Giusepp Meazza

De Wikipedia
Va a: navegá, truvá
Lumbard ucidental Quest articol chì l'è scritt in milanes, ortografia classega.
Giusepp Meazza

Giusepp "Pepp" Meazza (Milan, 1910 - Rapallo, 1979) l'è staa vun de pussee grand giugador de fòlber d'Italia. Anca al dì d'incoeu, hinn minga poch quej che disen che l'e' staa el pussee grand de tutt i giugador di balon che l'Italia la gh'ha avuu. El gh'avea vuna manera de giuga' al Folber che l'era consideraa' divina, e el Peppino Prisco, che l'aveva vist giugà per tuda la soa carera el disea che el "Pepp" Meazza el giugava come el Pelé. L'era naa' a Milan 'dree de Porta Tosa in del 1910, e l'è mort a Rapall in del 1979. L'ha giuga' per l'Inter, che a so dì la se ciamava anca "Ambrosiana", poeu per el Milan e per la Juventus, e infin de la carera per l'Inter ancamò. Cont la nazional l'g'ha venciuu du mondial, in del 1934 e in del 1938. L'era anca ciamaa "El Balilla", perche' l'gh'aveva cominciaa a giugà per l'Inter quand l'era vun pinella de 17 ann.

Quand l'è mort, el Comun de Milan el g'ha intitulaa el Stadi de San Siro, per ringrazial del luster che'l gh'ha dà al Fòlber de tuta Milan.