Cafè

De Wikipedia
Salta a la navigazzion Và a cercà
Lombard Quest articol chì l'è scrivud in lombard, con la Noeuva Ortografia Lombarda
Caffè
A small cup of coffee.JPG
Una tazza de cafè preparada con la moka
Origen
Pòst d'origenEtiopia Etiopia
Yemen Yemen
Spantegamentmondial
Dettaj
Categoriabibita
Ingredient principajCoffea
 

El cafè l'è una bevanda che la vegn fàda cont el resultad del masnà di somenze de la pianta Coffea, che l'è poeu brusad. Anca se de varietà de cafè ghe n'è pussee de 100 a la fin vegnen partide in do variant principai: Arabica e robusta.

I manere pussee comun per fà el cafè a inn per percolazzion e per infusion.

Vari tipi de cafè[Modifega | modifica 'l sorgent]

  • Cafè espress, tipegh de Milan e 'l pussee spantegad in Italia
  • Cafè corret, con dent una bevanda alcoolega
  • Cafè giazzad, che l'è servid fregg e cont el giazz
  • Cafè filter, che l'è fad a travers de 'n filter, de sòlet de carta o de metall, e a pression normal, inscì de lassà domà la gravità a fà passà l'agua. A l'è quell pussee spantegad in America e quell con pussee cafeina.

Olter bevande cont el cafè[Modifega | modifica 'l sorgent]

Sistema de fà el cafè[Modifega | modifica 'l sorgent]

Percolazzion[Modifega | modifica 'l sorgent]

Una Moka

Per percolazzion se intend el passà de l'agua a travers del cafè, brusad e masnad, che la tira via i savor e i color del cafè.

A l'è el sistema pussee doperad, desgià che l'è a la bas sia del cafè espress che de quell filter. El po vesser fad sia cont una cafetéra aposta, i esempi pussee cognossud a inn la Moka, el percolator del cafè, la machina de l'espresso e la cafetéra a voeud, e gh'è anca di manere tradizzionai, compagn del Chorreador de la Costa Rica.

La cogoma, a diferenza de la Moka, la fa 'n cafè pussee compagn de quell american, desgià che la dopera no la pression del vapor per fà el cafè, ma domà la forza de gravità. L'AeroPress a l'è doperabel per el cafè a percolazzion, ma la se dopera soratut per infusion.

Gh'è anca di machine del cafè automateghe che doperen di cialde o di capsule predosade per fà el cafè con la percolazzion.

Infusion[Modifega | modifica 'l sorgent]

In l'infusion, inveci, a l'è el contat prolungad in tra l'agua e 'l cafè, masnad e brusad.

La manera pussee famosa de fàll a l'è a travers de la French press, indova che se mes'cen agua e cafè, se lassen stà insema a longh e se dopera poeu el stantuf per fà no sortì el cafè in polver

Un àlter sistema l'è el Cezve, doperad per el cafè turch, indova che cafè e agua inn fad buj insema e versad senza separazzion. In Etiopia e Eritrea a l'è tradizzional la Jebena, che la ghe va dree a 'n principi compagn.

La pupart di ricete AeroPress fonzionen per infusion.

El cafè solubel, che l'è tratad in d'una manera inscì che 'l se faga a la svelta in agua o lacc, el se fa per infusion.

Riferiment[Modifega | modifica 'l sorgent]

Alter proget[Modifega | modifica 'l sorgent]

Vos corelade[Modifega | modifica 'l sorgent]