Monscia

De Wikipedia
Va a: navegá, truvá
Lumbard ucidental Quest articol chì l'è scritt in milanes, ortografia classega.


Monscia (Munscia)
Munscia-scüüt.png
Duomo di monza.jpg
Map of region of Lombardy, Italy - grey.svg
Stat Itàlia
Regiun Lombardia
Pruvincia Munscia e Brianza
Cuurdinade 9°16′33″ E
45°35′00″ N
Abitant 120 440 ab.
Superfiss 33,0 km²
Densità 3 650 ab/km²
Altitüden 162 m s.l.m.
Cumün tacaa Lisson, Vedan, Concorezz, Muggiò, Cinisell (MI), Brughee, Sest San Giovann (MI), La Santa, Agraa
CAP IT-20900
Còdes ISTAT 108033
Prefiss tel. 039
Sit uficiàl del cümü


Monscia (Monza in Italian; Modicia in Latin; Montsch in Todesch antigh) l'è ona città de la Lombardia de 122.000 abitant in provincia de Monscia e Brianza.

Geografia[Mudifega | mudìfica 'l sorgènt]

Monscia la se troeuva in el Monsciasch, taca a la Bassa Brianza, appena sora Milan (a quindes chilometer de distanza). L'è la capital storiga de la Brianza, oltra a vess, del 2009, el capploeugh de la provincia omonima.
L'è traversada del Lamber, che arent al center storigh el fa nass on brocch artificial, el Lambrett (che 'l ritorna in del sò cors original on poo dopo).
Inoltra per Monscia el ghe passa anca el Canal Villoresi, che l'incontra el Lamber arent al quarter San Rocch.

Rion de Monscia[Mudifega | mudìfica 'l sorgènt]

Monscia la gh'ha minga di frazion, però el gh'ha on quaj rion: tra de lor regordom Cederna (sud-est), San Bias (nord), San Carlo (nord-est), San Frutüs (sud), San Giusepp (sud-ovest), Triant (nord-ovest), Cazaniga (nord vesin a Lisson).

Storia[Mudifega | mudìfica 'l sorgènt]

Exquisite-kfind.png Per savènn püssee, varda l'artìcul Storia de Monscia.
Piazza Trent e Triest cont el Monument di Cadut

Ai temp di Roman l'esisteva giamò col nomm de Modicia, ma l'è probabil che la città, o almanch i insediament uman, la sia molto pussee antiga.
Ai temp di Longobard Monscia la gh'ha avuu on moment de gran splendor, vist che l'era la capital estiva di re. Per la pù part del Sacher Roman Imperi, i imperador che vegniven giò de la Germania per fàss coronà re d'Italia andaven o a Roma o a Monscia: chì de fatt la gh'è la Corona Ferrea, che la gh'ha dent (segond la tradizion) vun di ciod de la cros de Gesù.
Intorna al XIV secol Monscia l'è finida sotta el domini milanes, e del quell moment chì la gh'è andada dree ai sort de la città meneghina. In del 1900 a Monscia l'è staa coppaa el re d'Italia Umbert I.
In del 2008, con la creazion de la noeuva provincia de Monscia e Brianza, la città per la prima voeulta de tant temp l'è andada foeura de la giurisdizion milanesa.

Ai temp di piev milanes l'era el capploeugh de la Cort de Monza, che in del 1786 (ann de la soa soppression) la cattava dent anca i comun de Cassina di Gatt, Cologn, Moncucch, San Lissander, San Damian, San Giulian, Sest San Giovann, Villa San Fioran e Vimodron.

Evoluzion demografega[Mudifega | mudìfica 'l sorgènt]

L'andament del numer de abitant del comun de Monscia l'è mostrada in de la tabella chi de sotta:

Abitàncc censìcc


Robb de vedè[Mudifega | mudìfica 'l sorgènt]

Monsciasch famos[Mudifega | mudìfica 'l sorgènt]

Gemellagg[Mudifega | mudìfica 'l sorgènt]

Vos correlaa[Mudifega | mudìfica 'l sorgènt]

Ligamm de foeura[Mudifega | mudìfica 'l sorgènt]