Wikipedia:Cunvenzion di nom

De Wikipedia
Va a: navegá, truvá

I cunvenzión di nom i henn i norm de wikipedia per metegh i nom ai paginn e ai categurij. I gh'hann de vess tegnüü da ment insema ai alter pulitegh de wikipedia, cume Wikipedia:Pulitega e norm e Wikipedia:Cunvenzión urtugrafica.

Nom de la gent[mudìfica 'l sorgènt]

I nom de la gent i gh'hann de vegh prima 'l nom de batesem (o i nom) e poo dop 'l cugnom, e donca: Peder Mazzarela e mia Mazarela Peder.


Nom de piant e besti[mudìfica 'l sorgènt]

Piant e besti i gh'hann de vess cun 'l nom latin int 'l titul de la pagina. 'L nom (o i nom) lumbard i sarann poo int 'l paragraf de presentazion. Presempi, varda Milò.


Nom di categurij[mudìfica 'l sorgènt]

I categurij, vessend rob püssee general, i gh'hann de vess scrivüü in vöna di du grafij de servizzi.
Prima de scumencià una categuria növa, varda i nom de categurij simel. Donca prima de scriv [[Categoria:autur ingles]] varda 'sè che i hann fat i altre prima de tì, e magara te descupriree che gh'è giamò [[Categoria:scritur tudesch]], e donca te gh'è de andàgh adree, scrivend [[Categoria:scritur ingles]]. Per cercà i categurij che esisten giamò te pö druvà quela pagina chì.

Nom in püssee d'una variant[mudìfica 'l sorgènt]

In general, se duvariss cercà de ripurtà almanch un nom in lumbard uriental e vön in lumbard ucidental. Quand i dü nom i henn variazion de l'istessa parola o i se diferenzien dumà int i standard de grafìa o ind la parnonzia, dumà el prim nom (quel del titul de l'articul) el sarà in grasset, e i alter i sarann in italich. Vardee un esempi chì.

Inscambi, in cas indè che la diferenza l'è lessicala (i nom i henn ciarament diferent, mia dumà variazion de l'istessa parola), alura se dröva el grasset per tüt. Vardee un esempi chì. Ciarament, se gh'è repurtaa sia nom diferent che variazion de l'istess nom, se druverà italich e grasset in acord cun 'sti regul, cume l'è stat fat chì.