Marmond

De Wikipedia
Va a: navegá, truvá



Lumbard ucidental Quest articol chì l'è scritt in milanes, ortografia classega.


Marmond
Morimondo-Stemma.png
Morimondo vista nord.JPG
Map of region of Lombardy, Italy - grey.svg
Stat Itàlia
Regiun Lombardia
Pruvincia Milan
Cuurdinade 8°57′28″ E
45°21′19″ N
Abitant 1 204 ab.
Superfiss 26,3 km²
Densità 46 ab/km²
Altitüden 109 m s.l.m.
Cumün tacaa Biagrass, Vermezz, Gud, Zél, Voeusger, Rosaa, Vigevan (PV), Bubbian, Casoraa (PV), Besaa
CAP IT-20081
Còdes ISTAT 015150
Prefiss tel. 02



Morimond (Marmond in del dialett del loeugh; Morimondo in Italian) l'è on comun de la Provincia de Milan. Ghe viven 1 204 abitant. Morimond la se troeuva a sud de Milan, al confin con la Provincia de Pavia (comun de Casoraa Primm e de Vigeven), in su la sponda de dritta del fiumm Tisin.

Stòria[Mudifega | mudìfica 'l sorgènt]

Exquisite-kfind.png Per savènn püssee, varda l'artìcul Badia de Morimond.

De l'epoca romana vegnen testimonianz de insediament coloniai in l'area del comun d'incoeu. On quai topònim di frazion el regòrda la presenza di Longobard.
La stòria successiva de Morimond l'è tutta intorna a quella de l'adia omònima e di mònegh cistercens che gh'hinn vivuu. Quella relazion chì l'è testimoniada anca del stemma comunal, che 'l rappresenta in la banda de sora ona mitra, segn del podè religios, el baston pastoral, vist che l'abaa prior el gh'eva dignità vescovil e ona spada, simbol del podè civil-giudiziari. In del XV secol de fatt la badia l'è diventada ona commenda. In la banda de sòtta del stemma el se troeuva on mappamond con sora ona cros, alter simbol de domini religios.

La fondazion de la prima gesa l'è del 1134, quand che i primm mònegh hinn rivaa del sitt de Morimond, arent a Digion. I fraa hann bonificaa l'area arent al Tisin, gh'hann faa su di canai d'irrigazion e hann trasformaa el territòri in d'ona zòna agricola fertil. In del 1182 l'è scominciada la costruzion de la gesa del dì d'incoeu.

Segond alter font el nòmm del loeugh el vegnaria di paròll frances moire mont ciovè mont in la palud, perchè l'abbadia l'è stada fasa su on còll in mezz a zònn paludos. In del XIV secol, bòna part di territòri arent a la badia eren proppietà de la gesa e ghe se trovaven numeros cassinn e costruzion de servizzi.

In del 1798, quand che l'è rivaa el Napoleon I, el monastee l'è staa soppress e 'l patrimòni coltural l'è andaa dispers. Al dì d'incoeu, grazie al suppòrt de la comunità local, l'attività religiosa e comunal de la badia l'è refiorida.

Anca al dì d'incoeu el patròn del comun l'è 'l San Bernard de Ciaravall, el fondador de l'ordin cistercens.


Evoluzion demografega[Mudifega | mudìfica 'l sorgènt]

L'andament del nümer de abitant del cumün de Marmond l'è mustraa in de la tabela chi de sutta:



Abitàncc censìcc