Giovanni Rajberti

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
El Giovanni Rajberti.

El Giovanni Rajberti (Milan, 18 de april del 1805 - Monscia, vundes de dicember del 1861) l'è staa on dotor e poeta milanes.

Vita[<small>Mudifega</small> | mudìfica 'l sorgènt]

L'è nassuu a Brera. L'ha studiaa medesina a Pavia, anca se prima l'aveva provaa a fà el seminarista a Lecch. L'ha lavoraa a la Cà Granda. In del 1830 el se sposa con la Rosa Prina (morta in del 1853), che la ghe da cinch fioeu. Poeu el se sposa con la Giuseppina Bolgee de Monscia. La sarà lee a regoeuj i oeuver del marì dopo la soa mort, 'me testament in di man del comun de Monscia.
L'ha dirigiuu l'ospedal civegh de Monscia fina al 1859, per poeu andà a Comm. Ma el gh'ha 'vuu renonzià subet a l'incaregh noeuv, perchè i sò idei liberai l'hann miss in conflitt con la polizzia austriegh. Tornaa a Monscia, el ciappa on atacch cerebral che per duu agn le lassa paralizaa a la man destra e senza parolla. El moeur a Monscia in del 1861.

Oeuver[<small>Mudifega</small> | mudìfica 'l sorgènt]

El Rajberti l'è consideraa el poeta milanes pussee important del period post-portian. In tra i sò oeuver pussee cognossuu a gh'è la version milanesa de l'Ars Poetica de l'Orazzi (in realtà adattada al contest de la poesia milanesa) e Marz 1848, dedicada ai Cinch Giornad de Milan.

Bibliografia[<small>Mudifega</small> | mudìfica 'l sorgènt]

  • Claudio Beretta, Letteratura dialettale milanese, Milan, Hoepli, 2003.
  • AA. VV., Antologia della poesia nelle lingue e nei dialetti lombardi, Libri Schweiler, 2006.

Interprogèt[<small>Mudifega</small> | mudìfica 'l sorgènt]

Ligamm de foeura[<small>Mudifega</small> | mudìfica 'l sorgènt]