Eysturoy
|
Quest articol chì l'è scrivud in lombard, con la Noeuva Ortografia Lombarda |
Eysturoy ("isola de l'est"), parnonzia ['istroi]) l'è la segonda di Faroe sia per dimension (286,08 km²) che per popolazzion (11490[1] abitant), despoeu de l'isola de Streymoy. A l'è compresa intregament in de la region omonima.
Descrizzion
[Modifega | modifica 'l sorgent]
Eysturoy a l'è rica fess de mont, con circa 66 scime diverse, in tra i pussee volte de l'arcipelagh. Important center de l'isola inn Fuglafjørður in del nord, Runavík e Nes in del sud (la zona pussee rica de center abitad de l'isola).
Una streccia via d'aqua, ciamada strecc de Sundini, el separa Eysturoy de la vesina isola de Streymoy, la pussee granda e popolosa de l'arcipelagh. I do isole inn ligade cont un pont stradal sora el strecc, el pont de Streymin. I abitant ciamen con umor quell pont chì coma el pont sora l'Ocean Atlantegh; de fad a l'è in tra i poch pont in de l'istessa situazzion, insema a quell de l'isola de Seil in Scozzia. De tute i manere se poeul rivà ai cità del sud, de la capitala Tórshavn, pussee a la svelta cont el traghet. Leirvík in sul litoral oriental a l'è el sit per i ligam ai isole nord-orientai, soratut Klaksvík in su l'isola de Borðoy, la segonda cità di Faroe.
I sit de interess de Eysturoy ciapen denter i villagg de Eiði e Gjógv, che el gh'ha un port piscinin natural in de la preja; el Blásastova historical museum in del villagg de Gøta, e i varmakelda (sorgent termai) de Fuglafjørður, che regorden l'origen volcanega de l'arcipelagh.
Risin e Kellingin
[Modifega | modifica 'l sorgent]
Vesin a la costa nord de l'isola se poeuden vedé du scoeui basaltegh bei fess, ciamad Risin (71 m) e Kellingin (68 m).
La legenda la cunta su che in di temp antigh i troll in Islanda voleven meter i man in sui Isole Faroe e hann mandad di gigant per ciapài. Rivad in su la costa nord de Eysturoy, la dona la se rampega cont una corda per ligà insema i isole in manera che el gigant l'havaria podud ciapài in su la s'cena, ma quand che el tirava la corda per toeu via la montagna, la corda la se slentava. I gigant hann provad tuta la nocc, senza ciapà coscenza del passà del temp, inscì quand che i primi ragg del sol hann scominciad a sbarlusì in su de lor inn stad trasformad in preja. De quella voeulta i du scoeui inn restad lì, a vardà con nostalgia l'Islanda.
Orografia
[Modifega | modifica 'l sorgent]L'isola a l'è costellada de alture montagnose, minga trop volte, ma in general putost ripide e la vegetazzion la ved minga la presenza de piante per via del clima frecc e de la latituden.
I principai alture, inn: