Canegraa
| Canegraa | |
|---|---|
 |
|
 |
|
 |
|
| Stat | Itàlia |
| Regiun | Lombardia |
| Pruvincia | Milan |
| Cuurdinade | 8°55′46″ E 45°34′13″ N |
| Abitant | 12 431 ab. |
| Superfiss | 5,3 km² |
| Densità | 2 345 ab/km² |
| Altitüden | 193 m s.l.m. |
| Cumün tacaa | Legnan, San Vittor, San Giorg, Parabiagh, Bust Piccol |
| CAP | IT-20010 |
| Còdes ISTAT | 015046 |
| Prefiss tel. | 0331 |
|
|
|
Canegraa (Canegrate) l'è on comun de 12.160 abitant in provensa de Milan.
Cuntegnüü |
Geografia [Mudifega]
El comun de Canegraa gh'ha minga de frazion, ma 'l sa dividi in contradi o quartier:
- Center, o Contrada de l'Assunta, center vecc e coltural del comun.
- Contrada Baggina, pussee lontan da la stazion sina a Bust Piccoal, el pussee grandi dei contradi vecci, a volt consideraa come on second center;
- Pussee moderno e residanzial, Val Verde, miss pussee lontan da la stazion vicin al parch del Roccol e Ravell de Parabiagh.
- Contrada da Santa Colomba, sittada sù costa Legnan;
- Contrada di Cassinetti, longh Olona e de fianch a San Vittor.
Etimologia [Mudifega]
Anca se gh'è on'etimologia comun, chella del stemma de Canegraa (can dieter la graa), el nomm del comun gh'ha nò atinenza né coi can, men che cont i graa. El suffiss -aa l'è present in tanti toponim lombard. Forsi l'etimologia l'è Cà Negraa. On'altra possibilità de l'origin del nomm l'è la derivazion dal nomm latin "Cannetulae", derivant d eon alter nomm latin, "Cannicum", col regordà la caratteristiga ambiental de on quai temp innanz. Alter disen che la radis celtiga "Cannicus" l'è la derivazion del nomm: per i storigh, perchè gh'hann retrovaa reperti celitigh.
Loeugh d'enteress [Mudifega]
Ces [Mudifega]
- Cesa Parrocchial S. Maria Assunta
- Cesa de Santa Colomba
- Cesetta de Sant Antoni
- Cesa antiga Parrocchial de S. Maria Assunta
Palazz e villi [Mudifega]
- Palazz Visconti
- Villa Gallarati
Trasport e mobilità [Mudifega]
Straa e autostraa [Mudifega]
A Legnan g'he 'l pussee tacaa access a l'autostraa A8, inveci a Rò gh'è l'access per la A4. La SS33 del Sempion l'è facilment raggiungibil in poeucch minutt.
Stazion [Mudifega]
La stazion de Canegraa l'è in sù la direttris 4 Milan-Vares-Port Ceresi di Ferrovii Statai. A la stazion de Canegraa el ferma ol treno che 'l collega Vares a Trevili (col passant ferroviari milanes).
Servizzi da Corriera [Mudifega]
- Atinom:Linea Bust Piccoal, Parabiagh, Canegraa, Legnan.
- STIE:Linea Parabiagh, Canegraa, Legnan.
Coltura [Mudifega]
Struttur per l'istruzion e la formazion [Mudifega]
- Asilo Nido "1...2...3...stella", Via Dei Partigiani
- Scuola materna paritaria "G. Gaio", Via Cottolengo
- Scuola dell'Infanzia "G. Rodari", Via Asiago
- Scuola primaria "A. Moro", Via Redipuglia
- Scuola secondaria di 1° grado "A. Manzoni", Via XXV Aprile
- Liceo scientifico "Cavalleri" (sede distaccata), Via Dei Partigiani
- Scuola di Musica "Niccolò Paganini" sede di Canegrate,Via Manzoni
- Corpo Musicale Cittadino Via E.Toti (Presso Scuola Secondaria)
Cinema [Mudifega]
- Auditorium "San Luis"
Event, fest, fer [Mudifega]
- La prima settemana de Settember a Canegraa gh'è la Mostra Mercaa in del Polo Fieristico Ex-Borletti e 'l lunedì dopo i attività storighi e non de Canegraa sa riunissen e fann i "bancarelle" per i vii in center. In da la settemana de festa, i famili antighi de Canegraa fann la Torta Negra.
- Hinn frequentaa anca la Sagra del Pess e la festa da la contrada Baggina, in del center par i vecc, e la Festa di Cassinetti de fianch a l'Olona.
Natura [Mudifega]
- I bosch e i praa in Baggina e Val Verde se integran in del Parch Agricol Sovracomunal del Roccol, che 'l catta dent anca bosch a Nervian, Parabiagh, Casorezz, Bust Piccoal e Arlun. El defend la natura e 'l se preved on'estension fin al parch del WWF de Vanzagh.
- L'è dree a formàss el Parch Sovracomunal de Molin, che 'l partiss dal Castell de Legnan e 'l va giò longh el cors de l'Olona.
Sport [Mudifega]
Struttur [Mudifega]
- Centro Sportivo “S. Pertini”, Via Terni
- Centro Sportivo “Falcone e Borsellino”, Via Toti
- Tensostruttura, Via dei Partigiani
- Centro sportivo “Don Milani”, Via Toti n. 67
Personalità ligaa a Canegraa [Mudifega]
In Canegraa l'è nassuu in del 1861 el senator Felice Gajo, imprenditor brillant e politigh. Hinn dedicaa a lù la piazzetta davant a la Parrochial noeuva e la via de fianch.
Evoluzion demografega [Mudifega]
L'andament del nümer de abitant del cumün de Canegraa l'è mustraa in de la tabela chi de sutta:
Abitàncc censìcc 
