Ol Rì de Brembàt de Sura

De Wikipedia
Salta a la navigazzion Và a cercà

Insigne Langobardiae.svg

Chest artícol a l'è scricc in Lumbàrt, ortograféa orientàl unificàda.


Ol (italianizàt in Rino) l’è ü sariulì de la Pruinsa de Bèrghem che l’ nas söl Mut de la Éna (430 méter) sura la Bèita ‘n del teritòre del cümü de Palasàch.

Ol sò percórs[Modifega | modifica 'l sorgent]

Ol Rì ‘l pasàt la Bèita, l’ pàsa apröf a San Suzèm, ‘n chèl tòch ché l’ ciàpa pò i aque che i vè zó dal Mut di Röde (330 méter), pò l’traèrsa fò Presàt e apéna a mesdé de Trezóls, che l’è ‘n cümü de Brembàt de Sura, l’ se böta dét in de la Lésna, dòpo i facc ü percórs de piö o méno 4 chilòmeter.

Ol nòm[Modifega | modifica 'l sorgent]

I’è ciamàcc ach di óter sariulì de la Pruinsa de Bèrghem e de ótre pruìnse lumbàrde, ad ezèmpe 'l Rì de Predùr; de fati l’ nòm Rì prima de ès ü nòm pròpe l’è ü nòm cümü che l’và bé per töcc i sariulì picinì che i vé fò da öna éna, da öna còrna tat che söl Tirabósch s’pöl lès in italià: Ri – Rivo, acqua piccola che esce di vena.