Monegh
|
Quest articol chì l'è scrivud in lombard, con la Noeuva Ortografia Lombarda |
El monegh a l'è una persona che la scerniss de viver la soa vita in manera ascetega, a stàgh adree, deperlu o con di alter, al sistema del moneghesem. Anca se 'l vegn del latin monachos, doperad per quei cristian, al dì d'incoeu l'è doperad per quei che stann adree a quell stil de vita chi qual che sia la soa religion.
In del cristianesim quei che gh'hann pussee de coltura monastega inn i catolegh i ortodoss e i ortodoss oriental (in tra de lor, soratut i copt), ma se 'n troeuven anca in tra i luteran, i anglican, i metodista e i presbiterian. In del budesim inn ciamad Bhikkhu, i indù gh'hann vari tipi de monegh, compagn di Daśanāmi Sampradaya e di Matha, oltra a la Sociazzion Internazzionala per la Coscenza de Krishna, che però l'è vista despess 'me una roba a part: anca i jainista gh'hann di so monegh. L'Islam, soratut in del moviment di Sufi, el gh'ha di so monegh, ma inn propi poch e minga trop spantegad, menter i sgiudee gh'hann di asceta, ma la soa dotrina l'è contra al slontanàss del mond, donca gh'è no di monegh ver e propi.
Riferiment[Modifega | modifica 'l sorgent]
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Monegh
