Giuliano Gozi
|
Quest articol chì l'è scrivud in lombard, con la Noeuva Ortografia Lombarda |
El Giuliano Gozi (Cità de San Marin, 7 de avost 1894 - Cità de San Marin, 18 de sginer 1955) a l'è stad un politegh e avocat sanmarines, l'esponent el pussee important del fassism a San Marin e Capitani Reggent per cinch voeulte.
Biografia
[Modifega | modifica 'l sorgent]Student de giurisprudenza a l'Università de Bologna, in la prima guerra mondial el se fa volontari e l'è mandad al front cont i Alpin in del 1915, in del 1917 l'è mandad a Turin a fermà i mot contra la guerra e in del 1918 el molla el Regio Esercit, per poeu vesser nomnad Secretari de Stat per i Afar Forest. El refudarà i daner per i volontari, ma el ciaparà la medaja de l'Italia, de la Cros Rossa e quella inter-liada.
El 10 de avost 1922 el toeu part a la fondazzion del Partid Fassista Sanmarines, che in del 1923 el riva al poder ma che, deslenguad al so interno, el gh'ha despess de besogn del sostegn del Partid Nazzional Fassista italian, roba che la mena el Stat del Titan a perder un bell poo de autonomia.
L'è stad Capitani Reggent in del 1923, in del 1926, in del 1932, in del 1937 e in del 1942. Propi in quell ann lì el dà foeura la lesg razzial, ispirada a quelle italiane, e in del 1944 el deventa secretari del Fass Republegan de San Marin. Finida la guerra, l'è processad per el so roeul in del regim e l'è donca mandad in l'oblio. In del 1946 un decret di Capitani Reggent ghe cava via el titol de Cont e anca la medaja al valor, in del midem decret inn tolte via i lesg che onoraven el fassism e quelle razziai.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Giuliano Gozi
