Avgévan

De Wikipedia
Jump to navigation Jump to search



Cuurdinàde geogràfiche: 45° 19' N 8° 52' E

Lombard Occidental Quel articul chì l'è scrivüü in Lumbard ucidental, cun l'urtugrafia ünificada.



Vigevan
Vigevano-Stemma.png
Vigevano PiazzaDucale.jpg
Map of region of Lombardy, Italy - grey.svg
Stat Itàlia
Regiun Lombardia
Pruvincia Pavia
Cuurdinade 8°51′44″ E
45°18′45″ N
Vedè sü la mapa
Abitant 63 310 ab.
Superfiss 82,4 km²
Densità 768 ab/km²
Altitüden 116 m s.l.m.
Frazziun
Büsela, Fujan, Mursela, Piculen, Sfursersca
Cumün tacaa Biegrass (MI), Balguart, Besaa (MI), Burgh San Sir, Cassö, Zilavegna, Gambulò, Gravelòna, Marmond (MI), Murtara, La Mòtt (MI), Paròna
CAP IT-27029
Còdes ISTAT 018177
Prefiss tel. 0381


Avgévan o anca Vigévan (Vigevano in Italian; Vigebanum o Viglebanum in Latin) l'è un cumün dla pruincia ad Pavia, e 'l second püssee grand per abitant dop la cità de Pavia. Al gh'ha 63 310 abitant (dato del Dicember 2015[1]), cont ona süperfis de 82,4 km² e ona densità de 768 ab./km²

Al cunfìna coi comün de Biegrass (MI), Balguart, Besaa (MI), Burgh San Sir, Cassö, Zilavegna, Gambulò, Gravelòna, Marmond (MI), Murtara, La Mòtt (MI), Paròna.

Geografia[Mudifega | mudìfica 'l sorgènt]

Avgevan as tröva in tla Lümlina nord-uriental, sü la spunda dricia dal fiüm Tisin, ch'la divida da la pruincia ad Milan (cumün ad Biagràs, Besaa, La Mot e Murimund). L’è distant da Pavia circa 36 Km, 34 Km dal centar ad Milan, 27 Km da Nuàra, 13 Km da Murtara, 11 Km da Biagràs.
Al clima l’è temperaa sub-cuntinental, cun inveran ümid e abastansa fregg (mèdia ad genar +2° C), e d'istà cald e tanta ümid (mèdia ad lüj +24° C).

Storia[Mudifega | mudìfica 'l sorgènt]

La part püssè vegia ad Avgèvan l’è dataa int la bassa mediev. Al temp la cità l’è staja furtificaa lungh una part dla pianüra dal Tisin. Al pais l’è 'gnüü indipendent, grasia a la sò pusision strategica e par quest l’è 'gnüü centar ad cunflit tra Pavia e Milan. Al 14 mars 1530 la cità l’è 'gnüü numinaa sede vescovile. La cità l’è 'gnüü pruprietà ad diversi famili: i Della Torre, i Viscunt tra la fin dal Düsent e la mità dal Quatarcent e i Sforza tra al 1450 e al 1535. Dürant al periodo sfursesch la cità l’è entraa in tal so mument d’or, l’è 'gnüü residensa dücal, un centar cumercial ad grand impurtansa e gh’è staj miss la sede dal vescuv.
Al 9 d’agust 1848 l’è staj firmaa pressa al vescovado l’armistisi ad Salasco, che impuniva ‘na tregua da sés sman, tra Austria e Piemunt, nel curs dla prima guera d’indipendensa.
Al 21 d’april 2007 la cità l’ha ricevüü la visita dal papa Benedet XVI.

Cultüra[Mudifega | mudìfica 'l sorgènt]

Piat tipich[Mudifega | mudìfica 'l sorgènt]

Tra i vari prupost ad piat ad Avgevan e la Lümlina, truvuma salam d’oca, gratön, furmagg (par esempi la Furmagina l’è un furmagg faj cul lat scremà), e specialment ris (arborio, carnaroli e ris cumün, che s’dröva par fà la minestra). Vün di piat püsé tipich d’la tradisiön vigevanes l’è ris e barland.

Evoluzion demografega[Mudifega | mudìfica 'l sorgènt]

L'andament del numer de abitant del comun de Avgevan l'è mustraa in de la tabela chi de sota



Nümer de abitant


Riferiment[Mudifega | mudìfica 'l sorgènt]

  1. Statìstiche demogràfiche ISTAT. Statìstiche sö la popolasiù del Istitùto Nasiunàl de Statìstica relatìve al 31 de Dezember 2015.