Dialet de la feruvia

De Wikipedia
Jump to navigation Jump to search
Lombard Occidental Quel articul chì l'è scrivüü in Lumbard ucidental, cun l'urtugrafia ünificada.


La Koinee ticinesa o püssee popularment Dialett de la feruvia[1] l'è üna varietà de la lengua lumbarda ucidentala parlada in dal Cantun Tesin e druvada anchia di parlancc di dialecc lucai (in particular quii che a divergen de l'istessa koinee, per esempi al dialet de la val Leventina), quand che i cumunichen cunt parlancc de olter dialecc dal Tesin, di Cantun Grigiun, dal Piemunt o de l'istessa Lumbardia.

La parlada l'è üna spece de lengua franca nassüda a la fin dal 1800, quand l'è stada dervüda la linea feruviaria dal San Gutard. I feruvier, che i g'hevan bisögn de capì e de fass capì da tücc, i han finì per crear üna lengua cumün tra Airöl e Ciass, üna mistüra tra le parlade di center magiür dal Tesin cum Lügan, Belinzuna e Lucarn, che la murbidiva tüte le particularità lessicai di dialecc lucai.[2] In de la koinee ticinesa l'è forta anchia l'inflüensa dal dialet meneghin e suratütt de quel cumasch[3].

Al dialet de la feruvia l'è a la bas dal ticines mudern druvà in de le trasmissiun in dialett de la televisiun de la Svissera tagliana, in particular da Yor Milano. La koinee l'è stada anchia druvada per dupià in lumbard al film de John Ford, The Searchers, cunt al titul de Se ta cati ta copi[4].

Riferiment[Modifega | mudìfica 'l sorgènt]

  1. I dialetti e le lingue delle minoranze di fronte all'italiano: atti dell'XI Congresso internazionale di studi, Cagliari, 27-30 maggio 1977, Volume 2, Società di linguistica italiana, Federico Albano Leoni, Bulzoni, 1979
  2. Dizionario dell'Italiano Ticinese, Grigionese e "federale" by Tabasio
  3. Ottavio Lurati, Dialetto e italiano regionale nella Svizzera italiana
  4. John Wayne tradotto in dialetto ticinese da Ilgiornale.it

Bibliugrafia[Modifega | mudìfica 'l sorgènt]

  • Centro di dialettologia e di etnografia, LSI – Lessico dialettale della Svizzera italiana, Bellinzona 2004.
  • Comrie, Bernard, Matthews, Stephen and Polinsky, Maria: The Atlas of Languages: The Origin and Development of Languages Throughout the World. Rev. ed., New York 2003.
  • Grimes, Barbara F. (ed.): Ethnologue: Languages of the World. Vol. 1, 2000.
  • Lurà, Franco: Il dialetto del Mendrisiotto, Mendrisio–Chiasso 1987.
  • Lurati, Ottavio: Dialetto e italiano regionale nella Svizzera italiana, Lugano 1976.
  • Petrini, Dario: La koinè ticinese: livellamento dialettale e dinamiche innovative (Romanica Helvetica vol. 105), Bern 1988.
  • VSI – Vocabolario dei dialetti della Svizzera italiana, Lugano / Bellinzona 1952–.