Baranzaa

De Wikipedia
Va a: navegá, truvá



Lumbard ucidental Quest articol chì l'è scritt in milanes, ortografia classega.


Baranzaa
Baranzate-Stemma.png
Baranzate Piazza Falcone 2007.jpg
Map of region of Lombardy, Italy - grey.svg
Stat Itàlia
Regiun Lombardia
Pruvincia Milan
Cuurdinade 9°06′00″ E
45°31′00″ N
Abitant 11 538 ab.
Superfiss 2,8 km²
Densità 4 121 ab/km²
Altitüden 144 m s.l.m.
Cumün tacaa Bollaa, Milan, Novaa
CAP IT-20021
Còdes ISTAT 015250
Prefiss tel. 02
Sit uficiàl del cümü



Baranzaa (Baranzate) l'è on comun de la Provincia de Milan che 'l cunta 11538 abitant. El comun l'è nassuu in del 2004 per separazion de Bollaa.

Stòria[Mudifega | mudìfica 'l sorgènt]

El paes de Baranzaa el ven citaa per la prima vòlta in d'on còdes longobard del 994 cont el nòmm de Balanziate. In del 1235 l'è documentada l'esistenza del Comun de Baranzaa: molti terren partegnen al Monastee Maggior de Milan e al Monastee de Sant'Ambroeus. In del secol XIII la se cita l'esistenza de la gesetta de San Vincenz.

In quell period chì del Medioev Bass l'economia del paes l'è tutta basada su l'agricoltura: el paes l'è costituii de on nucli central circondaa de camp. In del 1450 el contròll de la zòna el passa a la famiglia di Sfòrza, che l'introduss la coltivazion del gels cont el scòp de prodù seda, attività che la restarà fiorent fina al princippi del secol XX.

Dòpo la dominazion di Sfòrza, in del 1530 el feud de Des, del qual el fa part Baranzaa, el ven elevaa a marchesaa e 'l resta proprietà di cont Gallaraa fina al 1580, quand finissen i eredi de la famiglia e donca el passa in di man di fradei Manriquez.

In del secol dòpo la ven costruida, sora i ruvinn de l'antiga gesetta, ona gesa noeuva dedicada a la Natività de la Vergin Maria.

Dòpo el domini austriach e la nassida del Regn d'Italia, Baranzaa la ven taccada al comun de Bollaa (1869). Dòpo el referendum propòst in del 1997 e attuaa in del 1999 l'è staa deciduu de divid de noeuv i duu comun, division che l'è stada fada definitivament in del 2004.