Ciciarada Wikipedia:Proget lombardofen de la Svizzera
Idee per tirà dent i lombardofen de la Svizzera (cambusad del Grot)[modifica 'l sorgent]
Alegher!
La setimana passada hoo parlad con la responsabel de la comunità de la Svizzera italiana de Wikimedia CH e gh'è del bon interess in sul tirà dent i utent svizzer in di proget, e donca anca in su la Wikipedia lombarda!
In di temp che vegnen, donca, provaroo a ciapà contat con utent/grup social/sociazzion dialetai del Canton Tesin e del Grison italian ma, l'è ben ciar, che gh'hoo de domandà anca a vialter almen trè robe:
- Gh'havii di idee per tirài dent? A bon cunt, quella de la Svizzera italiana a l'è una comunità pussee viva de la pupart di comunità che gh'è in la Lombardofonia italiana, ma la scriv e la cognoss propi poch la nostra Wikipedia, quai poden vesser i problema e i question che i tegnen lontan e cossa se po fà per fàss cognosser e fài vegnì?
- L'è ben ciar che, se incoeu comé comunità Wikimedia in lombard vem vers al doperà di ortografie polinomeghe, in Tisin e Grison gh'hann la soa ortografia del CDE e la soa koiné, donca, quant che gh'hem de vesser vert a 'sti localism? Per esempi, la disi granda, se ghe fuss de fà vuna di home page in ticines, saria de fàll? Pensee che gh'è di strument tecnologegh che poden jutànn (per esempi, in su la Wikipedia serba, gh'è la possibilità de passà del cirillegh al latin, e se 'l ghe fuss un gadget compagn de num che 'l volta NOL/SL/MILCLASS in ticinesa e viceversa?)
- Gh'havii in ment di robe che se poden fà extra-Wiki per tirà dent quella comunità in del mond del savé liber?
Podii parlà sia in italian che in lombard, in del cas, ghe i volti mi! -- Sciking (dìm tusscoss) 21:00, 22 gen 2024 (CET)
- Gh’è de oposizzion al concet de lengua lombarda lì? --Laurbereth ☛ ✉ ☚ 21:31, 24 gen 2024 (CET)
- Oposizzion no, pu che alter a l'è un concet poch cognossud. -- Sciking (dìm tusscoss) 23:50, 24 gen 2024 (CET)
- Per qell qe al varda ol segond pont: una soluzion serba segond mé la saress miga possibel, perqè lé g'è un ligam 1:1 intra i do alfabet, qé al saress miga insé (per parlar miga de la so complessitaa tecnega). Per mé l'è assee la situazion d'incœ, cond la possibilitaa de scriver i vox in grafia texinesa. L'è vira qe lé la lengua l'è plussee viva, ma sarà-la delbon anc plussee scriita? Per i olter ponts savress miga, lor (la comunitaa de la Svizzera italiana de Wikimedia CH) g'ha-i miga dei canai per far-n reclam? --Glz19 (ciciarade) 14:38, 26 gen 2024 (CET)
- [@ Glz19] a bon cunt, pensi che una soluzzion "simil-serba" (per esempi, che la volta NOL/SL/MILCLASS in Ticinesa) a l'è possibel, anca se la sarà mai perfeta. Per quell che 'l revarda el vesser scrita, de sigur a gh'è una tradizzion (te inviti a lensger la tesi a tema de l'Athos Birra) e soratut in di bande pussee de vall se scriv senza trop problema, gh'è però de valutà la corretezza de comè scriver e la soa inclinazzion a 'n enciclopedia, per quell ghe volaria un sociolegh e mi son nanca un lenguista :D Per quell che 'l revarda la "reclam", pensi che el dipend: hoo mai vist fà reclam direta a un proget, ma se podaria fà de sigur un quajcoss se tirom insema un event o magara di post informativ a tema. Per mi, però, el basta no, gh'hem de trovà magara di sociazzion o di grup interessad in sul territori. --Sciking (dìm tusscoss) 21:15, 7 feb 2024 (CET)
- Per qell qe al varda ol segond pont: una soluzion serba segond mé la saress miga possibel, perqè lé g'è un ligam 1:1 intra i do alfabet, qé al saress miga insé (per parlar miga de la so complessitaa tecnega). Per mé l'è assee la situazion d'incœ, cond la possibilitaa de scriver i vox in grafia texinesa. L'è vira qe lé la lengua l'è plussee viva, ma sarà-la delbon anc plussee scriita? Per i olter ponts savress miga, lor (la comunitaa de la Svizzera italiana de Wikimedia CH) g'ha-i miga dei canai per far-n reclam? --Glz19 (ciciarade) 14:38, 26 gen 2024 (CET)