Ferrovia Rimini-San Marin
|
Quest articol chì l'è scrivud in lombard, con la Noeuva Ortografia Lombarda |
La ferrovia Rimini-San Marin a l'è stada una ferrovia a scartament metrich italian verta in del 1932 per conligà Rimini a San Marin. Voluda del Duce e del Giuliano Gozi, l'è stada destrugada in di bombardament di Liad contra el San Marin in del 1944. Mai disabilitada ofizzialment, in del 2012 una trata de 800 meter l'è verta ancamò a San Marin, per reson promozzionai e turisteghe, cont una veggia motris sistemada.
La linia la partiva de la Stazzion de Rimini FS per rivà a la stazzion de Rimini Marittima, poeu la tocava Coriano-Cerasolo prima de rivà in la Serenissima Republega, a Dogana, per poeu passà per Serravalle, Domagnano-Montelupo, Valdragone e Borgo Maggiore prima de rivà a la stazzion de la Capital.
Riferiment[Modifega | modifica 'l sorgent]
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Ferrovia Rimini-San Marin
