca l'inn nazional de la Germania. La mes'cia on quaj de proverbi (Donne e buoi dei paesi suoi; Donna volante pericolo costante; Chi rompe paga e i cocci sono suoi; Tra il dire e il fare c'è di mezzo il mare e alter) per fà sù on'unega stòria.
  7. Una gita a...: Segonda part de l'intervsta del Bisio al grupp.
  8. The fabolous '68s according to Tony Martucci: on spezon de ona canzon che l'Elio l'aveva cantaa a l'Ambrogino d'Oro del 1968. El Tony Martucci l'era quèll che l'organizava quèsta competizion musegal.
  9. Nella vecchia azienda agricola: cover còmica de "In de la vegia fatoria" del Quartetto Cetra.
  10. Silos: canzon sora i còss che vegnen casciaa foeura del nòster còrp e che fòrsi in del futur podarissen vess mangiaa per soraviv. El còr l'è faa de la Polifonica di Bals.
  11. Cassonetto differenziato per il frutto del peccato: canzon contra i dònn che lassen i lor fioeu arent a la spazadura sbaiada. Anca chì gh'hinn i Memphis Horns.
  12. Introducing the real Parakramabahu according to Shantha Edirisinghe: brev introduzin a la canzon dòpo.
  13. Parakramabahu Rajatuma: Canzon in de la lingua del Sri Lanka cantada del Shantha Edirisinghe, che l'era vun che'l mondava el studi de registrazion del disch. Anca l'Elio el fà part del còr de 'sta canzon.
  14. Piattaforma: canzon cantada de l'Elio e de la Peev Agliato (con la vôs modificada), che la dopera on lessich de cantier e la gh'hà on fracch de sens dobbi (ora vai sul terzo piolo/ma bada che non vada in emostasi; è già il secondo pozzo che mi intasi e alter).
  15. Suspence! Il signor Brando meets Marlon Brando: ultima part de l'intervista del Bisio.
  16. Introducing the Cara Ti Amo: introduzion de la canzon dòpo. L'è stada registrada duranta on concert a Voghera.
  17. Cara ti amo (Risvolti psicologici nei rapporti tra giovani uomini e giovani donne): canzon cantada de l'Elio (la tôsa) e del pianolista Rocco Tanica (el bagaj) che la parla di problem che la dònna la pònn al pòer òmm che'l sa minga comè sodisfala, perchè tutt quell che faa l'è sbaliaa. Anca quèsta canzon l'è stada registrada del viv, ma a Còrsich. L'è voeuna di canzon pussee famos del grupp.
  18. Messaggio satanico: fasendo comè i grupp metal satanist che metten di messasg al contrari in di lor canzon, chì i Elio e le Storie Tese canten a l'invers "Tanti Auguri a Te".
  19. Cateto: stòria de on òmm de Chicago e de ona dònna de Erba (Peev Agliato). Anca chì l'Elio el gh'ha la vôs modificada (accelerada).
  20. Spuma da 100: ai bagai de la prima track 'sto disch ghe pias minga (a part quèll che l'ha compraa per 7500 £) e donca voren andà a bev quajcòss.
  21. John Holmes (shizdu version): la musega de John Holmes con sòtta ona canzon de l'òpera giaponesa.
  22. Ang Ang

Curiositaa[Modifega | modifica 'l sorgent]

  • In Cara ti amo, gh'è anca marcada (in sul livrett del disch) la presenza del futur baterista del grupp Christian Meyer, che, cont el nòmm de Pupillon, el sona el "Piatto del Big Jim".
  • Domande Bizzarre, Una gita a... e Suspense! Il Signor Brando meets Marlon Brando hinn di nòmm di famos gioeugh de la Settimana Enigmistica che esisten anca al dì d'incoeu.
  • El Feiez el vegn ciamaa Mu Fogliasch (perchè diseven che l'era S'ciav de Zagabria).
  • In Cassonetto differenziato per il frutto del peccato el vegn nomenaa l'Otar Bolivecic, alias Claudio Dentes, el produttor del disch.
  • Ona fras de Piattaforma (var a dì senti come grida il peperone, PAM) l'è stada anca cantada in d'ona canzon del CD del 1996, T.V.U.M.D.B.

Ligamm de foeura[Modifega | modifica 'l sorgent]