Cassina

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.

Ona cassina l'è ona struttura agricola tipega de la Lombardia e de ona quai part del Piemont e de l'Emilia.
L'è ona granda fatoria denter ai aziend agricol; de norma hinn pussee gross in de la Bassa. Dent a la cassina a troeuvom stall, fenil, granee, pozz, fontann, molin e i di paisan. I cassinn se troeuven in campagna, a on quai chilometer del paes o de la città.
I cassinn gh'hann ona forma squadrada: in del mezz de la cassina gh'è la cort (o era), e intorna i vari costruzzion. Certi cassinn eren inscì grand che gh'aveven anca on'ostaria, on gesioeu e la scoeula. Ona quai cassina l'è cressuda inscì tant che l'è deventada on paes, e poeu (in certi cas) anca on comun. In tra i personn che lavoren in de la cassina a gh'è i campee, i bergamitt, i casee (o formaggiatt), i biolch (o cavallant), i campagnon e olter anmò.
I cassinn hinn spantegaa in di provincc de Milan, Lod, Monscia, Cremona, Mantova, Vercei, Novara, Pavia (foeura che in de l'Oltrepò) e in de la Bassa bergamasca, bressana, comasca, lecchesa, varesotta, turinesa, lissandrina e astesana.

Comè toponem[<small>Mudifega</small> | mudìfica 'l sorgènt]

Cassinn che hinn deventaa paes (frazzion e comun) a hinn: