IC 2000

Quest articol chì l'è scrivuu in lombard, grafia milanesa.

IC 2000 a l'è 'na carrozza ferroviaria a dobbi pian doperada di Ferrovij Federai Svizzer per el servizzi InterCity in Isvizzera, che pòden fà sù di composizion finna a 10 carrozz cont circa 1'000 pòst.

Storia

I carrozz a hinn staa faa in del progett Ferrovia 2000 de 'n consorzi Bombardier-Alstom in tra el 1997 e 'l 2004 in 314 esemplar. Prima, in Isvizzera, i carrozz a dù pian eren doperaa domà in la S-Bahn de Zurigh e minga a nivell nazional. El design a l'è staa faa del Pininfarina, per fàj apparì ben vesin a la locomotiva d'elezion, la Re 640, progettada semper de lu.

In del 2018 a l'è nonziaa on progett de renoeuvament che 'l finirà in del 2024.

Caratteristich

I IC2000 pòden viaggià finna a 200 km/h e hinn trainaa, de solit, di Re 460. Gh'hann squasi semper 'na carrozza bar o restorant, a segonda de l'ora e de la tratta, e de 'n servizzi de carrell snack in di tocch sora del treno. In la carrozza semipilota ghe pò vess 'n area gioeugh per i fiolitt e i familij.

75 carrozz de prima class, classifegaa business, gh'hann el caricator per natel e computer, e i utent pòden, a pagament, doperà l'Internet del treno.

Dal 2008 la prima class la gh'ha anca i zonn del silenzi.