Čeljabinsk

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

Čeljabinsk (Челябинск in russ, parnonziaa [ʨiˈlʲabinsk]; Челябі/Čeljabi in kazak; Чиләбе/Çiläbe in tater; Челяб/Čeljab in baschir) l'è ona città de la Russia. La gh'ha pussee d'on milion de abitant (segond el censiment del 2002).

Geografia

La città la se troeuva in de l'oblast' con l'istess nomm, de la qual a l'è 'l capploeugh. La posizion de la città a l'è in Siberia, a sud-est di Urai, e minga de longg del confin cont el Kazakistan.

Storia

L'è stada fondada in del 1736 cont el nomm de Čeljaba: al temp l'eva domà 'na fortezza. L'è vegnuda ona città in del 1781. A partì del 1892 la gh'è passada la Transiberiana.
L'è cressuda de bon in di Agn Trenta, ai temp de l'industrializzazion sovietega. Duranta la Segonda Guerra Mondial, tanti fabbregh che staven al de là di Urai hinn staa spostaa in Siberia per fài minga borlà in di man di Todesch. Per via de la produzion proppi granda de carr armaa, Čeljabinsk la gh'ha 'vuu el soranomm de Tankograd. In quell period chì, Čeljabinsk l'è come se la fudess stada trada sù in pee ona segonda voeulta: de la città veggia a resta domà 'n queicoss in del centro storegh.
In del 1952 gh'è staa on incident nuclear bell gross, che l'ha faa morì di gent in tutt l'oblast'; per 'sta reson, fina al 1992 la gent foresta la podeva minga 'ndà dent al distrett de la città.

In del 2013 gh'è stada ona "pioeuva de meteorita" (in realtà domà vun, s'ceppaa in tanti tocchelitt) che l'ha coppaa e ferii on monton de personn e portaa dagn a tanti costruzion.

Gemellagg