Ghisberto
|
Quest articol chì l'è scrivud in lombard, con la Noeuva Ortografia Lombarda |
El Ghisberto a l'è un vignetista politegh italian vesin a di idee de destra, che 'l critega despess in di so lavorà i politegh de center-sinistra e de sinistra, anca se dopo de l'invasion russa de l'Ucraina l'ha tacad anca a critegà i fan del Vladimir Putin.
Biografia[Modifega | modifica 'l sorgent]
De quell che 'l cunta el so sit, l'ha tacad a dissegnà sgiamò de sgioven e l'ha dissegnad poeu per vari giornai, anca per el Corriere dei Piccoli, ma el molla el lavorà a 30 agn, vist che ghe piaseva no fàll in su comission. A 35 agn el fa San Michel a Cuba, indova che 'l cognoss una dona local e 'l se marida.
Di so vignete hann fad propi parlà tant, compagna de vuna in risposta a Charlie Hebdo, dopo che 'l giornal franzes l'haveva ciapad per el cul l'Italia dopo de 'n terramot, o vuna indova che ghe rideva dree a CasaPound dopo che gh'era stad un presunt stupro fad di so militant, a dì "basta cont i forester che stupren i nost done, gh'hem de fàll prima nunch".
Con la pandemia de COVID-19 l'ha comparad i mort del virus a quej de malatie del coeur, e la vigneta l'è stada compartida, in mez a la polemica, de l'Alberto Zangrillo. Poeu, l'ha anca critegad el Rocco Casalino, el che partid l'ha despess critegad la sanità lombarda, per vesses fad ricoverà a l'Ospedal San Rafaell, cont una parodia de la canzon de La Madonina.