Òvera (MI)
 |
Chel articul chí l'è dumà un sbozz. Se violter sii bun de mètegh dent un quejcoss de pü, preocüpeves minga e pruvégh. Inscí de vègh un'ideja de tücc i olter sbozz, vardee chinscí. |
| Òvera | |
|---|---|
 |
|
 |
|
| Stat | Itàlia |
| Regiun | Lombardia |
| Pruvincia | Milan |
| Cuurdinade | 9°12′44″ E 45°22′26″ N |
| Abitant | 13 840 ab. |
| Superfiss | 7,6 km² |
| Densità | 1 821 ab/km² |
| Altitüden | 101 m s.l.m. |
| Cumün tacaa | Milan, San Donaa, Rozzan, Locaa, Piev |
| CAP | IT-20090 |
| Còdes ISTAT | 015159 |
| Prefiss tel. | 02 |
Òvera (Opera) l'è on comun de la Provincia de Milan che 'l gh'ha 13 840 abitant. Òpera l'è situada a sud-est de Milan, cont el qual la confina, e la gh'ha ona frazion, ciamada Noverasch. A Òpera se troeuva anca ona preson.
Stòria[Mudifega]
La font stòrica pussee antica che la testimònia l'esisenza de on sitt ciamaa Òvera l'è del 1280 e l'è dovuda al Goffred de Busser, che 'l regòrda, in del sò Liber Notitiæ Sanctorum Mediolani, in plebe Locate, in Mirasolum, ecclesia S. Mariae [...] in plebe Locate... Loco Ovari, ecclesia S. Petri. L'istess topònim latin de Overa el se troeuva anca in del nòmm de la vesina frazion Noverasch, cont el toeu via el suffiss -sch (tipich de center d'origin preromana) e on prefiss in- de l'espression "IN-OVERA-SCO".
Giamò a partì del Medioev Alt (per esempi in di capitolari del Carl Magn) la paròla Opera la gh'eva el significaa giuridich de Fabbrica: donca l'espression "Overa S. Petri doprada del Goffred de Busser la pò vorè dì fabbrica de on monastee de San Peder, del qual però gh'è minga i document. A bon cunt, el dì de festa a Òvera l'è pròppi el 29 giugn, var a dì San Peder e Paol.
Tanto Òvera che Mirasol eren loeugh de la Plebe Locate, incoeu Piev. De la piev, center religios e amministrativ, se conoss ona documentazion giamò ai temp di Franch.
Oltra a Òvera e a Mirasol, al temp del Goffred de Busser, i center de la piev eren Locaa, Mulazzan, Fizzonasch, Quint, Rozzan, Santa Maria a la Fontana, Torrigg, Vigentin e i dò cassinn de Boted e Selvanesch. Tucc quij center chì gh'aveven ona gesa a la qual vegniven i sacerdòtt dipendent de la piev. Donca i abitant de Òvera, che in di secoi passaa eren legaa a Milan, in del XIII secol andaven a Piev per i bisògn de tucc i dì.
Evoluzion demografega[Mudifega]
L'andament del nümer de abitant del cumün de Òvera l'è mustraa in de la tabela chi de sutta:
Abitàncc censìcc 
