Castell Bolognin
|
Quest articol chì l'è scrivud in lombard, con la Noeuva Ortografia Lombarda |
_-_BEIC_6339125.jpg)
El Castell Bolognin a l'è un castell de Sant Angiol, in provincia de Lod. Fad su in del XIII secol de la signoria de Milan, forsi in su 'n vegg castrum roman: l'è stad anca residenza de la Regina de la Scala e, quand che el poder l'era passad ai Sforza, el Francesch Sforza l'ha donad ai Bolognin e l'è restaverad in del secol quell de vint.
Al dì d'incoeu el gh'ha dent trii musee:
- Musee Morand Bolognin, con dent 24 salon organizad 'me cà musee in su la storia del Castell: i so armi, i so arred, la soa bibliotega e inscì via
- Musee del pan, con cinch sale: cereai, el fà del pan, i tipi di pan de l'Italia e de foeura, i machine per fà el pan e, infin, la part burocratega de fà el pan
- Musee Lombard de Storia de l'Agricoltura: sit in di vegge scudarie del padron, in del seminterrad e in di cort, el musee el trata la storia de l'agricoltura, del 10000 a.C. a la revoluzzion industrial, con atenzion particolar per i tecnologie di alter continent e una sezzion per la Bassa padana.
Ligam de foeura[Modifega | modifica 'l sorgent]
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Castell Bolognin
