AeroPress
|
Quest articol chì l'è scrivud in lombard, con la Noeuva Ortografia Lombarda |
L'AeroPress a l'è una cafetera a man inventada in del 2005 del Alan Adler, ex docent de ingegneria de Stanford che l'era strach del so cafè, che l'era trop amar, e l'ha trovad no sodisfazzion in di alter manere de fàll, perchè ghe daven trop poch de controll in sui vari parameter.
A l'è fada su de un cilinder, che 'l gh'ha dent spazzi per un filter e per el cafè in polver, e 'n stantuf, che l'è bon de fà el voeud, compagn de 'na siringa. In la tecnega classega, se met el cafè in del cilinder, se met l'aqua colda e se schiscia, inscì de fàll passà per el filter, una tecnega che la permet un cafè assee concentrad, despess paragonad a quell de la Moka, ma a gh'è varie tecneghe che permeten de fà del cafè divers, per esempi la tecnega inversa, che la gh'ha una fas de infusion compagna a quella de 'na french press, o di olter tecneghe che dann un cafè compagn a 'n cafè filter fina a di cafè estrat a fregg.
In la version normal, l'AeroPress la dopera per la pupart un sistema de infusion e de percolazzion, quand che la se schiscia, ma a l'è possibel crompà di estension che muden el fonzionament, per esempi el JoePresso, che 'l permet de fà 'na percolazzion a travers de 'n filter pressurizad, inscì de otegnì un cafè vesin a l'espress.
A ghe n'è una version normal de quater chichere in plastega scura, vuna de portà in sgir che la gh'ha una tazza e un cugiar integrad de trè chichere e vuna in plastega trasparenta de quater chichere.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su AeroPress
