A.C. Milan

De Wikipedia
Va a: navegá, truvá
Lumbard ucidental Quest articol chì l'è scritt in milanes, ortografia classega.
Associazione Calcio Milan
Logo
Nom complet Associazione Calcio Milan
Nom d'afezion Rossoneri, i Milanes, Casciavit
Data de fondazion 16-12-1899
Color Ross e ner
Stadi Giuseppe Meazza o San Siro
(85 700 post)
Sede Via Turati, 3
20121 Milan
Pressident Silvio Berlusconi
Alenador Massimiliano Allegri
Campionaa atual Serie A
Sit Web www.acmilan.com
Team colours Team colours Team colours
Team colours
Team colours
En ca
Team colours Team colours Team colours
Team colours
Team colours
Fora ca

L' Associazione Calcio Milan l'è voeuna squadra de folber de Milan indoe l'è stada fondada in de'l 1899. Adess la giuga in de'l campionaa italian de Serie A. L'è la squadra in de'l mond che l'ha vengiuu pussee titoj internazionaj; inscambi in Italia l'è la segonda che l'ha vengiuu pussee titoj nazionaj (de dree a la Juventus).

Dij origin al segond dòpo-guerra

La squadra l'è stada fondada el 16 Dicember del 1899 de quij italian e ingles che gh'aveven la passion del fòlber. Ai temp el capp de la squadra l'eva l'Helbert Kilpin. In del Genar del 1900 la squadra l'ha esordii contra l'F.C. Torinese, e 'l 27 de Magg l'haa vengiuu la medaja del re contra la Juventus. In del 1901, 1906 e 1907 el Milan l'ha vengiuu i primm campionaa de la sò storia. In de'l 1908 quej soci se separen de la squadra perchè voreven fà giugà giugador forest; inscì hann fondaa el Fotball Club Internazionale Milano. Dopo la division el Milan l'è reussìi a veng queicoss a nivel regional, ma minga a nivel nazional.In de'l 1926 l'è staa inaguraa 'l stadi de S. Siro, indoe ghe giuga el Milan e de'l 1948, anca l'Inter.

I agn cinquanta e sessanta

In de'l 1951, dopo 44 agn de attesa el Milan l'haa vengiuu el campionaa grazie al talent de i trii svedes Gunnar Gren, Gunnar Nordahl e Nils Liedholm (che formaven el famos Gre-No-Li). In de'l 1958 el Milan l'è rivaa anca in final de la Coppa di Campion contra el Real Madrid, eppur l'ha perduu la partida. La primma Coppa di Campion l'è rivada in de'l 1963, quand che'l Milan l'ha vengiuu contra el Benfica. L'allenador l'eva "el Paron" Nereo Rocco. Purtropp la squadra l'è minga reussida a veng la Coppa Intercontinentala, perduda contra el Santos de'l grand giugador Pelè. Propriin de'l 1963 el president Rizzoli l'ha lassaa la squadra, che per quei agn gh'avarà quei difficoltà, in queij agn chí hann vengiuu domà 'na Coppa Italia (1966-1967). Allora l'allenador de la squadra a l'è devegnuu 'ncamò 'l Nereo Rocco; insemma a lù la squadra l'ha vengiuu el campionaa in de'l 1968, e l'ann che'l vegn, ancamò la Coppa di Campion. Stavolta la reussiraaa a veng la Coppa Intercontinentala contra l'Estudiantes. In che l'ann chì 'l Gianni Rivera, capitan de la squadra, l'ha vengiuu el Ballon Dor.

i agn settanta e votanta

I agn settanta scomenzen cont un quei segond post, indoe la squadra l'è stada rimontada. El Milan l'ha vengiuu domà 'na Coppa Italia e 'na Coppa di Copp in quij agn chí. Domà in de'l 1979 el Milan l'ha faa cunt de veng n'olter campionaa, grazie a l'allenador Liedholm, e al capitan Gianni Rivera. Chess chì l'è el decim campionaa vengiuu de'l Milan. I agn votanta s'hinn dervii conrt ona retrocession in de'l 1980 (per i scomess del folber); la squadra l'è tornada subet in Serie A, ma domà on ann: l'è tornada 'ncamò in serie B on ann. Anca se l'è tornada subet in serie A el Milan in chi agn chí l'è staa minga bon de rivà fin a i volt posizion de la classifega. In de'l 1985 l'ha faa el sò esordì in de la squadra 'l Paolo Maldini, a domà sedes agn. Semper in che l'ann lì el milan el gh'ha avuu tanc problema economegh. Per fortuna la squadra l'è stata quistada de l'imprendidor Milanes Silvio Berlusconi.

L'era Berlusconi

Dopo quei agn grazie a Berlusconi, che el gh'aveva compraa tant giugadori important, el Milan, guidaa da l'alenator Arrigo Sacchi, l'è diventaa voeuna de i squader pusse fort che hinn mai esistii. L'è reussii a vinc duu Cop de i Campioni de fila ('89,'90). Cont Arrigo Sacchi coma allenator el Milan l'haa vingiù: vun campionaa italian, duu Cop de i Campioni, duu Supercop Europej, duu Cop Intercontinentaj, voeuna Supercop italian. I giugadori pussè important de l'era Sacchi hinn sigura: Marco Van Basten, Ruud Gullit, Frank Rjikaard, el capitani Franco Baresi, Paolo Maldini e tant alter. Ne'l 1991 Sacchi l'haa lassaa la squadra, che l'è andata a Fabio Capello. El Milan l'è reussii a vinc quater campionaa in cinch agn, in questi agn l'haa vingiù anca n'altra Cop de i Campioni(anca se se ciamava giamò Champions League). Dopo che Fabio Capello l'haa lassaa la squadra in de'l 1996, per trii el Milan l'è minga rivaa ne le posizioni alt de la classifica. La voltada l'è rivaa in de'l campionaa '98-'99, quand el Milan guidaa da Alberto Zaccheroni l'haa vingiù el campionaa grazie a 'na rimonta su la Lazio. Ne i duu agn dopo Zaccheroni l'è minga staa bon de ottegnì bon risultaa, inscì l'è staa esoneraa. Ne'l 2001 dopo Fatih Terim l'alenator de'l Milan l'è diventaa Carlo Ancelotti, che l'haa vingiù duu Champions League, vun campionaa, voeuna Cop Intercontinentaj, duu Supercop Europej e veuna Supercop Italian, grazie a giugadori come Shevchenko, Inzaghi, Kakà e tant alter. Ne'l 2009 Ancelotti l'è andaa via da'l Milan; ma anca duu leggende de la squadra come Maldini( che s'è ritiraa) e Kakà(andaa al Real Madrid) hann lassaa la squadra. L'alenatur de la squadra l'è Leonardo.

Berg.

Campiunàt 2009 - 2010

Ol Milan l' ria tèrs e 'l và 'n Còpa di Campiù insèma a l'Inter, a la Roma e a la Sampdòria.

Campiunàt 2010 - 2011

Ol 2 de mas ol Milan 'l fà 0 - 0 co la Roma e con dù giurnàde de antìcipo 'l vèns ol campiunàt italià; 'l rìa isé a 18 campiunàt enzìcc.