Diferenze in tra i lengov gall-italeghe

Quest articol chì l'è scrivud in lombard, con la Noeuva Ortografia Lombarda

Quell articol chì l'è domà un sbozz. Se violter sii bon de metegh dent un quaicoss pussee, preocupeves minga e provegh. Inscì de havégh un'ideja de tucc i alter sbozz, vardee chinscì.

I lengov gall-italeghe, anca se inn considerade un insema de lengov inveci che una lengua unega, gh'hann un gross nivell de intercomprensibilità, che despess el se slarga anca a la lengua veneta, considerada de 'na minoranza de la lenguistega 'me lengua gall-italega, ma gh'è anca varie diferenze in tra de lor, tant de giustifegà de classifegài 'me lengove diferent.

Origin de la partizzion di lengov gall-italeghe

A bon cunt, la classifegazzion di lengov gall-italeghe al dì d'incoeu l'è stada tirada foeura del Bernardino Biondelli a mità 1800, in del so Sagg in sui Dialet Gall-Italegh, che l'ha partid el grup in piemontes (de lu ciamad Pedemontan), lombard (con sub-dialet ocidental e oriental) e emilian, con dent anca el romagnoeul, al che 'l se sgionta el lingurin, de lu no considerad gall-italegh.

Prima, se credeva che 'l gall-italegh el fuss 'n unega lengua, despess, prima del '800, ciamada per estension lombarda. In di agn 1920 el lenguista todesch Friedrich Adelung l'insubiss una classifegazzion del lombard partida in Volt Lombard, in sostanza el piemontes, e Bass Lombard, un insema de lombard d'incoeu e de l'emilian, menter in di agn 1830 el Ottavio Mazzoni Toselli el dà foeura un dizzionari del gall-italegh, indova che 'l proeuva a studià i lengov de quell'area lì a partì de l'epoca preromana.

Anca incoeu, a bon cunt, a gh'è no consens total in su la classifegazzion di lengov gall-italeghe: per esempi gh'è del sostegn per el meter foeura del grup el genoves, inscì 'me l'è in dubi l'unità di dialet de l'Emilia e de la Romagna.

Studi in sui varietà gall-italeghe

El March Tamburell l'ha fad un studi dialetometregh in sul posizzionament del grup gall-italegh, indova che gh'è di dacc, assee preliminar, che poden vesser boni per capì i vesinanze di varietà gall-italeghe.

In bas ai dacc del so studi, che doperen l'Atlante linguistico ed etnografico dell’Italia e della Svizzera meridionale per i varietà gall-italeghe, el grup gall-italegh el resulta relativament omogeni, e 'l grup piemontes, representad di dialet de Turin e Ast, el resulta pussee vesin prima al dialett de la Vall de Stura e poeu a quell lombard, representad del milanes e del bergamasch, e 'l grup "lombard-piemontes" el resulta pussee lontan de quell emilian, representad in del so studi de Loian e Nonantola.

Diferenze

Verb

Vesser (present indicativ)
	Gall-romanz								Italo-dàlmet
	Gall-italegh + venet						Franzes	Catalan	Italo-dàlmet
	Lombard	Emilian	Ligurin	Piemontes	Romagnoeul	Venet	Franzes	Catalan	Italian
1^a sing.	mi sont	me a soun	mi son	mi i son	mi a so	mi a so	je suis	jo sóc	io sono
2^a sing.	ti te seet	te ’t î	ti t'ê	ti it ses	ti t ci	ti te si	tu es	tu ets	tu sei
3^a sing. m.	lù l’è	lo ’l é	o l'è	chiel a l’é	lu l’è	łu el ze	il est	ell és	lui è
3^a sing. f.	lee l’è	li l’é	a l'è	chila l’é	lea la è	eła ła ze	elle est	ella és	lei è
1^a pl.	nun sem	nuêter a sain	niätri semmo	nojàit i soma	nun a scin	nialtri a sen	nous sommes	nosaltres som	noi siamo
2^a pl.	violter sii	vuêter a si	viätri sei	vojàit i seve	vu a scid	vialtri a si	vous êtes	vosaltres sou	voi siete
3^a pl. m.	lor i inn	lour i en	lô son	lor a son	lor i è	łore i ze	ils sont	ells són	loro sono
3^a pl. f.	lor i inn	lour ej en	lô son	lor a son	lorie li è	łore łe ze	elles sont	elles són	loro sono

Bibliografia

Saggio sui dialetti gallo-italici · di B. Biondelli

Riferiment

Galloitalico: più gallo o più italico?