Bregógna
|
|
Chest artícol a l'è scricc in Lumbàrt, ortograféa orientàl unificàda. |
La Bregógna l'è ü torènt da la pruinsa de Bèrghem che l'nas in del cümü de Palasàch dal mut Albènsa (o Linsù).
Ol percórs
[Modifega | modifica 'l sorgent]La Bregógna la traèrsa fò i paìs de Palasàch prìma, pò de Barzàna 'ndó che la cór i pé del Mut di Röde (330 méter) e pròpe ai pé del Mut di Röde s' pöl traersàla fò, dezà che gh'è ü guado. Pasàt ol Mut di Röde la à cór apröf al bórgh de Arzenàt e la fenés dét in de la Lésna apéna a mut de Trezóls che l'è ü bórgh in del cümü de Brembàt de Sura.
La gh'à mia di sortide sò sö a mut, ma la ciàpa sö dóma l'aqua che la é zó del cél e apéna l'è 'mpó che 'l piöf mia la é söbet söcia.
Ol nòm
[Modifega | modifica 'l sorgent]Ol nòm Bregógna l'è storicamènt dimostràbel a partì dal sécol XIV, de fati sö la pergaména n° 2553 de la Capitolàr del 8 de Dezèmber del 1343 s' pöl lès "in suprascripto teratorio de tresolzo ubi dicitur ad bregoniam", menimà ol nòm italià de Borgogna 'l compàr adóma a partì da la càrta del I.G.M. de la fì del sécol XIX.
Bibliograféa
[Modifega | modifica 'l sorgent]- Mario Testa, Brembate Sopra. Storia antica, toponimi, regesto Archivio Storico Brembatese - Biblioteca Comunale, 1985, Bergamo.