Wikipedia:Parlóm en pó de nóter/Marz 2012

Distribussiù del Valtelines (8)

Ol Valtelines (ach: Valtelines-Ciavenasch) l'è öna variant de la lengua Lumbarda ocidentala parlada:

• in Valtelina, in de la Pruìncia de Sundri;
• in di ai del Cantù Grisù, in Isvissera
  • Pus-ciavin;
  • Bargajot in Val Bregàia, a Malögia e a Bìe, con substrat e influs romanci;

Carateristigh

El Valtelines el se tröva strengiüü tra realtà lenguistigh pütost diferent. De fat, a ovest, in la bassa val, el riva l'inflüss de l'Insübrigh cumasch e leches; a süd-est inveci gh'è i inflüenz del lumbard uriental; a nord-est se sent l'inflüenza del Rumancc e del Lumbard alpin. Podum dunca dì che 'l Valtelines, cumpagn del Tisines, del Paves e del Nuvares, l'è un cuntinuum de parlad, pütost che un ünigh dialet cun carateristigh ünitari. De fat, a segunda de la pusiziun lungh el curs de l'Ada, el Valtelines el gh'ha inflüss de vön di alter grüp lenguistigh sura elencaa.
In cunclüsiun, se pò vedè 'l Valtelines 'me una serie de dialet de transiziun tra el Lumbard Ucidental e 'l Rumancc, el Lumbard Uriental e 'l Lumbard Alpin. (... va inàcc a lès)