Centauro (corp celest)

De Wikipedia
Jump to navigation Jump to search
Chest artícol a l'è scricc in Lumbàrt Orientàl, ortograféa unificàda Lombard oriental
Distribusiù de le òrbite dei Centauri

I centauri i è corp celèst, catalogàcc come planetoidi giasàcc, en sostànsa come dei asteròidi, che se tróa 'ntra le 9 e le 30 UA, e che òrbita endela regiù che se tróa 'ntra Giove e Netuno.

I centauri i descrìf mìa dele òrbite stàbii e i pöl fenéser per véser sbatìcc fò del sistéma solàr en conseguènsa de l'interferènsa gravitasiunàla coi giganti gasùs. I stöde che gh'è stat fat sö le sò traietòrie i mostra che i centauri i costetöés 'na cundisiù orbitàla intermédia per i corp celescc che vé de la fàsa de Edgeworth-Kuiper che i è dré per trasfurmàs en cométe gioviàne de perìot cürt.

El piö grant de chèsti ogècc che se conós l'è ciamàt Cariclo e 'l g'ha 'n diametro de presapóch 250 km.[1] El prim a éser stat scuprìt envéce l'è ciamàt Chirone e l'è stat clasificàt come cometa (95P) perchè 'l se compórta compagn de chèste quan che le ghe và derènt al Sul.[2]

Riferimèncc[Mudifega | mudìfica 'l sorgènt]

  1. John Stansberry, Will Grundy, Mike Brown, Dale Cruikshank, John Spencer, David Trilling, Jean-Luc Margot, Physical Properties of Kuiper Belt and Centaur Objects: Constraints from Spitzer Space Telescope, arxiv.org, 2007. URL consultato il 21 settembre 2008.
  2. Patrick Vanouplines, Chiron biography, su Vrije Universitiet Brussel, 1995. URL consultato il 23 giugno 2006.