Enz Bianch

Quel articul chì l'è scrivüü in Lumbard, cun l'urtugrafia insübrica ünificada.

Enz Bianch

L'Enz Bianch (Enzo Bianchi a l'anagrafe taliana, nassüü el 3 de Marz del 1943 a Castervé, Castel Boglione in talian), a l'è un monegh e scritur piemuntes, el fundadur e'l prior de la cumünità munastega de Bose.

Biugrafia

Düranta i agn de l'üniversità, l'ha furmaa vün di prim grüp biblegh cunt i sò amis che eren de diferent cunfessiun cristian. A l'era anca ativ in di ambient de la FUCI, la federaziun di stüdent üniversitari catolegh. In di esperienz de quij agn là a l'è nassüü el sò desideri e la sò vucaziun per la vita munastega.

Dopu de la laurea in ecunumia a l'üniversità de Türin al s'è ritiraa deperlü in d'una cassina a Bose, frasiùn del cumün de Magnan, una fraziun piscinina de Magnan, in pruincia de Biela, una cassina che l'aveva missa a post cun di amis che'l gh'aveva stüdiaa insema. A l'è restaa indeperlü per i prim trì agn, a scumincià del 8 de desember del 1965, el dì che lü l'aveva scernii per tacà cun la sò esperienza, propi quel de la fin del Cuncili Vatican II.

Dopo a hinn rivaa i prim fredej e surel, catolegh e prutestant, che insema a lü hann scuminciaa a viv insema, in del celibaa, in di uraziun e in del laurà. La cumünità l'ha ciapaa dunca l'aprövaziun del vescuv diucesan.

Dopu di prim temp de la cumünità, l'Enz Bianch l'ha dedicaa in di agn el sò minister al predicà, in de la cumünità, ma anca in di Ges lucaj, catolegh, prutestant e urtudoss. A l'ha scriüü de religiun e de roba cuntempuranea anca in giurnaj 'me La Stampa, l'Avvenire, La Repubblica, Famiglia Cristiana e, in giurnaj frances, 'me La Croix, Panorama e La Vie.

A l'ha faa anca el diretur per 15 agn, fina al 2005, de la la rivista Parola, Spirito e Vita, a l'è member de la redaziun de la rivista internaziunala de teulugia Concilium, e'l fa part del cumitaa scentifegh de Biennale Democrazia.

In de l'2000 l'Üniversità de Türin la gh'ha daa a lü la laurea ad honorem in Soria de la Gesa.

Över

L'Enz Bianch a l'è l'autur d'un frach de över, surtii cun la cà editris de Bose Qiqajon o cunt i editur principaj eurupei. Intra i liber püssee impurtant, regordum:

• Il radicalismo cristiano, Gribaudi, 1980
• Pregare la parola, Gribaudi, 1990
• Adamo, dove sei? Commento a Genesi 1-11, Qiqajon, 1994
• Altrimenti. Credere e narrare il Dio dei cristiani, Piemme, 1998
• L'Apocalisse di Giovanni, Qiqajon, 1999
• Nuove apocalissi. La guerra in Iraq, l'Islam, l'Europa e la Barbarie, Rizzoli, 2003
• Cristiani nella società, BUR Biblioteca Universale Rizzoli, 2003
• Lessico della vita interiore, BUR, Biblioteca Universale Rizzoli, 2004
• La differenza cristiana, Einaudi, 2006
• Il pane di ieri, Einaudi, 2008

Ligam de föra (tücc in talian)

• L'Enz Bianch in del sit de la cumünità de Bose
• I articuj de l'Enz Bianch in del sit de la cumünità de Bose
• I cument de l'Enz Bianch per Famiglia Cristiana ai vangej di dumenigh e di fest
• El sit ufizial de la Cumünità de Bose
• L'intervista del Fabio Fazio a "Che tempo che fa" Arqiviad qé: [2]