Giuliano Bignasca

De Wikipedia

Giuliano Bignasca (Lügan, 10 avril 1945 - Canöbi, 7 marz 2013) l'è stai un pulitich dal Canton Tesin.

Bignasca l'èra el president dal moviment politich Lega dei Ticinesi, moviment che l'é stai creà in del 1991 e che al riciama la Lega Lombarda - Lega Nord de l'Umberto Bossi. Bignasca l'è stai consiglier nazional dal 1995 ar 1999 - Camera basa dro Parlament elvetic - e, dal 2000, l'è in dal Münicipi da la cità da Lügan.

Da giovin l'à lavorà come pìca sass, al l'à ancha giüga a fotball in dal Lügan (nel FC Lugano) in dra serie A scvizzera, insema al so fredel Attilio al mena in nanz n' impresa da costrüzioni e l'è iente in dro consili d'amministrazion da diverse società. In dro 1990 al fonda insema al Flavio Maspoli el giornà domenical gratüit "Il Mattino della Domenica", ido c'al scriv di articoe con el so stile particolarissim.

Bignasca al se fai cognoss anca dai tagliann, in dal 2005, al ciama el cap dala Lega Nord Padania Umberto Bossi a fa un discors a Lügan in da la cà dal Carlo Cattaneo.

In del stess agn l'ha sustegnü la nascita del grüpp dij Giuen leghisti, che l'è el grüpp dij Giuen del sòò partì pulitech. Nel mees de utuber del 2006 el grüpp el firma 'n Patt de gemellacc cunt el Muviment dij Giuen Padan (Movimento Giovani Padani) dela Pruvincia de Lecch, muviment giuanil dela Lega Nord, guidà del mandelees Giuan Pasquini, vicecoordinadur del MGP lucal. Ala firma de l'acordi gh'eren el grancunsiglier ticinees Norman Gobbi e 'l coordinadur federal de MGP el on. Paolo Grimoldi. Intra mezz dij iniziatif faj insema dopu l'accordij internaziunal, la gh'è üna petiziun da purtà al Cunsili de Belinzuna perché in dela Lumbardia ucidentala visin al cunfin svizer per turnà a vedè la Televisiun svizera itagliana (TSI) cume l'era giamò fin ala metà dij agn '90, senza aduperà el decoder.

Bignasca alura al sè impegnà a fa rivà el segnal dela TSI in da la Lumbardia e in tel Piemunt.

Al 5 ginèè 2008, al fà visita al cardiocentro da Lügan al Senatur Bossi, e insci al po parla insema da lü dai problemi da l'insübria. I dü politic is trova a mangià al Grott dal Prévat da Bosco Lüganes, ie invitaa anca el Consiglier da Stat Marco Borradori, el gran consiglieri Norman Gobbi e per la Lega Nord el Segretari nazional da la Lega Lombarda Giancarlo Giorgetti insena al President da la Provincia da Com Leonardo Carioni. I parla prevalentement da trasporti e dal prolüngament dra NTFA dopo chass e dall'aeroporto lombard da la Malpensa. Bignasca al decid insci da nà a manifestà el 17 fevvré contra i tai a l'aeroport.

Al 2 de fevvré 2010, al se incuntra amò cunt el Bossi a Lügan per parlà del "scudo fiscale", dij "fiscovelox" dela Guardia de Finanza e anca per parlà del segretu bancari per l'ecunomia ticinesa e de l'Insübria.

Ai elezion cantunaj del 2011, la Lega dei Ticinesi la ciapa amò püséé voti. Cunt el 19,62% la diventa el segond partì in del legislativo (de dree dij Liberaj, cunt el 21,29% dij preferenz)[3], ma insema a l'UDC la diventa el partì de magiuranza relativa in del Guerno cantunal (el Cunsili de Stato) cunt el 25,94% dij voti e,per la prema olta, la fa mej del Partì Liberal (che 'l ciapa el 21,99% dij voti).

In del 2011 el se incuntra cunt l'ex ministro dela Lega Nord Roberto Maroni a Lügan. Ij parlen suratütt de rob fiscaj.

Ai füneraj de stato el 9 de marz al gh'è staj un corteo che l'è partì dela sezione dela Lega dei Ticinesi fin al cimiteri de Lügan in duè l'hann metü suta tera. Ij gherenn 5.000-6.000 person e, intramezz, i dirigent püsèè impurtant dela Lega Nord cumé l'Umberto Bossi, el Roberto Maroni, el Mario Borghezio, ol Francesco Speroni e quei dela Lega dei Ticinesi cunt i cunsiglier de stato Marco Borradori, el Norman Gobbi e 'l sindech de Lügan Giorgio Giudici, el sò fradel Attilio e 'l bagaj Boris.

Al'é mort ul 7 da marz 2013 ai 8 e 30 dela matina par un culpett al cör, che l'è staj acertà anca de l'autopsia.