Durt

De Wikipedia

Chest artícol a l'è scricc in Lumbàrt, ortograféa orientàl unificàda.


Ol Durt a Màren

Ol Durt (in italià: Dordo) l'è ü torènt de la pruinsa de Bèrghem lónch quìndes chilòmeter.

L' nas a i pé del Cat, l' pasa per i paìs de l'ìzola bergamàsca per Mapèl, Bunàt Sura, Bunàt Sóta e a la fì l' se böta 'n del Brèmb a Màren, in del cümü de Filàch.

Ol Durt l'à scaàt öna al istrécia in de la pianüra, al che la se fà sèmper piö fónda demanimà che l' ria al Brèmb; de fati riàt a Màren ol Durt l' gira 'ntùren al castèl e l' cór trènta e piö méter piö 'n bas del castèl in d'öna al strécia strécia, töta còrne e mia piö larga de dés méter.

Per tàce agn ol Durt l'à alagàt ol paìs de Mapèl, fina a quàndo l'è stacc iscaàt a matìna del paìs ü canàl scolmadùr che quàndo gh'è la piéna l' ciàpa i àque a mùt del paìs e i a böta amò tùrna in del Durt, però a mesdé de Mapèl, isé che 'l paìs 'l vègne piö alagàt.